စိတ်ကိုဖြေလျှော့ချကာကြမ်းပြင်အေးစက်စက်ပေါ်ပစ်လှဲချပလိုက်သည်။လက်ထဲကစုတ်တံကိုလည်းကြမ်းပြင်ပေါ်ကိုပစ်ချလိုက်သည်။ ဖယောင်းကော်ဇောလည်းဆေးစွန်းချင်စွန်းပါစေတော့...၀တ်ထားသည့်ရှပ်အဖြူ သည်လည်းကော်ဇောပေါ်ကဆေးစက်တွေစွန်းချင်စွန်းပါစေတော့. . .။
ကျွန်တော် အတော်ပင်ပန်းလှပြီဖြစ်သည်။ စိတ်ရောကိုယ်ပါနုံးချိနေပြီ။ လွန်ခဲ့သော နိုဝင်ဘာ၂၆ ရက်ကတည်းက ဒီပန်းချီကားကိုကျွန်တော် စဆွဲခဲ့သည်။သည်ကနေ့ ဖေဖော်ဝါရီ ၂၆ရက်ဆိုလျှင် သုံးလတင်းတင်းပြည့်ပြီ။
သုးံလလုံးလုံးကျွန်တေါ်အိပ်ကောင်းခြင်းမအိပ်ဖြစ်ခဲ့ပါ။ ကျွန်တော့မျက်လုံးများသည် ရီဝေေ၀ပင်ဖြစ်နေလေပြီ။ သုံးလအတွင်းဂရုတစိုက်မညှပ်ဖြစ်ခဲ့သော ဆံစရှည်ရှည်တွေက မျက်နှာပေါ် ဝေ့ဝဲကျလာတတ်သဖြင့် သပ်တင်ရပေါင်းလဲများလှပြီ။
တစ်ကိုယ်လုံးပုံကိုအသေးစိတ် စုတ်ချက်တို့နေရသဖြင့် လူလည်း ညည်းငွေ့နေပြီဖြစ်သည်။ ယခုတော့အဆုံးသတ်ပြီ. . .။
ခမ်းနားတောက်ပြောင်သော လူကုံထန်အသိုင်းအ၀ိုင်းဆန်ဆန်အိမ်တစ်လုံး၏ အတွင်းပိုင်းအပြင်အဆင်တို့နှင့်အတူ. . .နီညိုရောင် ကျွန်းလှေခါးကြီး၏အရှေ့ ဧည့်ခန်းအတွင်း မဟော်ဂနီရောင် ဆိုဖာ၌ ခြေထောက်ချိတ်ထိုင်နေသော 1980 အနောက်တိုင်းဂါဝန်နှင့်အမျိုးသမီးတစ်ဦး..။
ဆေးရောင်စပ်ရင်း ပန်းချီကားထဲမှထိုအမျိုးသမီးအား ကျွန်တော်အကြာကြီးငေးမိပြန်သည်။ထူတန်းတန်းမျက်ခုံးအစုံက ကျွန်တော့်မျက်ခုံးများထက်ပင်ပိုနက်မှောင်နေသေးသည်။စိမ်းဖန့်ဖန့်မျက်ဝန်းတို့၏ညို့အားက ဒီပန်းချီကားကိုမရပ်မနားဆက်ဆွဲချင်အောင်တိုက်တွန်းနေသလိုမျိုး. . သေလောက်အောင်စိတ်ရောလူရောနုံးချိနေချိန်မှာပင် ပန်းချီကားရှေ့ ကုန်းရုန်းပြီးရောက်လာနိုင်လောက်အောင် တိက္ကမ ကဲနေတာမျိုး..ထူပြည့်ပြည့်နှုတ်ခမ်းတွေရဲ့သပ်ရပ်တဲ့အနားသပ်စည်းတွေကအစ စုတ်တံကိုင်ရင်းရေငတ်စေသည်။
