ထပ်သည်းပါဦး မိုး . .
ဒီတစ်ခါသည်းပြီးတဲ့နောက် ထပ်မမြင်ချင်တော့တာမို့
------------
"မောင် ဘာလို့နောက်ကျနေတာလဲ"
ကော်ဖီဆိုင်ထဲရောက်ရောက်ချင်း သူမရဲ့အသံစာစာလေးက စူးခနဲထွက်လာသည်။ ကျွန်တော်မကြိုက်ပါ . . ထိုင်မည့်ဝိုင်းကိုရောက်မှမေးလည်းရနေပါရက်နဲ့။
"ကြည့်ပါဦး . . မိုးတွေလည်း ရွှဲနေပြီ ဒါကြောင့်စောစောလာပါဆိုတာကို . . အစ်ကိုရေ Americanoတစ်ခွက်"
ပြောပြောဆိုဆိုနှင့် ကော်ဖီလှမ်းမှာနေပြန်သည်။ ကျွန်တော့်ပုခုံးပေါ်က မိုးရေစက်များကြောင့် သူမအတော်စိုးရိမ်နေဟန်ရှိသည်။ ဒီလိုပါပဲ သူမဟာ သူမကိုယ်သူမကလွဲပြီး တစ်လောကလုံးကိုပတ်စိတ်ပူနေတတ်တဲ့သူ။
ကော်ဖီကိုစောင့်နေရင်း စာပွဲပေါ်ကို လက်ညိုးနှင့်သာသာလေးခေါက်နေမိတော့ သူမရဲ့လက်တွေက ကျွန်တော့်လက်ချောင်းတွေကို နွေးထွေးစွာလွှမ်းခြုံလာသည်။ တိုးတိုးလေးရေရွတ်နေလိုက်သေးသည်။ 'မောင်ချမ်းနေမှာပေါ့' တဲ့ . . ဒါဟာသူမရဲ့အကျင့်ပဲ။
"မောင် စားစရာဘာမှာဦးမလဲ. ." ပြုံးကာမေးနေပြန်သည်။ လာရင်းကိစ္စကိုမေ့လျော့နေဟန်ရှိသည်။
"အစ်မ ကျွန်တော်တို့မနေ့ညကပြောထားတာလေး ဆက်ဆွေးနွေးကြမလား"
ကျွန်တော်အမြင်မမှားနိုင်ပါ။ ပြုံးနေသော သူမမျက်နှာသည် ရုတ်ချည်းဆိုသလိုညိုးသွားပြီး ချက်ချင်းပြန်ပြုံးသွားပြန်သည်။ သူမဟာ အမြဲတမ်း အပြောင်းအလဲမြန်တဲ့မျက်နှာအနေအထားကိုပိုင်ဆိုင်ထားသည်။
"မောင်က ဘာလို့ လမ်းခွဲချင်တာလဲ"
ကြည်လင်နေသောမျက်နှာပေးနှင့်သူမက လုပ်ချင်ရာတဇွတ်ထိုးလုပ်မည့်ကလေးငယ်ကို သူ့မိခင်က ခွင့်လွှတ်မေးမေးနေသည့်နှယ်။ ကျွန်တော်နေရခက်လှပါသည်။ ဒီနေရာမှာ သူမ မျက်နှာထားတင်းတင်းဖြင့် ပြန်မေးခဲ့လျှင် ကျွန်တော် ပြန်ဖြေနိုင်ဦးမည်။ ခုလို မေးနေပုံနှင့် ဒီဝိုင်းမှာကျွန်တော်ဘယ်လိုကြာကြာထိုင်မလဲ။ သက်ပြင်းတစ်ချက်ချရင်းကျွန်တော်ခပ်လေးလေးပြန်ဖြေဖြစ်သည်။
