رفقا بما تبقى مني ..(الجزء الاول " دموع طفلة يتيمة ")

الفصل 15

رفقاً بما تبقى مني
الجزء الأول :دموع طفلة يتيمة
الكاتبة:Fatima Z- F
الفصل:25:

كمال لي وسطهم غير كيشوف و كوثر بغيا ترجع ضرب الماس تا بدا كيغوت ويسب تعصب و كلشي تصدم فيه حيت ملفينه سكوتي وكلامو قليل.
كمال لكوثر: واش نتي مريضة ولا مالكي لكنتي ناقصة عقل قوليها نديوك تعالجي واش بنت تعوم تحيد لوسخ لي من نهار ماتو والديها عمركم حشمتو على عرضكم وتكلفات تغسل ليها .
مينة:كمال ولدي راها مرت عمك هادي حشومة تقول هاد لهضرة و تهز صوتك عليها.
كوثر: شفتي امينة ولدك مبقا يحتارم حد.
كمال تعصب :لخرا هادا ماشي الاحترام هديك لي ضربو فيها ازبل راها بنت عمي واش نتوما محشمتوش على راسكم عليها وجالسين تعدبو فيها جالسين تسناو مني انا نحتارمكم
الحاجة:كمال صافي سكت انا غادي نتكلف بهاد شي نتا مدخلش فيه.
كمال : كون مكنتوش عائلتي والله تا نبشي ندعيكم (وجه هضرتو لكوثر) لبغيتي لحبس عاودي ضربيها ياك كتخدم عليكم كيف بغيتو هازا عليكم حمل شقا وتمارة وعمرها هضرات وتزيدو ضرب علياش حيت بشات تغسل حالتها لا لا نتوما زدتو فيه بزاف .خرج وزدح لباب معصب خلا كلشي وراه مصدوم الحاجة هي وكوثر و مينة بقاو غير كيضورو في عنيهم.
تنهدات الحاجة :اديك شهبة نوضي من قدامي سيري غسلي داك لوجه و دخلي لكوزينة و نتوما (شافت فكوثر و مينة) تبعوني لصالة.
دخلات الماس لبيت لما وهي كلها كترعد حطات يديها على وجها وهي تغوت من تقصحات:ااايي اهئ اهئ😭 بقات كتبكي بصوت مكتوم بغات تنعس بغات تغمض عنيها و متعودش تحلهم بغات تكون بحدها بعيدة على كلشي يكون غير سيف لي معاها و مخشية فأحضانو يحميها ويربت على راسها و يقولها متخافيش انا معاك ....غسلات وجها و توجهات لكوزينة وعنيها في الارض دازت قدامهم وكلهم كيخنزرو فيها..
الحاجة: شوفو نتوما بجوج نقولكم جوج هضرات منفوتهمش هديك هازة عليكم كاملين حمل شقا و تمارة بغيتو نتوما ديرو شغلها فبلاصتها مرحبا من غدا نجري عليها..
كوثر و مينة خرجو عينيهم فيها: الحاجة اش كتقولي هادي ماشي لمرة الاولى لي كنضربها وزيد هي كدير علاش نضربها غير كنشوفها جنون كطلعهم فيا.
الحاجة:انا ماشي صوقي فجنونك لدارت علاش تاكل العصى اجيو قولوها ليا وديك ساعة شوفو على عنيكم شنو ندير فيها، ماشي لبنت بشات غسلات و نضتي كتقتلي فيها بلا حشمة بلا حيا، و زيد خليتكم ضربوها و مقلت والو باش تولي تخاف منكم و الهضرة لي قلتها ديرها اما دابا البنت كتكبر بعدو منها ماشي في اخر يامي يوليو جيران جيبين ليا البوليس.
مينة:نتي اش كتقولي مافهمت والو.
الحاجة:مهم ديرو بهضرتي و قطعو الحس ديك شهبة غادي تبقا خدامة وهازا عليكم شقا لكن ضرب صباح و عشية منبغيهش و جمعو يدياتكم عندكم (هزات صبعها فوجهم) وياكم شي وحدة زغبها الله و تحط يديها عليها وهاد الهضرة ماشي انا لي نقولها راه الحاج لي وصاني لبغيتو غضب الحاج ينزل عليكم حطو عليها يديكم.
جمعات لوقفة و توجهات لبيتها خلات عريساتها مصدومين و مفاهمين والو وزاد تصدمو ان الحاح لي موصيها زعمة شنو الحاج حن قلبو عليها لا لا مميمكنش الحاج محن قلبو تا فولادو بقا غير هادي لي من نهار تزادت محامل فيها شعرة افففف هادشي مكيدخلش لعقل باينة كاينة شي ان تم.... توجهات كوتر لبيتها و عقلها مرفوع بكلام الحاجة بينما مينة دخلات عند الماس لكوزينة حيت نوبتها فطياب لعشا وتا هي عقلها مرفوع كتفكر فكلام الحاجة لي جاها غريب ......