غادر الرضا النفس الطيبة ، وماتت الحياة الباسمة . فما عاد سبب يستحق الحياة ، فالضمير يتألم وتسمع الأعماق صرخاته وعويله ....هي تجتدي النجاة فقد ضل اللقم وضاع منه قنديله بين ضباب الطقس .......
هي لا تتكلم مثلما تتألم ، فهي تستقبل العتاب عن اقتناع وتستع...
رفقاً بما تبقى مني الجزء الأول :دموع طفلة يتيمة الكاتبة:Fatima Z- F
نزار: و مي خويا سيف كيدابز مع نوفل ولد الحاج. خديجة رمات داك شي لي فيديه : اويلي مالهم. نزار: وجري امي نبسيو نفكوهم. خديجة : اجي لهنا و قولي علاش دابزو. نزار قال ليها کاع داك شي لي سمع. خديجة عرفاتو كيهضر على الماس : يديرها ولد لحرام الله اعطيه الموت فهاد نهار ولد الكلب ناوي الغدر ...غنوريه العيالاات علاش قادين... جبدات عندها ولدها و حمرات عنيها فيه... شوف سمع لهضرتي و من نبشيو تم غادي تقول ليهم بالحرف ان نوفل هو لي جبد سيف و كان كيقول باغي ياكل الحلوى العالية خت سيف و سيف سمعهم و هادشي علاش دابزو... نزار: اسمن حلوة امي راهم كيدابزو خلي نبسي نتفرج.. عطاتو جوج شحطات فرجليه : اولد لحرام و الله وما قلتي هاد شي تا نسلخك.. و عافك اوليدي نعطيك فلوسة صافي. نزار: وخا و يالله دغيا قبل ميتحماو عليه. خديجة: امممم سيف غير ساهل ليهم تريكت شماكرية، خليه يزوق ليه داك اللحم انا بعدا يبرد لي لغديد غير فداك ولد الكلب الغدار... العودة للحاضر. عند الماس لي داز كلشي قدامها و مزال تصويرة سيف بهديك الحالة قدام عنيها كتبكي و تنخسس فصمت خافتهم يعيقو بيها، كلها كترعد مسكينة خافت و تخلعات و تا حد ما طل عليها. اما الحاج من دخل وهو كيغوت: صافي داز على كاع البنات بقات ليه غير بنت صاحبي بالحمار لخر. الحاجة: تهدن الحاج راه عقل صغر هدا و دابا نهضر معاه و نجبد ليه ودنيه ... الحاج: كلشي منكم فششتوه كثر من لقياس و لكن انا لي غنرجعو لطريق خليه تا يرجع عندي و الله تا نربيه بغا بغدرني الكلب، بنت صاحبي.. صاحبي اعباض الله .... الحاجة سكتات و بقات كدور غير فعنيها و تقول بينها و بين راسها وهادي غير بنت صاحبك وشوف اش درتي كون عرفتي اش بغا يدير لديك شهبة يعلم الله فين غادي نوصلو.. الحاج لكبير عندو مكانة خاصة فقلب الحاج محمد كانو صحاب من صغرهم و بجوج بداو من والو و بشوي دارو هاد الخير ، كانو ديما يد في يد و لي تقالت على محمد خفافت على لكبير بحال لخوت و يقدر يكونو كثر را صحبة ديال 50 سنة ماشي ديال نهار.... ثيق هضرت نزار حيت عارف ولد صاحبو مربي وداخل سوق راسو و مكيجبد عليه حد اما نوفل عارفو عنيه زايغين ، هز تيليفونو و دوز نمرة صاحبو:الو لكبير ... مزال مشتو و ما حامل نشوف كمارتو عيطت ليك غير نقولك سمح لي راه غير شيطان كيلعب بين دراري..... لا لا واش بصح تيقتي نعيط لبوليس سيف راه تا هو ولدي دابزو ليوم غدا تلقاهم مصالحين عقل صغر و صافي... الله اعاونك و تهنى من جيهت نوفل غادي نتكلف بيه .. الله اعاون.... الحاج : عيطي لدوك ولادك شوفي فين وصلو. الحاجة: عيطت ليهم قالك كيتسناو برا مزال مخرج طبيب من عند نوفل... الحاج :نوضي لبسي جلابتك نتبعوهم خاص نتكلف بهاد موصيبة ليوم قبل غدا...
فرياض الحاج عبد الكبير... كلشي مجموع فصالون، سيف حادر راسو الارض عاض على فمو من لتحت و رجليه كيلعبو بي الاعصاب و باه حداه حط يدو على ضهر ولدو لكبير: علاش دابزتو اولدي هادشي ماشي ديالك... سيف : بدون رد تنهد سي الحاج.. و غمض عنيه مبغاش يحكر عليه و خصوصا شاف دمعة فعنيه عرفو واصلة ليه لعظم و من كيلعب برجليه بهاد طريقة باين معصب و مقهور، جات تهضر مو وهو يغمزها الحاج سكتات و رجعات كتبكي فبلاصتها كتشوف ولدها تبدل بزااااف معرفاتش اش بيه و مع دالك حاسة بيه كيتعدب ،قلب الام ما كيصبر من تشوف ولدها فذيك الحالة،، اما خوتو بقا شي كيشوف فشي ما فهمين والو عمرهم شافو خوهم صغير بهاد الحالة ولا عمرو دابز و خا تبدل بزاف من نهار دخل لديك داخلية في كازا و بعد عليهم لكن عمرو خرج كلام الخايب من فمو بي بساطة ليوم شافو سيف جديد تا حد ما عارفو.....
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
