#غفران
للكاتبة ام مصطفى
البارت الواحد والعشرون
مازن نعم الاب يحب اطفاله كلش
جان يحب بناته هوواي يموت عليهن
علا وحلا كبرن سنتين ونص جان عمرهن
يلعب وياهن دوم وبالاخص حلا
جان ينومها بحضنه
وهي لوتيه ماتنام الابحضن مازن مسويه معزه لروحها
بهاي المرحلة
اني نضجت فكريا بديت افتهم الحياة
ولهجتي تغيرت تماما
صرت مثلهم احجي واتصرف والبس
والبيت كله من مسؤوليتي
عمتي وعمي اعتمدوا علي بكلشي
بالبيت
يحبوني مثل بنتهم واكثر يمكن
صار عرس تبارك
مازن عفيه اريد ملابس حلوه
اريد اطلع احلى وحده
-اي عيني اخذي فلوس بالكنتور يمج
واشتري اليعجبج
نروح اني وياك
والله افضل تاخذين امي ذوقها احلى
وعوفي يمي الجهال
اي هم صدك
نزلت لعمتي
ماما اريد اشتري ملابس للعرس
اي ماما عادي
مو باجر حنة البنات واريد البس شي حلو
قصدج نروح هسه
اي اي
يله ماعندي شي
تبارك : شنو ماعدج شي وتحضيرات الحنه والصينية والنشرات
عادي اشتري بطريقي
ونرجع نسويهن
يعني غفران عرست وي عرسي والله يا الله
كتلها عمه مابلازم
نروح اني ومازن
صاحت ومنو ينظف عيني
كتلها من ارجع مااتاخر
عمتي كالت الها انت مالج علاقة نروح ونرجع
صعدت اتدردم
عمتي كالت فوتي البسي بسرعه وتعاي
صعدت لبيت جبتي واجيت
رحنا للسوك
واشترتلي عمتي فستان قصير وكعب عالي ومكياج
وللعرس تنوره وستره
رجعت فرحانه كلش
ركضت لبست الفستان لمازن
جان قصير ع الركبه
طلعت هاا حلو
جان لونه ازبري
وج شنو هذا
هذا للحنه اخذته حلو
وج مستهتره انت هيج راح تلبسيه
مو ماما كالت بس بنات واختارته الي هي
ضجت معجبك
يا معجبني ولج يموت بس اغار عليج
هذا تلبسيه الي بس
يااا شبيك مازن والله كالت بس بنات
هو اني متردده البسه
كلت انت تشجعني
تالي هبطت معنوياتي
لا لا البسيه حبيبتي يخبل عليج
اي كالت عمتي مكياج وياه يطلع يخبل
اي اي تلبسيه بس بشرط
اوو شنو بلله
نحتفل اني وياج بالليل بيه
اي عادي سهل شرطك
كعدت بصفه بدلع
لج مشتاقلج
يا ليش جنت مسافره
لا ملتهيه عني ليل نهار بجهالج والشغل
ها شنو ليش همه مو جهالج
اي بس اكرهم
ياا
اي اخذوج مني قبل اني من اولياتج
هسه اخر همج
حبيبي شتحجي انت انت اولياتي واخرياتي
ههههههه شنو هاي اخرياتي
مثل تبربدت
تذكريها
هههههههههههه
شذكرك بيها
الله ليش اني ناسي ذيج الايام احلى ايام
جرني تعاي
وين خل انزل ازين الاستقبال يمعود شيخلصني من لسان تبارك
شوفي فضلتي تبارك علي
اووو مازن شبيك مثل الطفل صاير تتزعل
اي طفل اني يمج
خل انزل لا تصير السالفة صدك
باييي
زين ترجعين ويصير خير
اوكي عادي
نزعت الفستان وعلكته هو عاكد حواجبه ع اساس زعلان
جر حلا تعاي بويه لحضني تعاي
ختولي ذيج المره
انت روحي وحبيبتي
اييي كلش قبل شويه ع اساس تكرهم
معليج انت اكرهم واحبهم شوكت ميعجبني
زين لعد دير بالك ع حمودي
اي مو اني صايرلج جليس اطفال
ليش لا
هههههههههه
نزلت اتبسم ع سوالفه
