رفقاً بما تبقى مني
الجزء الأول :دموع طفلة يتيمة
الكاتبة:Fatima Z- F
لحسن معندو كلام ورا كلام باه بقا غير كيسوط فجنابو معندو جهد مسكين وباهم غالب عليهم....
نوفل الوحيد لي وسطهم وما فاهم والو شاف فمو : غادي تفهموني هاد لخرا دابا اش واقع مال جدي علامن كيهضر.
شاف فيه لحسن معصب هز يدو دربو بطرشة تا عوج ليه وجهو كلشي حل فمو في حسن و اولهم نوفل حيت اول مرة كيهز يدو عليه وعمرو دارها ولو تا بضحك هنا نوفل عرف راسو مكحل دواصي نيت قلبو ولا كيدرب بجهد وخاف يكون عرفو حقيقتو سرط ريقو بصعوبة.
لحسن: واش محشمتيش اولدي اش ديك الهضرة قلتي على بنت لحاح لكبير، هادي هي تربيتي فيك وتيقتي لي عطيتك ، ولد الحاج ما هجم عليك تا سمع داك الكلام لي قالتي على ختو ونتا فبلاصتو كون سمعتي نفس كلامك كيتقال لختك كون دبحتيه ، مالك تبدلتي اولدي هادا ماشي نوفل الولد لي كنعرف.
نوفل كيسمع كلام باه وهو مصدوم عاد فهم اش واقع ولكن هو مجبدش سمية ديال تا شي بنت علاش زعمة سيف ضن انه موجهو لختو بتحديد قوة تفكير ضراتو فراسو و رغم دالك رتاح من واحد جيهة على الاقل غلطو فالبنت وكون عرفو كلامو كان موجه لي الماس كون دفنو جدو حي و ميرحموش...
غمض عنيه وشاف فباه وبدم بارد قال : لي وقع دابا وقع شنو بغيتوني ندير.
كلهم دارو عندو بقاو غير كيشوفو فيه كيفاش كيبان مرتاح و ممسوقش لشنو وقع.. عصبهم بالبرودة لي فيه من غير مو لي بقا فيها ولدها..
لحسن: راك سمعتي جدك اش قال غدا غنجيبو ليك حوايجك ورجلي برجلك تال لعيون كمل قرايتك تم و بعد من هنا تا يحن قلب جدك عليك و اجي طلب منو سماحة ...
نوفل دور لكلام فراسو ولقاها نيت فرصة يغبر من هنا و نيت يبعد على الماس تا تكبر شوي و يرجع ليها يا يخدها بالخاطر يا بزز مهم غادي تكون ديالو تبسم وهو سارح في افكارو بحال شي عاشق ولهان كيرسم احلام بعيدة الامد....خلاوه يرتاح و خرجو بحالتهم توجهو رياض و كل واحد بشا لبيتو..
دخلات كوثر كتبكي لبيت ولدها كتجمع ليه حوايجو ما سخياش بيه و لكن تا حد ميقدر يعارض كلام الحاج... مينة وصلات لخبار لولدها كمال لي بقا غير ساكت و مقال والو....اما الماس مسكينة كتسنى غير وقتاش صباح يصبح عليها باش تهرب عند سيف و ترتاح فحضنو.....
🌴اصبحنا و اصبح الملك لله🌴
الماس منعسات مشافتو مسكينة مع ادان الفجر دخلات لكوزينة كتصاوب لفطور،. بغيا غير وقتاش تسالي تبشي عند سيف ستفات كلشي فوق طبلة يالله بغات دور بان ليها جدها جالس فجلسة لمرح قلبها تهز من بلاصتو مسكينة شداتها رعدة و تخلعات شافها و هو يخنزر فيها حدرات راسها ورجعات لكوزينتها هزات لفطور حطاتو قدماو وهي كتفتف جلسات حداه الحاجة، دارت ليها اشارة بعنيها باش تبشي، ،،، كلشي ناض بكري ليوم،،،
كوثر هبطات معاها صيكان لي فيه حوايج ولدها وعنيها منفوخين بالبكا ،
......تتبع
أنت تقرأ
رفقا بما تبقى مني ..(الجزء الاول " دموع طفلة يتيمة ")
Historia Cortaغادر الرضا النفس الطيبة ، وماتت الحياة الباسمة . فما عاد سبب يستحق الحياة ، فالضمير يتألم وتسمع الأعماق صرخاته وعويله ....هي تجتدي النجاة فقد ضل اللقم وضاع منه قنديله بين ضباب الطقس ....... هي لا تتكلم مثلما تتألم ، فهي تستقبل العتاب عن اقتناع وتستع...
