رفقاً بما تبقى مني...
الكاتبة:Fatima Z-F
الجزء الأول : دموع طفلة يتيمة
حلات لميكات لقاتهم عامرين شكلاط على الاشكال تبسمات و عودات هزات فيه عنيها وهي كضحك.. مدات ليه فمها باش يبوسها هو تبسم و شد ليها حنيكاتها قرصهم و باسها و قال:
عجبوك
الماس:هيهيهي يزاااف 😄
سيف جبدها عندو كثر خشَها فصدرو :اجي لهنا اححح شحال توحشت ضحكتك... هبط راسو كيشوف فعنيها.. عاودي ليا شنو درتي فهاد ليومين....
عودات ليه الماس كل ما دارتو و هو غايب منسات تا حاجة حط يدو على شعرها و هو يقول
سيف:طوال
الماس شافت في شعرها: اه بزااف
سيف:زوين خليه هكا عمرك تقطعيه صافي
الماس و هي كتكل شكلاط :اصلا عمري قطعتو
سيف بقا كيشوف فيها و يدو كتحسس على عنقها من ورا شعرها و عينو كتسارة على حوايج لي لابسة و هو يقول
سيف:الماس شكون كيغسل ليك.
الماس:تا حد كنغسل لراسي
سيف بتسائل :كيفاش راسك
الماس:من كنفيق بكري كنغسل و جهي و يدي دييما.
سيق: لاااا زعمة واش كيديك شي حد لحمام
الماس وهي كتلحس صبعها لي فيه شكلاط:امم لا معمر شي حد داني
سيف سكت و معاودش سولها.. اش غيسول مزال وهو عارف هاد القوم مفقلبهم رحمة مزال مقدرش يستعوب كيفاش عائلة دير في بنت ولدها هاد الحالة كل ما كيفكر كيزيد يتعصب و يمرض من هاد القوم لي عايش وسطو.. الماس مزال مخشية وسط منو و يديها كل مرة تجبد حاجة و تاكلها و هو حاط راسو على راسها و كل مرة يبوسها و عقلو ممعاهش كيفكر اش غيدير و عرف ان بحال هاد القوم خاصك معاهم الحيلة اما لا قصحتي وجهك و بشيتي هضرتي معاهم في الوجه نيشن ما غديش يتقبلو هضرتك و يرجعوك نتا هو لخايب ... فكر سيف مزيان و خيط و فصل غير مع راسو و محس براسو تا لقا الماس وقفات عرف ان وقت لفياق ديال جداتها هو هاذا و قبل ما تهبط قربها عندو و سولها.
سيف:واش غادي تخرجي الخبز ديه الفران
الماس:اه غادي نديه علاش
سيف: هانتي من توصلي عند سي عزيز تسنايني تا نجي وخا
حركات ليه الماس راسها بلا متهضر ..تودعات معاه و هبطات كتسلت غير على صبيعات رجليها صغيورين تا وصلات لبيت لي كتنعس فيه و خبات الميكات لي مزال فيهم الحلوا و سندويشات، خباتهم مزيان و هزات زيف عكسات شعرها و لكوزينة توجهات بقات تم مخشية تا دخلات عليها جداتها هزات لفطور و حطاتو فطبلة فالجلسة و سط دار .. كلشي تجمع على طبلة يفطر
و الماس جفاف هزات و طلعات لطبقة تانية دوز على البيوتة تخملهم كاملين،، بقات مخشية تم تا كملات شغلها كامل هبطات لتحت لكوزينة لقات لعجينة كتسناها، عجنات و في لوصلة ڭرصات و غطات هاد صباح ما هضر معاها حد ما قرب ليها حد عطاوها تيقار من شافوها كدير الحاجة قبل ميقولوها ليها.. تغامزو عليها عيالات عمامها و هما عاجبهم الحال و كيف ميعجبهمش الحال و هما ما يهزو ما يحطو ما يديرو يديهم فالما يضلو نعسات و الماس عليهم تشقة و يضلو يضحكو و يقولو ها بنت لي كانت نافخة علينا ريشها تحت رجلينا خدمات.. تا من لميت مخليتوه يرتاح فقبرو ، وهما ما كان عاجبهم حال من ولات لالة غيثة لخدامة هي مولات راي و شوار وعند سيدي عبد المغيث توجات ملكة في مملكة قلبو... و دابا ها بنتها قدامنا و لأصل مها رجعات بنت الخدامة تبقى غير خدامة و عمرها تولي ملكة.. ضحكو و شبعو ضحك و كوثر على بناتها ضل تحلم و تقول ما نعطي بناتي غير لولد لأصل بخيرو و خميرو ،...
أنت تقرأ
رفقا بما تبقى مني ..(الجزء الاول " دموع طفلة يتيمة ")
Cerita Pendekغادر الرضا النفس الطيبة ، وماتت الحياة الباسمة . فما عاد سبب يستحق الحياة ، فالضمير يتألم وتسمع الأعماق صرخاته وعويله ....هي تجتدي النجاة فقد ضل اللقم وضاع منه قنديله بين ضباب الطقس ....... هي لا تتكلم مثلما تتألم ، فهي تستقبل العتاب عن اقتناع وتستع...
