رفقاً بما تبقى مني
الجزء الأول :دموع طفلة يتيمة
الكاتبة:Fatima Z- F
الحاج كبير: محمد خليني انا وياك مزيانين ولدي و انا عارفو وكاع جيران عارفينو مربي و اخلاقو عاليا و ميجبد حد سير سول ولدك اش دار ليه و ولدي غادي نهضر معاه و لبغيتي لبوليس راك كتعرفهم سير شكي عندهم
الحاج محمد : هذا معندك اسي لكبير راه تا ولدنا مربي وشاد تيقارو و لكن انا لي عارف اش غندير...
الحاج كبير: دير لي بغيتي لي عندي قلتو بغيتي لمخزن سير ليه.... قرب لولدو سيف شدو من كتفو و جرو معاه دخلو لدار و تبعوه خوتو... خلاو الحاج محمد كيتغدد فبلاصتو معصب و نوفل حالتو بدميات جالسة حداه كوثر كتبكي و تندب على حالت ولدها،
كوثر كتغوت و تشوف فراجلها : ونووووووض جري بولدك و جيب لبوليس لداك ولد لحرام اهئ ناري على ولدي كرفصو ليا.
عبدالله : اش غاندير راني عيطت لإسعاف مزال مجاتش خليه هكاك متحركيهش ليكون مهرس افففف اش وقع بيناتهم يا ربي.
جيران .مجموعين عليهم ،شي بقا فيه نوفل و شي كيتشفا فيه وعاجبهم ما دار فيه سيف .وخا معرفين والو حطو اللوم. على نوفل حيت. سيف ما يجبد حد و اخلاقو عالية.
الحاج. محمد سول دوك شمكرية لي تا هما كلاو العصى فطريق نوفل.: علاش دابزتو ....
واحد منهم حنكو منفوخ كيهضر بزز: والو اسي الحاج كنا مجموعين تا دخل علينا. بحال رعدة معرفناه منين نزل علينا.
الحاج محمد: نتوما كاملين و غلبكم واحد صغر منكم و كتقولها بوجهك. حمر...
كلهم سكتو ما قدرو يهضرو تا تكلم واحد كان واقف مع ناس : عنداك الحاج راه هما. لي جبدوه و نوفل قال و الله تا نكل الحلوة ليوم.
كلشي دار عندو لقاوه ولد لالة خديجة نزار...
الحاج محمد: اش قلتي..
نزار : كنت جاي انا وسيف و نوفل بدا كيقول كلام خايب على العالية اخت سيف وقالك كون مكانش كون كلا الحلوة وسيف سمعو و هما يضاربو..
جيران بداو كيتغاوتو و يهضرو بيناتهم ويقولو ان هذا لمنكر.. سي الحاج ولدك لي فيه لفوت.... غدين نخبيو بناتنا على هاد لحساب.... عبر عليه باش مرة اخرى يجمع عينيه...
جيران. من سمعو لكلام ما. قدرو. يسكتو و كل واحد ولا يرمي لكلام. لسي الحاج اما صحاب نوفل قطعو الحس حيت تا هما ثيقو. كلام. نزار وان نوفل بصح كان كيهضر على اخت سيف و تا حد ما شك انه هضر على الماس لي هي مزال بنت صغيرة .. .الحاج محمد مرضاش نفض سلهامو ودخل لدارو تبعاتو الحاجة اما ولادو تبعو نوفل لي جات اسعاف داتو... تفرقو جيران و كل واحد دخل لدارو ، اما لالة خديجة جرات ولدها و دخلات لدارها.
خديجة : اففف حمدلله معاق تا حد..
نزار:علاش امي قلتي لي نقول ديك الهضرة.
خديجة: شششش سكت اولدي الحيوط عندهم ودنين و هاد الهضرة تبقى هنا ..
نزار: وصافي ياء راه قلنا كلمة رازل.. و دابا عطيني فلوسة لي قلتي ليا.
خديجة : هكا ها هي و شوف ها ودني منك و نسمعك اولد كرشي خرجتي هاد الكلام نحرقك من داك لسان فهمتي .
نزار : وصافي...
فلاش باك....
كان جالس نزار مع سيف فالبيت كيلعب في pc..
سيف:نزار نوض نوصلك لداركم راك تعطلتي.
نزار: خليني لعب غير سوي و نبسي.
سيف هز نزار من فوق pc : ههه لبقيتي متبع اللعب مغاديش يتسالا تال غدا ورجع عندي صافي.
خرج سيف باش يوصل نزار لدارهم و فدورة كيسمعو كلام نوفل لي داز كامل على ودنين سيف لي جهل و ترمى على نوفل... نزار من شاف صحاب نوفل كيتحماو على سيف بشا كيجري وصلها لخوت سيف و داز عند مو يقولها ليها.
أنت تقرأ
رفقا بما تبقى مني ..(الجزء الاول " دموع طفلة يتيمة ")
Short Storyغادر الرضا النفس الطيبة ، وماتت الحياة الباسمة . فما عاد سبب يستحق الحياة ، فالضمير يتألم وتسمع الأعماق صرخاته وعويله ....هي تجتدي النجاة فقد ضل اللقم وضاع منه قنديله بين ضباب الطقس ....... هي لا تتكلم مثلما تتألم ، فهي تستقبل العتاب عن اقتناع وتستع...
