رفقاً بما تبقى مني
الجزء الأول :دموع طفلة يتيمة
الكاتبة:Fatima Z- F
بشات الحاجة عطات لورقة لحاج :هكا شوف ها المصاريف بدات .
الحاج؛: شهاد شي.
الحاجة : دوك لحوايج لي خاصك تشري لديك المتعوسة باش تقرا.
الحاج؛ اري لهنا تا نشوف اش غادي ندير فهاد شي لي تسلط عليا دقة وحدة. و شوفي نتي شي حد عندو شي شكارة ولا كتوبة قدام شريهم من عندهم والله ما ناخدو بنص ثمن ولا ترزيني فهاد شي كامل.
الحاجة: دابا نشوف خديجة على الله تكون عارفة شي حد .....
كيف العادة الماس بدلات حوايجها و غرقات فشغال دار و تمارتها ،
اما سيف مور ما تفارق مع الماس دخل لدارهم تجمع شوي مع العائلة تغداو و من وصل العصر خرج،
توجه المكتبة خدا كاع اللوازم لي غادي تحتاجهم الماس هاد العام، خدا معاهم محفضة باللون الوردي ديال لبنات ،،دخل لواحد مقهى كتكون خاوية فداك الوقت ،طلب كافي و هز كتوبة غلفهم و غلف دفاتر و كل حاجة ولونها كيف مكتوب في الورقة دار ليها الاقلام و اللوازم الاخرى فمقلمة ،دخل كلشي فمحفظة و بشا لعند لالة خديجة و قال ليها وصلي هادشي لألماس بسميتك ، دعات معاه مسكينة ربي يحيد ليك شوك من طريقك اولدي سيف و ينورها ليك كيما نورتيها لهاد البنت مسكينة. ...
دقات عليهم الباب حلات ليها الماس سلمات عليها و دخلات لصالون عند الحاجة.
الحاجة عنيها فشكارة : خديجة لباس عليك.
خديجة:،حامدين شاكرين هاد ساعة، غير جيت نعطي هاد كتوبة و شكارة لألماس كيما كتعرفي ولدي جا معها فالقسم وانا زربت و شريت ليه لكتوبة و نسيت مقلتها لباه ،و باه تا هو عاود شرا الكتوبة و من بشينا نرجعوهم مقبلوش يرجعو لينا لفلوس، و نا نتفكر الماس قلت نجي نعطيهم ليها فسبيل الله و تا من هاد شكارة شريتها لبنتي و مبغتهاش و جبتها تا هي لألماس.
الحاجة من سمعات كلام خديجة فرحات بينها و بين راسها و قالت الله على راحة ها لكتوبة جاو تال بين يدي منحتاج نجبد فلوسي : اوا مزيان سيري عطيهم ليها راها فلكوزينة.
دخلات خديجة لعند الماس و قاتليها هاد كتوبا رسلهم ليك سيف متقوليها لتا واحد ابنتي هاكي شدي و دخليهم لبيت فين كتنعسي و عنداك تقطعي شي كتاب راه يتقلق منك سيف.
الماس فرحات بمحفظة وغير كتعنق فيها و تبوسها و تقول زوينة بحالي 😄 ،دارتها على ضهرها وهي كضحك حطاتها فالبيت و رجعات لشغلها....
دازو الايام سيف داها فقرايتو و حاطها هي المرتبة تانية بعد الماس، كل صباح يصبح على الماس و يديها تال مدرسة بعد ميفطرو بجوج و لفات لفشوش وهو غير زايد يدللها وعاجبو تفشش عليه كيف بغات معايش غير ليها..... ،كل اسبوع كيشري ليها حوايج جداد تبدل بيهم لمدرسة و غير خديجة لي عتقاه و غرقات معاهم فهادشي كل مرة تقول كذبة بيضاء لحاجة باش تيقها. ،،،،،
لـــــــست مـهتماً يا طفــلتي إن كنت أميراً أو كنت حــاكما فـــــأنا إن حــكمت عينيــك سأكون كأني حـــكمت الـمدائن لا امـلك القصور لا وعينيك ألا عينيــك وأنتــــــــي وأنـــــا وامــــــلك رابعهــا شـعري لعـلي بشعري اســقط الأنجمــا وامـــــلك سيدهــا حـبي لكِ واشهدي باني عاشق مستسلمـا ، حبــــــك مفروض عليَّّ كالصلاة وفرقتنـــــــا أشد ما أخشـــــــا فأنا أتضرع إلى الله أن يحفظنـــا كمـــا يتضرع الناسك في دعاء وأدعـــــوه أن يخــــــلد حبنـــــا كمــــا خـــــلد النجوم في سماه وأدعــــوه أن يجمعنــــــا معـــاً يــــوم يجمــــــــع الخلائق للقاه فصــــــلاة في مــــحراب عينيك
تعدل في باقي العيون ألف صلاه فأن أكــــون عاشقـــــك وحبيبـك هــــذا أقصـــــــــى مــا أتمنــــــاه
أنت تقرأ
رفقا بما تبقى مني ..(الجزء الاول " دموع طفلة يتيمة ")
Short Storyغادر الرضا النفس الطيبة ، وماتت الحياة الباسمة . فما عاد سبب يستحق الحياة ، فالضمير يتألم وتسمع الأعماق صرخاته وعويله ....هي تجتدي النجاة فقد ضل اللقم وضاع منه قنديله بين ضباب الطقس ....... هي لا تتكلم مثلما تتألم ، فهي تستقبل العتاب عن اقتناع وتستع...
