စစ်နတ်ဘုရား၏ အချစ်ဥယျာဉ်
Season (2) – Episode (5)
ဆူမီရာသည် ဟီဒယ်၏ စေ့စပ်ပွဲသတင်းကိုကြားသော် အံ့အားသင့်သွားသည်။ ဦးရီးတော်ဆုံးသွားတာ လပိုင်းမျှသာရှိသေးစဉ် မီဒယ်၏လက်ထပ်သတင်းနှင့်အတူ ဟီဒယ်၏စေ့စပ်ပွဲသတင်းကိုကြားသော် တထန်ပြည်တွင် တစ်စုံတစ်ခုဖြစ်နေမလားဟုတွေးကာ စိတ်ထင့်သွားတော့သည်။
မိမိသိသည့်ဟီဒယ်က သူ့ခမည်းတော်၏ဈာပနအတွက် ဝမ်းနည်းပူဆွေးခြင်းကို အစဉ်လာအတိုင်း မပြုလုပ်ဘဲ နေမည့်သူမဟုတ်ပေ။ မီဒယ်လက်ထပ်ကာ ထွက်သွားသည်ကို ဆူမီရာနားလည်နိုင်သည်။ မီဒယ်က သူတစ်ပါးလက်အောက်တွင် သုံ့ပန်းဘဝဖြင့် အကျယ်ချုပ်နေရသည်ကို ဘယ်လိုမှလက်ခံနိုင်မည်မဟုတ်ဘဲ ကိုယ်လွတ်ရုန်းသွားတာ သဘာဝကျပေမယ့် ဟီဒယ်၏စေ့စပ်ပွဲကတော့ အစ်ကိုတော်ထန်လိုခိ၏ ဖိအားပေးမှု ပါကိုပါရမည်ဟုတွေးကာ ဒေါသထွက်လာပြီး နောင်တော့်ကိုရှာရန် ထလာခဲ့သည်။
နန်းတော်ထဲကိုထွက်လာစဉ် ချူလူလူနှင့်တိုးတော့သည်။ ချူလူလူက ဆူမီရာကိုတွေ့တော့ ဝမ်းသာစွာနှင့် အပြေးလာပြီး လက်ဆွဲကာ လူရှင်းသည့်နေရာကို အရင်ခေါ်လာပြီး မေးလိုက်သည်။
"ဟီဒယ်စေ့စပ်တော့မယ်တဲ့ကွ.. မင်း ဘယ်လိုထင်သလဲ.."
"ဘယ်လိုထင်ရမှာလဲ.. နောင်တော်ထန်လိုခိ ဖိအားပေးတာနေမှာပေါ့ကွ.. ငါ ဒီကိစ္စကြောင့် နောင်တော်ကုလန်ကို လာရှာတာ.."
"သူတို့နှစ်ယောက် ခပ်စောစောက အရေးပေါ်ညီလာခံပေါ်လို့ ထွက်သွားကြတယ်.."
ချူလူလူ၏စကားကြောင့် ဆူမီရာ နောင်တော့်ကိုသွားရှာရန် လက်လျှော့လိုက်ပြီး သူငယ်ချင်းနှစ်ယောက် ဟီဒယ့်ကို ဘယ်လိုကယ်တင်ပေးရမလဲဆိုတာ တိုင်ပင်ကြသည်။
"ငါတို့ ဟီဒယ်ကိုသွားတွေ့ပြီး ဒီကိစ္စကို မေးကြည့်သင့်တယ်လို့ထင်တယ်.."
"အေး ငါလည်း ဒီလိုတွေးမိတယ်.. မင်း ခုရက်ပိုင်း တာဝန်ယူထားတဲ့အလုပ်ရှိလား.."
"ပြီးပြီ.. ငါ့အလုပ်တွေကို လက်စသတ်ပြီး ခုရက်ပိုင်း မယ်မယ့်ကို သွားတွေ့မလို့လုပ်နေတာ.."
YOU ARE READING
စစ်နတ်ဘုရား၏ အချစ်ဥယျာဉ် - Season (2)
Historical Fictionစစ်နတ်ဘုရားရဲ့ အချစ်ဥယျာဉ် Season 1+2 တစ်မအေထဲက မွေးဖွားလာပေမယ့် ကြီးပြင်းရသည့် ပတ်ဝန်းကျင်ပေါ် မူတည်ပြီး ညီအစ်ကိုနှစ်ယောက်ရဲ့စိတ်ဓါတ်၊ အတွေးခေါ်တွေ ဘယ်လောက်တောင် ပြောင်းလဲသွားမယ်လို့ သင်တို့ထင်ပါသလဲ။ လူတစ်ချို့က ကိုယ့်လက်ထဲက အရာထက် အခြားလူလက်ထဲက အရာ...
