#غفران
للكاتبة ام مصطفى
البارت التاسع
بيبي كالت
امشي وياي مالج ضلة يم هاي الحية
طلعت لينه فتحت باب غرفتها واجت تركض ع بيبي
هله بالحجية
لا هله بيج
رادت تباوسها بيبي دفعتها بالعوجية
وخري غاد وخري
لرجلج وين
راح للكاع غبش
عاد ريكتي لو طلع بله ريوك
لا هسه يرد يتريك ويرجع
خوش جا من يرد كله الحجية اخذت غفران ومالها رده هنا
طب عمو سمير
ركضت حضنته وبسته
ها غفورة شلونج عمو
مسحت دموعي
الحمد لله زينه
صاحت بيبي فوتي لم غراضج
اي بيبي
ماعدي هواي ملابس هنه جم خركة
عفتهن
اخذت بس الجدد الجابتهن بيبي وعمتي امل
وملابس جواد
وطلعت بيبي تصيح ع لينه وتحجي
كتلها جبتهن بيبي
يله امشي
وفليح لا يجيني ولا اجيه خوش
كليله امك خذتها وابوك يكول مالها ضله يمة
وماله حجايه بعد
امشي غفره
اي بيبي
طلعت من بيت ابوي
وكفت بالباب
بيبي بس اسلم ع عبير يضل بالها علينه
بيت عبير كبالنه بس ولا مره غير بالعرس طابه عليهم
مشيت ادك الباب استحيت
تالي كلت لجواد طب كعد عبير
وكلها غفران بالباب تصيحج
دك الباب طلعت عمتها
اشرت الها بالسلام وجواد يحاجيها
صاحت تفضلن تعالن
بيبي كالت عيب من المره خل اسلم عليها
راحت واني وراها
تسالمت وياها
فوتي حجيه
لا يمة اجيت ع غفره اخذهه يمي
وكالت خل اسلم ع عبير
اي كاعده عبير هسه تجي
بعد كلبي يمةة يتيمة ديري بالج عليها
صدك جذب حجيه بعيوني والله
سالمه عيونج كون
اجت عبير مخروعة
هااا هااا شصار
بيبي طكتها بالعوجيه ولج جا ماشوفيني وتسلمين
يااا بيبي وعلي خفت تخردلت
حضنت بيبي
شافت بيدي صرة هدومي
ها وين
رايحه وي بيبي وكلت اسلم عليج واروح
بيبي حجت
راح اخذها وياي بعد تضل عدي
وانتي عود جيبي اختج وتعاي كل فتره يمي
شني بعيده اني نص ساعة وتوصلوني
اي خوش بيبي ان شاء الله
وسالفة حمييد
خل يولي هو وامه اطيه غفران الاملح الاجلح
يله بيبي عمج متانينه
صيري سباعيه وخبالاتج بطليها
ومالج شغل بلوينه
لا لا اصلا مااروح بعد الهم
عاينت علي بجت
الله وياكم
عفتها وصعدت سوده علي هي ماتعرف ماتشوفني يوم تضوج
صعدنا بالسياره بيبي بالصدر وانه وجواد وره
عموو كال
ابوج تخبل شني من كل عقله هذا يزوجج لواحد عده خمس جهال
عمو يكول برتي
وين برتي عمرج مصار عشرين يضلون بهالتخلف يضلون بهاي العادات والتقاليد الفاشله
باع الناس وين واحنه وين
الف الحمد لله من درست وعرفت الحياة شنو
ولا ضليت ع سوالفهم هاي
كلام عمي سمير شكد حلو يحجي بثقافة وفاهم جان
جنت اتمنى اسئله ع مازن بس استحي
وصلنا لبيت جدي
جدي شفته كاعد يحصد جانوا زارعين طرح (خيار ) وجدوا يحصد بيه
من شافني ذب المنجل وكام
تقرب مني
ها جدي اجيتي هله بيج
جان تعبان خطيه
حضني بعد تضلين عدنه
والله من رحتي استوحشنه عليج
ان شاء الله جدو
