رواية :رفقاً بما تبقى مني...
الكاتبة:Fatima Zahra Fallaka
الجزء الأول : دموع طفلة يتيمة
دازت يومين و سيف كل صباح يطلع لسطح يتسنى الماس و هي ما بانت ليه تشوش عليها و ما قدر يسول و طلب الله يحفظها و متوقع ليها والو، وخا هو يالله عرفها لكن عزات عندو و فقلبو شدات و صورتها فعينو ما نزلات ولا يفكر فيها ليل و نهار و يضل يحلل كيف يعاونها و هو ممعاون تا راسو فكر يبشي يشكي لجمعية "متقيصش ولدي" لكن من سول عرف الجمعية ماعندها باش تعاونها من غير تهزها و تحطها في الميتم و هو ما قدر يدير هاد الخطوة عارف الميتم مافيه ناس شرفاء وفيه غير دياب و خصوصاً الماس جايبة لعين بزينها و لعين لي شافتها متزکلها تزير عليه قلبو و وجهو ولا حمر نفض عليه هاد الافكار و واعد نفسو لي قاس شعرة من الماس ينحرو نحير جمل وما يرحمو .
جمع الوقفة و سرح رجليه لجامع لفنا بقا كيضور تا جات عينو على حلوة ديال دراري صغار بتاسم و شا خدا منها هي وشي حلوات اخرين دارهم في ميكة و رجع لدار داز على الحانوت خدا منو شكلاط و دخل لدارهم بشا خبا الميكة في بيتو و خرج يتعشا.
دخلات الماس لبيتها و سدات عليها من لداخل كيف موصتها جداتها و كي حطات راسها على المخدة نعسات
فاقت قبل ما تشرق شمس خرجات وجدات لفطور كيف ديما وهزات شبكة عامرة حوايج عمتها و جداتها و طلعات لسطح تصبن وجدات كلشي كيف العادة و جلسات على الفراكة تفرك و تحط في سطل و محسات غير بي يد ورا ضهرها تجمدات في بلاصتها و الخلعة طلعات معاها دورات وجها بان ليها سيف قدامها مبتاسم
سيف:صباح لخير فين غبرتي هادي يومين.
بتاسمات ليه و لحوايج لي فيديها طلقات وعلى عنقو تعلقات و زيرات.. تصدم من تعنيقة ديالها و تبسم و هزها بين يديه و جلس على الجلسة لي فسطح و حطها على رجليه قدامو و هي معنقاه و حاطة وجها في عنقو كيحس بي الانفاس ديالها كيضربو عنقو و هو كيطبطب على ضهرها و قال
سيف : مال بنتي مالها شكون قلقها ليا
..هزات عنيها فيه و هي كضحك :😄جيتي.
سيف كيمشط ليها شعرها بيديه :ههه اه جيت،
علاش مطلعتيش البارح.
الماس:انا كنطلع غير من كيكون عندي تصبين صافي.
سيف :وخا هكاك هاد المرة وخا ميكونش تصبين طلعي غادي تلقايني كنتسناك هنا صافي.
الماس:وخا😄
سيف: وينو على لفنون.. جبد ليها حنيكاتها... علاش كضحكي.
الماس:حيت شفتك😊
سيف:ههههه وخا ابنتي شوفي شنو جبت ليك عطاها لميكة لي عامرة حلوة و شكلاط.
خداتها الماس و بدات كتقلب و عينيها كيلمعو و كتسرط ريقها بصعوبة هزات راسها فيه و هو حاضيها.
-الماس :هادو ديالي انا.
سيف كيحل ليها بلاطو ديال شكلاط:اه كلشي ديالك كُليهم ولا عجبوك نبقا كل نهار نجيبهم ليك.
الماس و الفرحة في عنيها: انكلهم كاملين 😄 هانتا شوف ...هزات حلوى و بقات كتاكلها بزربة بحال لغادي تهرب ليها محسات تا وحلات ليها و بقات كتكحب و عنيها خارجين.
سيف مخلوع و كيضرب ليها ضهرها: الماس مالكي.. الماس شوفي فيا ..الماس مزيان دابة.
الماس كتكحب : كح كح كح ا اه كح كح صافي صرط كح صرطها 😄
سيف:هههههه كولي غير بشوية صافي
حركات راسها و فمها عامر بشكلاط و عنيها كيلمعو بالفرحة و مراقبها و كيشوف كيف كتكل كاع وجها جلخاتو جابت ليه ضحكة شوية وهو يسولها...
أنت تقرأ
رفقا بما تبقى مني ..(الجزء الاول " دموع طفلة يتيمة ")
Short Storyغادر الرضا النفس الطيبة ، وماتت الحياة الباسمة . فما عاد سبب يستحق الحياة ، فالضمير يتألم وتسمع الأعماق صرخاته وعويله ....هي تجتدي النجاة فقد ضل اللقم وضاع منه قنديله بين ضباب الطقس ....... هي لا تتكلم مثلما تتألم ، فهي تستقبل العتاب عن اقتناع وتستع...
