#غفران
للكاتبه ام مصطفى
البارت الرابع
ومرت الايام جان مكان ايمان فارغ واحس مضيعه شي
بس مجبوره اتعايش وي حياتي
بدت الامتحانات وعبير تدرس جانت اول متوسط
مااخلي تتحرك اني كلشي اسوي
ولينه ملتهيه بجهالها
صار كل شغل البيت علي
جنت اشتغل بسكته لا اتذمر ولا اتعب ولا احجي
مشتريه راحة بالي
مااحب المشاكل ابد
افضل اشتغل طول اليوم ولا مشكله او حجاية تصير
بس عبير شيسكتها
كل شويه تكب هي ولينه
واني ادخل
يمعودات عليمن هسه اتعاركن
شتردن اني اسوي بس كفن من المشاكل
عبير :- وانت شنو خدامه الها
ماتكوم شبيها هي ع رجلها نقش الحنه
-وج بس اسكتي شعليج انت اني قابله اخدمها كافي عبير احترميني ع الاقل شجاج كليلي بيج وما تزيدين
اني اكول باجر تكبر تعقل وتكف مشاكل وياها
اشو تزيدين
-اكبر افهم اكثر وج هاي تستغلج
وج اموت من اشوفها مسويتج خدامه
هذا بيت امي وابوي وخير ابوي
وهي مستوليه ع كلشي
وفوكاها صايره خدامه انت الها
خل تكوم تتحرك تسويلها شغله
-انت الحجي وياج ضايع والله
ادري بيج تردين تجيبيلي المشاكل وترجع تضربنه وتوز ابوي علينه
عوفي المره كاعده بغرفتها وكافيه خيرها شرها
-هي هاي عدها خير
هاي حيه مسمومه شوفيها ابوي مشنشلها ذهب
واحنه تراجي مثل البنات باذانه ماكو ..
نزعت تراجي مالتي جنت مستعزه بيهن
امي ملبستهن الي من الصغر بيدها
نزعتهن
-هاج هذن تراجي البسيهن
-لا ذن تراجي مالتج وانت معتزه بيهن
مااخذهن منج
اني مو قصدي ع التراجي اني قصدي
احنه ليش مامتبذهين بفلوس ابوي
بس هي وجهالها احنه شبينه
-بينه امنه ميته وماالنه احد كافي عبوره فده اذا تحبيبتي كافي مشاكل
اني راضيه اصير خدامه بس مااحب المشاكل
ومن تجي بيبي اخليها تشتريلج تراجي خوش بس اسكتي
هزت راسها ودنكت تقره جن ماعجبها الحجي مالتي
اني ادري هي تحجي الصدك بي انه
اريد اعيش بله مشاكل
خليني خدامه عادي ماخدامه غربه ابوي واخواني ...
ثاني يوم
ابوي عزم ايمان وعامر
وكعدت من غبشه ابوي جايب سمج ودجاج
كعدت غسلتهن وملحتهن
وجيمت تنور الطين وشويتهن
وخبزت خبز حار
وخبطت لبن عندي روبه خاثره مسويتها
سويتها لبن
قبل لا يجون اني كلشي خلصت
جنت كلش شاطره وكلشي اعرف اسوي
بعدني بحيلي
طبيت غسلت وبدلت جانت ريحة الشوي كلها بملابسي
اجت ايمان
ماشايفتها من يوم عرسها
ركضت حضنتها هي تبجي واني ابجي
عامر فات يم ابوي
واني لزمت امونه
وج شلونج طك كلبي عليج احجيلي
شخبارج
-زينه غفران الحمد لله عايشه عامر خوش ولد حسيني صدك بنيه اني
حنين ويحبني ويخاف علي
احساس وحياة ماعايشتها
اول مره احس احد مهتم بيه ويخاف علي
اكلتي شربتي ضايجه تردين اجيبلج شي
اسئله عمري محد سائلها الي ومحد حاس بيه اصلا
ماادري احس ربي يعوضني عن الايام الشفتها وي لينه
-الف الحمد لله والشكر بالي يمج خيه امونه بس هسه اطمأنيت عبيج
-اني ليل نهار ادعيلج تزوجين وتخلصين من لينه
اطلعي شوفي الدنيا تره احنه مدفونين بالحياة هنا
تعاي شوفي الناس شلون عايشه
-الله كريم خيه
طبت لينه تسلم عود
هله بامينه شلونج
ام الصخ صايره حلوه ونضيفه والله وكت
وخلت ايدها ع حلكها وحنجها بحركة استهزاء
ايمان حاجتها
بجالج جنه كلنه وصخ غير انف وصاختج ونتوصخ
هي فكت عينها ع ايمان
والله طالعلج السان يالخرسه
عبير طفرت عليها
هااا هااا شبيج متلكيتها خاف عبالج ابيت ابوج اجت وضجتي
تره بيت ابوي هذا
كامن يتصايحن
عطت كافي كافي الزلمة راح يسمع عيب استحن
عافتني وراحت لغرفتها
🙌روحه بله رده
بجت ايمان
شبيج تبجين ختولي
عبير :-تره اروح اسحلها
غفران :- انت اكعدي ام الطلايب
ايمان:-والله ليل نهار افكر بيجن
اشوف الناس شلون عليشه وتطلع وتلبس
اكول ليش احنه نحرمنه من كل هذا
ليش لان ماعدنه ام
كافي امونه كافي الحمد لله والشكر خيه
اه اه وبست ايدي وجه وكفه
احسن من غيرنه ناكل ونشرب جا شبينه قابل اسم الله ميتين جوع قابل
كومي كومي اغسلي وجهج خل
اروح اصب الاكل
(للكاتبة ام مصطفى )
الله لا يوفقج لينه اله سوت الها طلابة يله هدت اخ الله ياخذج
احجي وي روحي
