رفقاً بما تبقى مني
الجزء الأول :دموع طفلة يتيمة
الكاتبة:Fatima Z- F
قرب وقت الدخول المدرسي و الحاج محمد جمع وراق الماس ودفعهم لمدرسة لي غادي دخل ليها، و الماس فرحانة و مقداها فرحة دور و ضحك غير وحدها، اما العريسات كل مرة يتصدمو ما تيقو هادشي لي واقع قدامهم.
كوثر: نتي شتي شنو شت ولا راني كنحلم.
مينة: شفت اختي. و الله معرفت اش تحت راسهم زعمة هادي كاع. محنة طاحت عليه.
كوثر؛: انوضي اشمن محنة شوفي غير اش داير في رجالتنا ميخلي ليهم تا باش ينقيو سنانهم تا من لحمام هو لخر خاص نطلبو يعطيني لفلوس نبشي ليه يخخخخ.
مينة: غير خلي داك جمل ناعس متفكرنيش فيه، وخليني نفهم .اش تحت راس هاد شيبانين فالاول لعصى ودابا المدرسة هادشي بان لي وراه شي حاجة كبيرة بزاف.
كوثر: لي فاقصني هو .ديك شهبة بنت لحرام ما بقات تحشم وفين ما. ندور لقاها كضحك ولي محيرني نهار على نهار. كتزيد. تكبر منين جا هاد شي الله واعلم .
مينة: لعطية ديال الله هديك اختي كوثر انا بعدا غير كنتعجب. فيها وفزينها .
كوثر بحسد : منين جاها زين وهي صفرا بحال لفيها بوصفير الله استر.
مينة كتشوف فيها بنص عين وتلعب بفكيف : لواه لواه امرات لوسي البنت زينة و زينها عاطي ، غير قولي حاسداها حيت جات حسن من بناتك وعاطية لعين عليهم.
كوثر بعصبية.: مينة حدك تم راني مكنجبدكش بقا غير بنت خدامة تقارنيها بلاااااليتها ، ايه والله هيلا قالك حاسدها زوينة هادي بناتي احبيبتي بنات الاصل و ميوصلهم حد و محدي معاهم ميخصهم خير،
ناضت من حدا مينة كتجر قفطانها معصبة محملاتش كلام مينة وزاد سممها و كرها في الماس لي جات بحال شوكة فحلقها...
سيف مسكين هاز الهم و مبقاش عندو وقت فين يحرك راس صباح يدوزو مع الماس و نهار يكملو فالبزار يخدم مع باها حيت محتاج لفلوس كثيرة ومابغا يمد يديه لباه بغا يجيبهم بعرق كتافو و محد عقلو خفيف و زيد عندو مع لغات باع و شرا كثر من خوتو وزاد دخل ربح لبزار باه...... لالة خديجة وصات بنتها رغد و ولدها نزار على الماس ما يتفارقو يتهلاو فيها و يبغيوها و يحميوها بحال ختهم..
وصل يوم دخول المدرسي و كلشي فرحان ..... الماس كيف عادتها فاقت بكري وجدات لفطور وحطاتو فطبلة .
غسلات وجها و يديها ورجيلتها مزيان و لبسات من حوايج لي وصاها سيف تلبسهم حيت نهار لي رسلهم ليها رسل ليها تا حوايج لخروج، لبسات كسيوة بي الابيض و مزينة من لتحت بي وريدات بي الاسود ، مجموعة من .لفوق و منفوخة من لتحت مع تقيشرات بيضين و صبيبيط ابيض خلات شعرها هكاك واخد حريتو على ضهرها جات غزالة ربي يحميها و يحفضها من لعين، سمعات جداتها كتعيط ليها خرجات كتجري عندهم، شافوها بقاو غير حالين فمهم فيها اما بنات كوثر تصدمو كانو معولين يشوفو نفس البنت لي حوايجها مسخين و مطبعين بجافيل اما دابا كيشوفو اجمل طفلة يمكن تشوفها العين .....،لالة خديجة لي كانت كتسناها قدام لباب هي وولادها باش ديها لمدرسة بقات غير كضحك فخطرها من شافتهم كيف تصدمو. ...
أنت تقرأ
رفقا بما تبقى مني ..(الجزء الاول " دموع طفلة يتيمة ")
Short Storyغادر الرضا النفس الطيبة ، وماتت الحياة الباسمة . فما عاد سبب يستحق الحياة ، فالضمير يتألم وتسمع الأعماق صرخاته وعويله ....هي تجتدي النجاة فقد ضل اللقم وضاع منه قنديله بين ضباب الطقس ....... هي لا تتكلم مثلما تتألم ، فهي تستقبل العتاب عن اقتناع وتستع...
