رفقا بما تبقى مني ..(الجزء الاول " دموع طفلة يتيمة ")

الفصل 24..

رفقاً بما تبقى مني
الجزء الأول :دموع طفلة يتيمة
الكاتبة:Fatima Z- F
الفصل44:

بقاو ساكتين و شي كيشوف فشي، اما سيف حادر راسو معصب و مزال كلمة نوفل كتردد فونيه "ناكل الحلوى" تنفض من بلاصتو كيترعد، كلهم شافو فيه و شافو وجهو لي لونو حمر خلعهم ، شدو باه رجعو يجلس بزز كيحاول يهدن فيه تا صونا ليه تيليفون كان الحاج محمد : الله اسمعنا خير بعد من حدا سيف باش يهضر مع محمد...

 بعد ما تسالات المكالمة رجع عندهم : حاج محمد هضر معايا قالك غير عقل صغر و شيطان كيلعب بيناتهم و مكاين لا شكاية لا والو،،،

 كلهم رتاحو نفسيا الا سيف لي نار شعلات فيه من جديد قلب عليهم طبلة :اعععععع شمن شيطان شمن خرا هذاك الكلب كان باغي... 

بزز باش سرط الكلمة الاخيرة محملش يخرجها من فمو زاد تعصب كاع طوابل صغار قلبهم عليهم ، غوت ربي لي خلقو قطع طريكو لي لبسوه ليه بزز ، خوتو تحماو عليه شدو ليه يديه و هو كيغوت ربي لي خلقو عروق جبهتو. تنفخو ليه بي الاعصاب، خوتاتو دخلو وسط مهم كيبكيو خافو عل خوهم و مهم كثر منهم.... افففف و طلقوني بعدو مني واااااااع ولقلا... بعدو مني غنقتلو غنقتلووووووووو ، بقا كيغوت تا سخف و جهد مبقاش عندو ، طاح على ركابيه عنقاتو مو و دخلاتو فأحضانها و هو تعلق فيها بحال دري صغير باغي غير يرتاح : اهئ اولدي مالك على حالتك اش واقع اولدي اش واقع اهئ اهئ 😢

سيف: غنحماق الوليدة غنحماق غنتسطا صبرت تا عيت و مبقيت قادر نهز هاد الحمل على رقبتي..

الأم: اهئ اهئ اولدي اهئ اولدي غاضيع بين يدي اولدي حبيبي و انا نحماق وراك اولدي عطيني نهز الحمل ديالك و رتاح لي 

اولدي رتاااح و شكي لميمتك شكي ليا و فرغ قلبك اهئ اهئ 😭

سيف : عيت امي و مقادر نهضر و لا ندير شي حاجة كنحس براسي مكثف عيييييييت امي ولدك عيا... 

حسات بيه كيتنخسس فأحضانها شافت فيه لقاتو كيبكي و دموع كيهبطو : اهئ بكي اولدي بكييي ميمتك انا اهئ اهئ 😭 بكي ورتاح احبيبي رتاح..

 كدوز يديها على ضهرو و تمشط شعرو باليد الاخرى و تبوس ليه راسو و يديه قلبها محروق على ولدها ، اخيب موقف هي تشوف دموع ولدك قدامك كتشوفيه معدب و معرفاهش علاش معدب بغية تعاونيه و يدك مكثفة ، بقات مزيرة على ولدها فأحضانها خيفاه يهرب منها و هو القلب و اعز واحد عندها دايراه فعنيها شافت الويل عاد باش جابتو لهاد دنيا كان غيموت فرحم ديالها كون معتقوش سيدي ربي و عطاه حياة تانية هو العزيز لي يسول فيها و يحن فيها واقرب واحد ليها يتعاود معاها و يشكي ليها، كانت حاسة بيه و كتقول ها هو غيجي و يشكي ليا كيف مولف تسناتو بزاف و فين متسولو مايعطيها خو كلامها خلاتو على خاطرو وكون عرفاتو يوصل هاد الحالة ما تفرق عليه تا يقوليها اش معدبو ومخليه يسهر ليالي... اش مخبي عليا اولدي و حبيب قلبي يعلم الله اش هاز اولد ميمتو . حسات بيه ترخى بين يديها عرفاتو نعس باستو فراسو وقالت لعالية تجيب ليها شي حاجة تغطيه بيها ،،،،غطاتو و خلاتو فأحضانها يرتاح ،،، قفز من بلاصتو مخلوع مسكين شاف مو لي بتسمات ليه بحنية ورجعاتو ينعس بقات كطبطب على ضهرو و تغني ليه اغنية لي كانت كتغنيها ليه و هو صغير دموع فعنيها و طلب ربي يحفضو ليها....