الفصل 27

1.9K 41 0
                                    

رفقاً بما تبقى مني
الجزء الأول :دموع طفلة يتيمة
الكاتبة:Fatima Z- F

فطرو فجو صامت سلاو و قال ليهم لحاج راني هضرت مع خويا و فهمتو كلشي و صلوه و رجعو بحالتكم ...نفض يدو.... الله اعاون،
خرج وخلاهم وراه، تنهدو بأسى و خرجو وراه بقات غير الحاجة و الماس في الرياض الحاجة جالسة تخمم بينها و بين راسها و الماس فشقا ديال دار و دموع فعنيها بغية تشوف سيف بالنسبة ليها سيف هو راحة والقوة باش كدوز نهار و من غيرو كتحس بالهوا تقطع عليها... حمات شمس و مزالة وسط تمارة تا سمعو دقان فالباب حلات الماس بانت ليها خديجة عنقاتها مسكينة و باستها دخلات بانت ليها غير الحاجة ساهية.
خديجة :احم صباح لخير لحاجة.
الحاجة دارت عندها: اه هادي نتي خديجة دخلي .
خديجة: سمحي لي على هاد لمجية جيت غير نشوفكم كيف بقيتو من البارح،،،، اما بينها وبين راسها جات غير تقلقل فيهم اش تحت راسهم وأش ناويين.... خديجة مرا حرة وقادة و مدوزش عليها و صعيبة فنفس الوقت..
الحاجة: هانتي كتشوفي فين وصلنا ولدنا خرج لينا شيب وزيد الحاج سخط عليه سخطة وحدة.
خديجة: اويلي واش بصح ايوا وشنو درتو.
الحاجة: ايييه اخديجة شغادي نقولك جرا عليه من دار و مراكش كاملة ، جمعو ليه حوايج البارح سيفطو لعيون عند خوه قاليه وجهك ميجيش قدامي تا تقد على راسك و تربيه عاد اجي،،، اودي تخربقنا مبقينا عارفين والو...
خديجة فرحات فنفسها ورتاحت من جيهة نوفل: الله يا ربي مسكين ميستهلش هاد تكرفيسة، لكن شنو ديرو محد الحاج قال هضرتو ما يقدر حد يجي قدامو..
الحاجة: هادشي علاش سكتنا و مقلنا والو..
بقات خديجة كدي و تجيب لكلام مع الحاجة تا خدات لي بغات دارت سبة بولادها خلاتهم وحدهم تمات خارجة و غمزات الماس تبعها وصلو لباب وقالت ليها
خديجة: الماس بنتي عجنتي.
الماس: لا مزال..
خديجة: اوا سيري عجني و جِبيه لفران ياك بغيا تشوفي سيف ،... دارت ليها اه براسها.... من تجي غادي تلقايه عندي صافي ...
الماس عنيها ولاو كيبريو بالفرحة سدات الباب و بزربة بشات تعجن و تكمل شغلها دغيا باش تشوف سيف...
خديجة من خرجات بشات لدارها دوزات نمرة لسيف و خبراتو دابا يجي عندها بغاتو ضروري،،، خلعاتو وعلى الماس سول طمأناتو وقالت ليه كلشي مزيان بغيتك فحاجة اخرى.....
عند سيف لي ضرباتو الفيقة بكري لقا راسو ناعس فصالون و مو ناعسة حداه ، باس ليها راسها و غطاها .. ناض من بلاصتو بان ليه خوتو وباه ناعسين فجيهة الاخرى خلعوه بقا غير كيدور فراسو تفكر اش دار البارح تنهد تنهيدة طويلة، مسح وجهو بيديه ونعل شيطان، دخل لبيتو حيد عليه لحوايج و دخل يدوش وقف تحت رشاشة و طلق ما بارد على داتو باش يتوڭد مزيان غمض عنيه كيشوف غير الماس قدامو بغي غير امتا يشوفها توضى و خرج حط صلاية وتوجه الله سبحانه وتعالى يرتاح ويشكي عليه همو وشنو مثقل على داتو و يطلب ربي يبين ليه طريقو ولي فيها الخير يا رب ، طلب ربي ما يحرق ليه قلبو كثر ما هو محروق من جيهت الماس ....بعد ما كمل صلاتو حس براحة و رتاحت نفسية ديالو جمع الوقفة هز شكلاط لي ديما كيخبيه لألماس فالمجر ،دخل لكوزينة صاوب ليه كافي و طلع لسطح كيتسنى الماس... تسنى بزاف و ما طلعات عندو تشوش عليها ، نقز لسطح بشوي و طل على وسط دار بانو ليه كاملين مجموعين وسط دار كيفطرو تعجب و دخلو شك ممولفينش يفيقو فهاد الوقت رجع لسطحهم قبل ما يعيق بيه شي حد هبط و هو مستغرب و ما فاهم والو، بانت لي مو خارحة من بيتو شافتو و جات عندو مخلوعة
الام حاطة يديها على قلبها: فين كنتي اولدي تخلعت عليك احنيني.
سيف عنقها وباسها فراسها: الله اخليك ليا اضو عنية، طلعت غير سطح يضربني البرد ....عاود باسها فحنكها.. كيف صبحتي نتي.
الام ؛ غير تكون نتا اولدي مزيان هديك هي دنيا و ما فيها...
سيف : الوليدة فيا موت جوع وجدي لي شي حاجة ناكلها ..
مو عرفاتو بدل الموضوع و مبغيش يهضر فداك شي لي
وقع البارح : هو لول اولدي ندير لحبيبي لي بغا.

...تتبع

رفقا بما تبقى مني ..(الجزء الاول " دموع طفلة يتيمة ")حيث تعيش القصص. اكتشف الآن