နေ့လည်က တရေးတမောဆိုပြီး ခဏလောက်အိပ်လိုက်တာ . . အိပ်နေတုန်း အဘိုးကိုအိပ်မက်မက်တယ်။ အိပ်မက်ထဲမှာ အဘိုးက ကိုယ့်ကိုပြောချင်တဲ့စကားတွေကို စာရွက်ထဲမှာချရေးထားပြီး အိမ်က ဓာတ်ပုံမှန်ကားတွေထဲကတစ်ခုမှာ ဓာတ်ပုံတွေရဲ့အနောက်မှာစာရွက်ခေါက်ပြီးထည့်ထားခဲ့တယ်တဲ့။ အိပ်မက်ထဲမှာတင်ပဲ ဓာတ်ပုံမှန်ဘောင်တွေအကုန်ဖွင့်ပြီး စာရွက်ခေါက်လိုက်ရှာတယ်။ တွေ့တော့တွေ့ခဲ့တယ် .. စာရွက်ဝါညစ်ညစ်ပေါ် ခဲတံနဲ့ရေးထားတဲ့စာတွေ . . အိပ်မက်ဆိုတော့ဘာတွေရေးထားမှန်းတော့မသိရဘူး။ ကိုယ်ကအိပ်မက်တွေကိုမမှတ်မိတော့တာကြောင့်လည်းဖြစ်နိုင်တယ်။
ပြီးတော့အိပ်ရာက ကိုယ်နိုးလာတော့ ရင်ထဲမှာ ဟာတာကြီး။ တကယ်ပဲအိမ်မှာဖြစ်နေသလို ခုနတင်ပဲစာရွက်ခေါက်ကိုဖွင့်ဖတ်ခဲ့သလိုနဲ့ ဟာတာကြီး။ အဘိုးကိုအိပ်မက်မမက်တာက ကြာပြီလေ။ တော်ရုံစိတ်စွဲရုံနဲ့လည်းကိုယ်ကအိပ်မက်မမက်တဲ့လူဆိုတော့ပိုဆိုးတယ်။ ဘယ်သူ့ကိုပဲသတိရရ အိပ်မက်ထဲထည့်မက်တာမျိုးက ရှားတယ်။ အခုကျ အဘိုးကို အိပ်မက်မက်တော့ သတိရသွားပြန်ရော။ ညရောက်တော့ အဘိုးအကြောင်းတွေခေါင်းထဲပြန်ရောက်လာတယ်။
တစ်ယောက်ယောက်ကများ ကိုယ်အားအကျဆုံးပုဂ္ဂိုလ်ကိုပြောပြပါဆိုရင် ကိုယ်ကတော့ အဘိုးကိုပဲ လက်ညိုးညွှန်ပြရမှာပဲ။ အဲ့လိုပြောရင် "မျက်နှာကြောအရမ်းတင်းတဲ့ အဘွားကိုရအောင်ယူနိုင်ခဲ့လို့လား"ဆိုပြီး အစ်ကိုတွေအစ်မတွေကြားရင် စ,ရင်း နောက်ရင်း ရယ်ကြဦးမယ်။ ခုခေတ်စကားအရပြောရရင် အဘိုးက ကိုယ့် role model ကိုယ့်idolပဲ။
ကိုယ့်အဘိုးက တကယ့်လူအေး။ စကားနည်းတယ်။ ဘောလုံးပွဲကြိုက်တယ်။ ဆေးလိပ်သောက်လေ့ရှိတယ်။ ရွာကနေ မနက်ဆို ယောက်ျားစီးစက်ဘီးလေးတစ်စီးနဲ့ တခြားရွာဘက်ကို တက်တက်သွားတယ်။ အဲ့မှာ ကုန်တင်ကုန်ချကားဂိတ်မှူးလုပ်တယ်။ ကိုယ်မနက်အိပ်ရာထတဲ့အချိန်ဆို အဘိုးကိုမတွေ့တော့ဘူး။ သူ့အလုပ်သူသွားပြီ။ ကိုယ်ကလည်းကျောင်းတက်ခေါင်းလောင်ထိုးခါနီး အမေနဲ့အဘွားအော်နှိုးမှထတာကိုး။ အဘွားက အိမ်ရှေ့ကပန်းပင်တွေရေလောင်းပေါင်းသင်လုပ်နေတဲ့အခါမျိုးဆို အမေကိုယ်တိုင်လာနှိုးတာ။ အဲ့ဒါမျိုးဆို အင်းတွေအဲတွေနဲ့ပျင်းကြောမဆွဲရဲဘူး။ အမေ့တော့ပိုကြောက်တယ်။ လာနှိုးတာနဲ့ချက်ချင်းထရပြီ။
