King
...................
အပိုင်း(၁)
......................
သွင်သစ်
အခန်းထဲမှာ စာအုပ်ဖတ်ရင်းနဲ့လှဲနေမိတုန်း တံခါးဖွင့်သံကြားလိုက်ရတာမို့ အခန်းဝကိုကြည့်လိုက်မိသည်။ သုန်မှုန်နေသောမျက်နှာနှင့်ဝင်လာသော သခင်လေးကိုတွေ့လိုက်ရလေသည်။ ကျွန်တော်လဲလှဲနေရာမှ အမြန်ထလိုက်ကာ မတ်တပ်ရပ်နေလိုက်သည်။
တံခါးကိုဝုန်းခနဲပိတ်လိုက်တာကိုက သူဘယ်လောက်ထိစိတ်တိုနေသလဲဆိုတာကို မေးစရာမလိုပဲသိနိုင်လေသည်။
"ခင်ဗျားရဲ့ အဆက်ဟောင်းကြီးက ကယ်တင်မယ်ဆိုတော့ သိပ်ပျော်နေမှာပေါ့လေ...ဟုတ်တယ်မလား"
ကျွန်တော် နှုတ်ဆိတ်နေမိတော့ သူက အနားကိုလျှောက်လာကာ
"တစ်ခုခုပြန်ပြောဦးလေ....ဘာလဲ...ပီတိတွေက ဖုံးမနိုင်ဖိမရဖြစ်နေတာလား"
"မဟုတ်ပါဘူး...သခင်လေး...ကျွန်တော်ဘာမှမသိပါဘူး။ ပြီးတော့ ကျွန်တော့်ကို သခင်လေးပိုင်ပါတယ်"
"ဟုတ်တယ်....အဲ့ဒီစကားပဲ ကြားချင်နေတာ...လူမှုရေးတွေဘာတွေလာမပြောနဲ့ နားမလည်ဘူး။ ခင်ဗျားကိုကျွန်တော်ပိုင်တယ်။ ကျွန်တော်မလိုချင်လို့ချောင်ထိုးလိုက်ရင်တောင် တခြားလူယူခွင့်မရှိဘူး။"
သူဆိုဖာပေါ်ခြေပစ်လက်ပစ်ထိုင်ချလိုက်တာနှင့် စားပွဲပေါ်ကဖန်ခွက်ထဲ ရေတစ်ခွက်ငှဲ့ထည့်ကာ သူ့ကိုလှမ်းပေးလိုက်သည်။
သူက ရေသောက်ပြီးတော့ မျက်လုံးတွေမှေးမှိတ်လိုက်ရင်းက
"ကျွန်တော်ရေချိုးချင်တယ်။ အဲ့ဒါပြင်ပေးပါ"
"ဟုတ်ကဲ့..သခင်လေး..."
သူ့အလိုကျအတိုင်း ရေချိုးခန်းရှိရာဆီခြေဦးလှည့်လိုက်ရသည်။ ရေချိုးကန်ထဲရေနွေးနဲ့ရေအေးစပ်ထည့်ကာ shower gel ကိုပါတစ်ခါတည်းထည့်လိုက်သည်။ အမြှုပ်ကလေးတွေရေပြင်ပေါ်ထလာတာကြည့်ရင်းက စိတ်တို့က တွေးမိတွေးရာရောက်နေကြသည်။
ခဏနေတော့ ရေချိုးကန်တစ်ခုလုံး အမြှုပ်တွေနဲ့ပြည့်သွားတာကိုကြည့်ရင်းက သက်ပြင်းတစ်ချက်ချလိုက်မိသည်။ သူနဲ့ပတ်သက်တဲ့ခံစားချက်တွေကလဲ ကျွန်တော့်ရင်တစ်ခုလုံးကိုအပြည့်အဝနေရာယူထားကြပြီထင်ပါရဲ့။
"ရေမအေးခင် ချိုးချင်တာနော်။"
သူ့အသံကြားမှသတိဝင်လာကာ လှည့်ကြည့်လိုက်တော့ သူက ရေချိုးခန်းတံခါးဘောင်ကိုမှီကာရပ်နေလေသည်။
ကျွန်တော်လဲသူ့အနားလျှောက်သွားလိုက်ကာ သူ့အင်္ကျီကြယ်သီးတွေဆီလက်လှမ်းလိုက်တော့ သူက မတ်မတ်ပြင်ရပ်လိုက်ကာ လက်နှစ်ဖက်ကိုဆန့်ပေးထားလေသည်။ ကြယ်သီးတွေဖြုတ်လို့ပြီးတော့ အင်္ကျီအောက်ကပေါ်လာတဲ့ သူ့ရဲ့ ရင်အုပ်ကျယ်ကျယ်က ကျွန်တော့်ရဲ့ စိတ်တွေကို အနည်းငယ်လှုပ်ရှားစေတာတော့အမှန်။ စတွေ့တုန်းကလို ကလေးလေးမဟုတ်တော့တဲ့ သူ့ခန္ဓာကိုယ်ရဲ့ပြောင်းလဲမှုတွေက တစ်ခါတစ်လေ လူကိုအသက်ရှူရပ်စေတော့မတတ်ပင်။ ဒါပေမဲ့ ကျွန်တော့်မှာငြင်းပိုင်ခွင့်မရှိ။ ကျွန်တော်က သက်ရှိလူသားတစ်ယောက်ဖြစ်နေပေမဲ့ သူ့ပိုင်ဆိုင်မှုတွေထဲက တစ်ခုဖြစ်နေခဲ့သည်။
ဘောင်းဘီခါးပတ်ကိုဖြုတ်ကာ အတွင်းခံပါ တစ်ခါတည်းရောချွတ်ပေးလိုက်ပြီး သူ့ခါးမှာ ပဝါတစ်ထည်ပတ်ပေးလိုက်သည်။ မျက်နှာလွှဲထားသော ကျွန်တော့်ရဲ့မေးဖျားလေးကိုသူက လှမ်းကိုင်လိုက်ကာ
"ခင်ဗျားက အရမ်းမုန်းဖို့ကောင်းတာပဲ။"
သူ့ထံမှ အဲ့ဒီစကားသံကြားလိုက်ရတာနှင့်ကျွန်တော့်မျက်လုံးတို့ကိုမှိတ်ချလိုက်သည်။ ခေါင်းစည်းကြိုးနဲ့စုချည်ထားသောဆံပင်တွေကိုသူကဖြေချလိုက်တော့ ကျောပြင်ပေါ်ဆံနွယ်တွေကျလာကြသည်။ သူ့မျက်နှာက ဆံပင်တွေကြားထဲတိုးဝင်လာကာ နားရွက်နားကနေလည်တိုင်အထိ ထိကပ်နမ်းရှိုက်ပစ်လိုက်သည်။ သူ့လက်နှစ်ဖက်ကလဲ ကျွန်တော့်အင်္ကျီကိုအလျင်အမြန်ပဲဖယ်ပစ်လိုက်လေသည်။
တစ်ကိုယ်လုံးကိုပွတ်သပ်ကိုင်တွယ်နေရင်းက
"ခင်ဗျားကို ဘယ်သူ့လက်ထဲမှ ထည့်မပေးနိုင်ဘူး။"
နားနားကပ်ကာပြောလိုက်ရင်းနားရွက်အဖျားလေးကို ဖွဖွလေးကိုက်လိုက်သည်။
စိတ်တို့က တိမ်တွေပေါ်လွင့်ဝဲနေကာ အသိစိတ်ပျောက်လုလုဖြစ်နေသည်။ တစ်ခါတစ်ခါ တွန်းကြည့်ပေမဲ့ အားချင်းမယှဉ်နိုင်တာကြောင့်လား။ ကျွန်တော်ကိုယ်တိုင်ကပဲ သူ့အထိအတွေ့မှာပျော်ဝင်မိခြင်းကြောင့်လားတော့မသိ။ ထင်သလောက်ခရီးမပေါက်ဖြစ်နေခဲ့သည်။
ကျောပြင်ကိုအေးစက်သောအထိအတွေ့ခံစားလိုက်ရချိန်မှာတော့ ကျွန်တော်သူ့ကိုတွန်းလိုက်မိသည်။ သူလဲသတိလစ်သွားလို့ထင်ပ။ နောက်ကိုယိုင်ခနဲ ဖြစ်သွားလေသည်။ ကျွန်တော်ထွက်ပြေးပေမယ့် သူကပြန်ဆွဲထားကာ နှုတ်ခမ်းတို့ကိုအတင်းဖိနမ်းလေသည်။
ကျွန်တော်လဲသူ့ကိုအားနဲ့တွန်းထုတ်ပေမဲ့ သူက ပေခံနေကာ နှုတ်ခမ်းကိုပဲအတင်းမရမကလိုက်နမ်းနေသည်။ ဒါကမသင့်တော်တဲ့ကိစ္စတစ်ခုပဲလေ။ တစ်ခုခုဆို သူ့သိက္ခာပဲရေစုန်မျောရမှာ။ အဲ့လိုတော့အဖြစ်မခံနိုင်။ကျွန်တော်သူ့နှုတ်ခမ်းကိုကိုက်ပစ်လိုက်သည်။
"အ..."
သူနာသွားလို့ခဏခွာတုန်း ကျွန်တော်ထွက်ပြေးပြန်သည်။
သူကနောက်ကနေလိုက်လာကာ ကုတင်ပေါ်တွန်းလှဲပစ်လိုက်သည်။ သူကပါကုတင်ပေါ်တက်လာကာ ကျွန်တော့်ကိုယ်ကိုဖိထားလေသည်။
"ကျော်....မင်းဘယ်လိုဖြစ်နေတာလဲ"
ကျွန်တော်သူ့ပါးကိုလှမ်းရိုက်လိုက်သည်။
သူကပါးကိုကိုင်လိုက်ရင်းက
"ကောင်းတယ်။ အဲ့ဒီလိုမျိုးမှပိုကောင်းတာ...ထပ်ခေါ်လိုက်ပါဦးနောက်တစ်ခါလောက်...ဒီမှာ ကျွန်တော်ခင်ဗျားကိုအချိန်ပေးထားပြီးပြီ။ မကြုံဖူးတာတွေကြုံရလို့ဆိုပြီး ဟိုကောင့်ဘက်ပါသွားတာမျိုးတော့အဖြစ်မခံနိုင်ဘူး။ ဒီနေ့ ခင်ဗျား နှုတ်ခမ်းတွေကိုလဲအပိုင်ယူမယ်။ ခင်ဗျားတစ်ကိုယ်လုံးကိုလဲအပိုင်ယူမယ်။ ကြိုက်သလောက်ရုန်း...."
...........................
လွန်ခဲ့သော ၁၅နှစ်
...........................
"ကလေးလဲသနားပါတယ်။ အမေရောအဖေရော တစ်ပြိုင်တည်းဆုံးသွားတော့ အားကိုးရာမဲ့ခဲ့ရရှာတာပေါ့။ သူ့အဒေါ်တွေရှိပေမဲ့ သူတို့ကလဲ လက်လုပ်လက်စားတွေပဲမို့ ဘုန်းဘုန်းကပဲ ခေါ်ထားဖြစ်တယ်ဆိုပါတော့...."
ကားအကောင်းစားကြီးနှင့်ရောက်လာသော အဖေတို့အမေတို့ရဲ့ သူငယ်ချင်းဆိုသော ဦးလေးကြီးကသဘောတော့ကောင်းမည့်ပုံပင်။ ထိုလူကြီးနှင့်လိုက်သွားရမည်ဟုလဲ ဘုန်းဘုန်းကမိန့်ထားတာမို့ ကျွန်တော်လဲ အထုတ်လေးပြင်ကာစောင့်နေတာဖြစ်သည်။ သူငယ်ချင်းတွေကိုနှုတ်ဆက်ကြတော့ အားလုံးမျက်နှာတော့မကောင်းပေမဲ့ ကျွန်တော့်အတွက်အားပေးစကား အသီးသီးပြောပေးကြလေသည်။
အားလုံးကိုလက်ပြနှုတ်ဆက်ပြီးနောက် ကားကြီးပေါ်တက်ကာ ရန်ကုန်ဆိုသောမြို့ကြီးဆီရောက်ခဲ့ရလေတော့သည်။ ကံမကုန်သေးရင်တော့ပြန်ဆုံရဦးမှာပေါ့ရွာလေးရယ်။
ကြီးမားလှသော ၃ထပ်တိုက်ကြီးကိုမော့ကြည့်လိုက်မိတော့ ကိုယ်ကသေးသေးလေးဖြစ်သွားသလိုပင်။ ကာရပ်းလိုက်တဲ့အချိန်မှာပဲ အိမ်ကြီးရဲ့လှေကားပေါ်ကနေ ၅နှစ်အရွယ် ကလေးငယ်လေးက ဆင်းလာလေသည်။ သူ့ရဲ့ဘေးကနေ အဒေါ်ကြီးတွေက စိုးရိမ်ပူပန်စွာဖြင့်တွဲပေးမလို့လုပ်နေပေမဲ့ သူက အထိမခံပဲ လှေကားလက်ရန်းကိုကိုင်ကာ သူ့ဘာသာရအောင်ဆင်းလာလေသည်။ လှေကားအောက်ဆုံးထစ်ရောက်တော့မှ ကျေနပ်သွားသလိုလေး ပြုံးလိုက်လေသည်။ ညာဘက်ပါးပေါ်က ပါးချိုင့်လေးထင်းခနဲ ဖြစ်သွားတာကို ကျွန်တော်သတိလက်လွတ်ငေးနေမိသည်။
"သားကတော့ကွာ....ဆိုးနေပြန်ပြီလား။ ကြီးကြီးတို့စိတ်ပူအောင်မလုပ်ရဘူးလေ"
ဦးလေးကြီးက လှမ်းပြောလိုက်ကာ ဆောင့်ကြောင့်ထိုင်လိုက်ရင်းက သူ့သားရဲ့ပါးလေးကိုဆွဲလိုက်လေသည်။ ကောင်လေးကအခုမှ ကျွန်တော့်ကိုသတိထားမိသွားသလို လှမ်းကြည့်ကာ မျက်မှောင်ကြုတ်သွားလေသည်။
"သူက သားအဖော်ရအောင် ဖေဖေခေါ်လာခဲ့တာကွ...ဖေဖေ့သူငယ်ချင်းရဲ့သားလေးလေ"
ဦးလေးကြီးကသတိထားမိသလိုမျိုး အလိုက်သင့်လေးပြောလိုက်ပေမဲ့ သူ့ရဲ့မျက်နှာလေးစူပုတ်နေတာကလျော့မသွားသေးပေ။
"ကျွန်တော့်နာမည်က သွင်သစ်ပါ။ သခင်လေး"
ဘယ်သူမှမခိုင်းရပါပဲ ကျွန်တော့်နှုတ်ကနေ အဲ့ဒီလိုစကားမျိုးထွက်သွားတာ ကိုယ့်ဘာသာတောင်ပြန်အံ့သြမိရတဲ့အထိပင်။သူ့ရဲ့ မျက်မှောင်ကုတ်နေတာလေးပြေသွားကာပြုံးလိုက်ပြန်သည်။ အဓိပ္ပါယ်ကိုသိလို့ပဲလား။တခြားအကြောင်းကြောင့်လားဆိုတာတော့ သူမှလွဲ၍ ဘယ်သူမှသိနိုင်မှာမဟုတ်ပါ။ ဒီလိုနဲ့ပဲ ကျွန်တော့်ထက် ၃နှစ်ငယ်သောခပ်ဆိုးဆိုးကောင်လေးအနားမှာအရိပ်လိုနေခဲ့ရလေတော့သည်။
....................................
"မျက်ရည်တွေက ဘာလို့ကျတာလဲဗျ...ကျွန်တော်ကပဲ အရိုင်းအစိုင်းကောင်ဖြစ်ဦးမယ်။ ခင်ဗျားဗျာ...."
သူက ကျွန်တော့်ကိုယ်ပေါ်ကနေ ဖယ်ပေးလိုက်ကာ တောက်ခေါက်ပြီး စားပွဲတင်ပန်းအိုးလေးကို နံရံဆီ ပိတ်ပေါက်လိုက်လေသည်။
ခွမ်းခနဲ အသံနဲ့အတူ ပန်းအိုးကွဲသွားတော့ သူကအပိုင်းအစတစ်ခု ကိုသွားကောက်ယူလိုက်လေသည်။
"ခင်ဗျားက ဘာလို့ငိုတာလဲ။ သွားဖို့ကြံစည်နေတာမလား။ ခင်ဗျား သွားမယ့်အတူတူတော့...."
သူ့လည်ပင်းဆီ လက်ကရွေ့သွားတော့ ကျွန်တော်အမြန်ထကာဆွဲလိုက်ရသည်။
"သခင်လေး...."
"လွှတ်ဗျာ...ကျွန်တော်ရှိနေရက်နဲ့ ခင်ဗျားကိုလာခေါ်သွားမှာကို ကြည့်မနေနိုင်ဘူး။"
"အဲ့ဒီလိုမဟုတ်တာတွေလုပ်ဖို့စိတ်မကူးပါနဲ့....ကျွန်တော်....တေဇာ့နောက်မလိုက်ပါဘူး သခင်လေး"
"ခင်ဗျား တကယ်ပြောတာလား။ ဒါဆို ကျွန်တော့်ကိုကတိပေး။ ကျွန်တော်ကလွဲပြီး ဘယ်သူ့အနားမှမနေပါဘူးလို့။"
သူ့အလိုကျ ကျွန်တော်ခေါင်းညိတ်ရပြန်သည်။ သူက ကျွန်တော့်ဘဝအတွက် အရှင်သခင်ပါ။ ဘယ်သူကမှ အတင်းအကျပ်တိုက်တွန်းတာမျိုးမဟုတ်ပဲ ကျွန်တော်ကိုယ်တိုင် ကျေကျေနပ်နပ်ကြီးခံယူထားမိတာ။
ဒါဟာအချစ်လို့ဆိုရင်လဲ ကျွန်တော်သူ့ကို.....
"ဒေါက်....ဒေါက်....ဒေါက်"
"ဘာလဲကွာ....ရှုပ်လိုက်တာ"
"အကိုလေးကို ဘဘကခေါ်ခိုင်းလို့ပါ။"
သူထအော်လိုက်တာမို့ အိမ်အကူကောင်မလေးရဲ့အသံက ကြောက်ကြောက်လန့်လန့်နဲ့ထွက်ပေါ်လာလေသည်။
"ဦးလေးက ခေါ်ခိုင်းတာတဲ့....သခင်လေး မသွားချင်ရင်လဲ ကျွန်တော် ကိုယ်စား...."
"ရတယ်....ခရီးသွားဖို့အထုတ်အပိုးတွေပြင်ထားလိုက်....ခဏနေရင်ပြန်လာမယ်။"
"သခင်လေး....ရေချိုးမလို့ဆို...."
သူကအခုမှသတိရသွားသလိုသူ့ကိုယ်သူပြန်ငုံ့ကြည့်ကာ ညဝတ်အင်္ကျီကို ခါးစည်းကာ ဝတ်ပြီးထွက်သွားသည်။
ဘာတွေဘယ်လိုဖြစ်ကုန်ဦးမလဲမသိ။ တေဇာကိုလဲတွေ့မှသေချာပြောပြဦးမှပါ။ သူကလဲ သခင်လေးလိုပဲ ဇွတ်တရွတ်ဆိုတာကိုသိနေတော့သက်ပြင်းချရုံမှအပ....
မှန်ထဲကိုအမှတ်တမဲ့ကြည့်လိုက်မိတော့ ကျွန်တော့်ရဲ့နှုတ်ခမ်းတွေနီရဲနေကြသည်။ ဒီအသက်အရွယ်ရောက်မှ အခုလို စိတ်တွေပရမ်းပတာဖြစ်နေရတာကိုလဲ ကိုယ့်ကိုကိုယ် နားမလည်နိုင်။
လည်ပင်းနှင့်ရင်ဘတ်တို့မှာလဲ အကွက်လိုက်နီရဲနေတာတွေက သူ့ရဲ့အရိပ်အငွေ့တွေပဲပေါ့။
ကျွန်တော်ပျော့ညံ့လွန်းရာများကျခဲ့ပြီလား???
.........................
ခရီးဆောင်အိတ်ထဲသူ့အဝတ်အစားလေး၊ငါးစုံနှင့် လိုသမျှတွေထည့်ပေးပြီးတော့ ခဏလေးမှေးခနဲ အိပ်ပျော်သွားမိတာဖြစ်သည်။ ရေထဲရောက်နေသလိုခံစားမှုမျိုးကြောင့် မျက်လုံးကိုအားယူဖွင့်ကြည့်မိတော့ သူက ကျွန်တော့်ရဲ့မျက်နှာချင်းဆိုင်မှာ ကျွန်တော့်ကိုပြုံးပြနေလေသည်။ ကျွန်တော်သိပ်ချစ်ရသောသူ့ရဲ့ပါးချိုင့်လေးကထင်းလို့။ ဒါ....အိပ်မက်မက်နေတာများလား။
"ကိုသစ်....ကျွန်တော် ခင်ဗျားကို အရမ်းချစ်တယ်"
ဟုတ်တယ်။ ဒါအိပ်မက်ပဲဖြစ်မှာပါ။
...............................
တငြိမ့်ငြိမ့်ဖြစ်နေသောခံစားချက်ကြောင့် ကျွန်တော် အိပ်ရာက အမြန်ထလိုက်မိသည်။ ဘေးပတ်ဝန်းကျင်တစ်ခုလုံးလဲမှောင်မိုက်လို့...ကားကတော့ပုံမှန်အတိုင်းဆက်သွားနေလေသည်။
"ပြန်အိပ်ဦးလေ...အစောကြီးရှိသေးတာ..."
"သခင်လေး....ကျွန်တော်တို့ဘယ်ရောက်...."
"ခင်ဗျားရဲ့ရွာကိုသွားတဲ့လမ်းပေါ်မှာ..."
~~~~~~~~~~~~~~~~~~~~~~~~~~~~
