رفقاً بما تبقى مني
الجزء الأول :دموع طفلة يتيمة
الكاتبة:Fatima Z- F
راك شتي صداع بدا و المشاكل غادي تقوى من هنا لقدام، اولدي انا بغيت ليكم لخير هادشي علاش كنطلب منك تفارق عليها.
سيف تنفض من بلاصتو وخرج عنيه فيها : اش كتخربقي نتي مستحيل نخلي الماس.
خديجة شداتو من يدو : قلت لك سمع كلامي تا نسالي ا سيف ، الماس مزال صغيرة و محدك غادي تبقى حداها غادي توكل عليك فكلشي، ناض صداع وكون مكدبنا هاد الكدبة البيضاء كون كحالت على الماس مسكينة راه مغضرر لا نتا لا انا راه هي لي غتضرر كثر لعرفو علاقتك بيها، هي مزال تحت سميتهم و تا حد ميعطيها ليك وخا تلتاجئ للقانون راه يلصقو فيك مونتيف و يدخلوك الحبس و يبشي ليك مستقبلك و الماس بجوج، دير نيتك اولدي فسيدي ربي و توكل على الله و تفارق عليها، فراسي ان شي حد جا بغا يديك لمريكان و هادي هي لوجيبة قاد وراقك اولدي و سير كون راسك و دير بلاصتك و ولي هما وشان و يولي كلشي يضرب ليك الف حساب و حساب و ديك ساعة رجع ،،،، رجع لحبيبتك و ديها قدامهم براسها مرفوع و ديك ساعة مكاين لي يحيدها ليك غادي تكون ديالك بحدك، وانا اولدي انا لي غنربيها على يدي و نحضيها ليك ميتعدا عليها حد ما يقيصها حد غادي تبقى امانة فرقبتي تا ترجع ليها و هي غادي تبقى تسناك تا ترجع ديها نواعدك اولدي نحميها بكل قوتي تا ترجع...
سيف كيسمع ليها و قلبو كيضرب بجهد ميقدرش يبعد الماس هي روحو والهوا باش كيتنفس كيف يقدر يبعد على روحو شد راسو بين يديه : لا منقدرش.. منقدرش نبعد عليها امي خديجة رها هي روح باش كنتنفس...
خديجة بأسى: روحك غادي تبقى قدام عيني تا ترجع ليها، سير كون راسك هادا هو الحل الوحيد لبغيتي الماس تكون ليك في الاخير اما لبقيتي هنا غير غادي تعدبو بجوج ...
سيف جمع الوقفة كيحس بحال لموس كيطعن قلبو عارف خديجة عندها صح و محد معندو سلطة و مكانة صعيب تكون ليه الماس هو بغي يعوضها فجميع العداب لي مرات بيه، .....
حط يديه ورا راسو كيبشي و يجي قدام خديجة و هي حاسة بيه محروق : اولدي راك غير كتعدب راسك دير تيقتك في الله و زطم على قلبك و يكون خير ها انا معاها و تا هما و نوفل لي تخاف منو راه جرا عليه الحاج.. ..
سيف شاف فيها : نوفل بشا و لخرين لي يضلو يتكرفصو عليها شنو غادي ديري معاهم.
خديجة: خليني انا نتصرف فهاد شي الماس راها بنتي و انا مغادي نسكت ليهم مهم عندي هو من تكبر الماس تلقى راجل لي يقدر يحميها و لي هو نتا و هادشي علاش سير دير باش ترجع اولدي. ..
تتبع
أنت تقرأ
رفقا بما تبقى مني ..(الجزء الاول " دموع طفلة يتيمة ")
Historia Cortaغادر الرضا النفس الطيبة ، وماتت الحياة الباسمة . فما عاد سبب يستحق الحياة ، فالضمير يتألم وتسمع الأعماق صرخاته وعويله ....هي تجتدي النجاة فقد ضل اللقم وضاع منه قنديله بين ضباب الطقس ....... هي لا تتكلم مثلما تتألم ، فهي تستقبل العتاب عن اقتناع وتستع...
