غادر الرضا النفس الطيبة ، وماتت الحياة الباسمة . فما عاد سبب يستحق الحياة ، فالضمير يتألم وتسمع الأعماق صرخاته وعويله ....هي تجتدي النجاة فقد ضل اللقم وضاع منه قنديله بين ضباب الطقس .......
هي لا تتكلم مثلما تتألم ، فهي تستقبل العتاب عن اقتناع وتستع...
رفقاً بما تبقى مني الجزء الأول :دموع طفلة يتيمة الكاتبة:Fatima Z- F
عند الماس لي شدات العطلة و عادت حليمة لعادتها القديمة شقا و تمارة ، الحاج و الحاجة ولو خايفين من المحامي لي ولا يجي على غفلة بلا ميعلمهم و زيد بلاصت يجي مرة في سيمنة ولا كيجي جوج مرات و الحاج ديما يوصي الحاجة تحضي الماس ليوقع ليها شي حاجة و يبشي ليه كلشي فالخوا ، الحاجة دخلات عريساتها يشقاو على راسهم و خلات الماس غير تعاونهم مرة مرة ، لعريسات معجبهم حال و ناضو كيتغاوتو تا دخل عليهم الحاج نقى ليهم ودنهم مزيان مخلا فيهم غير لي نسى و شركهم كاملين تا من الماس كلات دق مسكينة و خا هكاك صبرات و سكتات و ما ردات عليهم وخا شقى تشرك و ولاو لعريسات يديرو نوبتهم و لكن كلشي على الماس و دير الحاجة بلا ما تشكي ... نوفل رجع لدار حيت كان ساكن مع صحابو فواحد دار قريبة لفاك من رجع ما هبط عينو على الماس فين مدوز يتبعها كيحاول يهضر معاها و هي متجاوبو ما تكلمو و من يجي قدامها تهبط راسها لأرض و دوز من حداه بلا كلمة ،،،، شافتو الحاجة و عاود نبهاتو و قاتليه هاد لمرة نلقاك حداها نقولها الحاج و ديك ساعة نخليك منك ليه ..... نوفل من سمع سميت جدو عاود جمع عنيه عليها ما بغي مشاكل مع جدو و لكن شهوتو لألماس غلباتو وخا صغيرة لكن عاطية لعين و زينها هبلو وخرج ليه لعقل ولا ينعس مع البنات و يتخيلها هي لي قدامو مرض فصحتو و هي لي ملكات عقلو بزز باش كيكبح راسو من كيشوفها قدامو و كل نهار يزيد يصبر فراسو و يقول خلي غير تكبر شوي و ديك ساعة مكاين لي يعتقها مني..... خرج بحالتو يسرح رجليه و فزتقتهم تلاقا مع شي صحابو قدام. -افين اخاي نوفل فين هاد لغبرة نوفل: غير لفاك و صداعو و نتوما الخوا .. -صاحبو تاني: غير هنا لا قرايا لا خدمة حاضين غير زناقي تا حفضناهم طوبة بطوبة هههه نوفل: هههه مكاين ما يدار عندك شي جوان بعدا. -مطلبتي غير لموجود ها هو لخويا العشبة مزال فميكتها. - شعلو و خدا نفس طويل منو : ااااااه هادشي عندك مجهد -واره قتلك عشبة جديدة اصاحبي. نوفل سهى و هو يقول: دات لي عقلي اخويا مبقيتش قاد نصبر عليها ولو يوم واحد... صحابو كيضحكو: ههههه شكون هادي لي طيحات صاحبنا على راسو. نوفل داخ بجوان : كتكوتة اصاحبي و قرطااااسة شي حاجة قنبوووولة و الله تا خوكم شاد راسو غير بزز غير حتاش مزال صغيرة اما كون نهار الاول ..... دار اشارة بيديه.... طرطقت البشونة صحابو؛ ههههههه و شكون منعك الخوا تمتع مع راسك و ضوقنا معاك تا حنا شوية 😉 نوفل تعصب عليهم: ونوضو تق**** اولاد لق*** هديك ديالي بوحدي نلقى شي حد مسها ندبح دين لي حطو.... صحابو : وصافي تهدن اصاحبي و جلس حنا غير كنضحكو وااه. نوفل : عرفتي كون مكانش داك ولد ق*** ديال جدي لي واقف ضدي كون دابا رني واااكل الحلوى و ش.... قبل مايكملها حس بشي حد هزو من كول ديال تيشورط ديالو و عطاه لوجه ضربة وحدة تلفاتو ......
ضربة وحدة تلفاتو و دم هبط ليه من نيفو طاح لأرض و دنيا كدور بيه عاود هزو و عطاه بونيا لكرش و عاودو لوجه : يا ولد لق*** ليوم ندفن مك نزل عليه بدق محنش فيه جاو صحابو يفكوه شركهم معاه سيف جعر و الكلام لي سمعو من نوفل عرفو كيهضر على الماس مبقاش كيشوف قدامو جهل و سيف من كيتعصب كيولي فيه قوة سبعة رجال خلطهم كاملين خرجو جيران كيتغاوتو و تا حد ما قدر يفك و كلهم تصدمو من شافو سيف داك الولد سكوتي و محتارم راسو و عمرو جبد شي حد ،اليوم كيشوفوه بحال ثور الهائج عنيه حومر كيخلعو و كيتنفس بجهد رجع لنوفل بقا عليه بالبونيات تا سخف ليه فيدو و تقول واش بغا يحبس وكل ضربة كيعطيه يقوليه هاديك ديالي بوحدي اشماتة نتا تقيصها نتا نتا اولد زامل تحط عينيك عليها... غنقتلك ..جاو خوتو و باه كيتجراو من وصلهم خبار و تا من عائلة حاج محمد كلها خرجات بان ليهم نوفل كلو دميات و سيف من فوقو كيعطيه. كوثر فشلان و صوتها بشا اما الحاجة عطاتها غير لغوات و الماس مسكينة واقفة قدام الباب تخلعات كتشوف فسيف و كتبكي فصمت ... جاو خوتو هزوه من فوق نوفل بزز و هو كيغوت؛ اعععععع حيدوووووووو اولاد لق*** خليوني نقتل دين مو ،وواااع هديك ديالي دياااااااااااالي ... ولا بحال ثور رما خوتو لي كانو شادينه و رجع لنوفل لي كان هازينو باه و عمو هز رجلو عاود عطاه لكرش تا طاح وعاود طلع فوقو كيعطيه خلطو بالمعقول عياو ميفكو فيهم و تقول سيف بغا يتفارق على نوفل بغا يشوف روحو كتخرج قدامو عاد يرتاح نار شاعلة فيه و مزال كلام نوفل كيلعب ليه على راسو كاع رجال جاو كيجرو سيف و تقول واش بغا يتفاك ، جابو ليهم كاس عامر بالما بارد رماوه على وجهو باش يبرد من الغضب ديالو،،، تنفض من حس بالما بارد على داتو دفع عليه خوتو و جلس فالارض شاد راسو كيتنفس بصعوبة حيد طريكو لي لصق عليه بالعرق بقا عريان من لفوق و عضلات صدرو كيهبطو و يطلعو ، و خوتو كيبعدو عليه ناس باش يشم شوية لهوا ميخنقوهش ، هز راسو جات عينو نيشن فألماس لي كتبكي بغات تجي عندو و دار ليها براسو بمعنى لا ....بقا كيشوف فيها غلبوه دموع نسا راسو وغير هي لي بقات كتبان ليه بوحدها في عالمهم الخاص نزلات دمعة يتيمة على خدو الايسر تقهر و مبقاش قادر علي هادشي فوق استطاعت تحمل ديالو مكرهش يهرب بيها و يغبر من هنا يبعد هو وياها و يعيشو بجوج تكبر قدامو و تبقى ليه بوحدو ، قلبو كيتحرق و تا حد ما حاس بيه .... حول عينو فالحاج محمد لي جالس يغوت هو ولادو و يقول و الله تا نديه فين يتربى شوف كيف رجع حالت لولد اش هادشي اسي لكبير. الحاج كبير: محمد خليني انا وياك مزيانين ولدي و انا عارفو وكاع جيران عارفينو مربي و اخلاقو عاليا و ميجبد حد سير سول ولدك اش دار ليه و ولدي غادي نهضر معاه و لبغيتي لبوليس راك كتعرفهم سير شكي عندهم .
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
#نتمنى تفاعلو نع اجزاء القصة و متنساوش تعاليق و فوت🔥
