#غفران
للكاتبة ام مصطفى
البارت الثالث عشر
فتحت الباب صار بوجهي
باوعلي بلهفة شلونج غفران
الحمد لله ودرت وجهي
هسه اصيحلج عمو سمير
اوكفي اجيت اشوفج
طبيت بله ماالتفتلة ابد
مدري شلون اجتني القوه هيج بس بداخلي ميته عليه كون احضنه واكله ليش هيج تسوي بيه مو انه حبيتك من كل كلبي ليش خليتني احبك
وتالي تكلي مامفكر بالزواج
جا تريد تلعب وتكضي وكت
انه مو مال هاي السوالف وانت تدري
احجي وي نفسي واتمنى احجيله هالشي
صحت ع نهله .نهله نهله
كلي لعمو خطار يريدك بالباب
فتت يم بيبي خليت راسي بين رجلي وكعدت
كالت
هاا شني شبيج جده جنج مالج خلك
رفعت راسي بيبي اريد اروح لهلي
ياا غير احنه اهلج وين رايحة
لا اروح لبيتنا مشتاقة للبنات ولابوي
جم يوم وتعاي اخذيني انت
بكيفج جده روحي
صدك شوفي خياتج وتعاي
ردت اروح مااريد اشوفه واضعف مااريد
اتعلق بيه زايد
كافي الي صار بيه بجيت هوتي وتمرضت وانهد حيلي كله عليه
كالت بيبي خلي عمج سمير ياخذج
العصر
بيبي اجه مازن
ياا شوكت
خليت راسي بين رجاي هسه
وسكتت كامت هي
راحت تسلم
وردت علي غفره بيج شي جده
لا بيبي بس اريد انام راسي واجعني
خوش نامي والعصر عمج اخليه يوديج
جانت الدنيا بااااردة كلش
تغطيت ابطانية ونمت اريد انام مااريد افكر بيه
بس ضليت اتكلب
وحلمت بيه لازمني بيدة اريد يعوفني
ماقبل جلب بيدي
فزيت واحس ايدي توجعني عبالك مو حلم حقيقة
صاير العصر الساعة ٣ تقريب
بعدها باردة
بيبي كاعده ع الصوبة
وتسبح بيدها
شافتني وخرت البطانيه
ها غفرة جوعانه
اي بيبي كلش
خوش جا مسوية ذيج
الكرشة الزينه صلختها وغسلتها وركبتها ع الجولة وصارتلج شني حلقوم
صبيلج روحي
اي بيبي طلعت
من الغرفة
وطلع وياي بنفس اللحظة
اووف شلون ليش مكتوب عليه اتعذب
غفران بس احجي وياج
باوعتلة بعتب وقهر
ورحت للمطبخ
هو فات للحمام
صبيت اكل واجيت يم بيبي
كعدت ع يم الصوبه
بردانه جده
اي بيبي لان توني كمت من الفراش
دتعاي يم الصوبة
تقربت اكثر
اكلت لكمتين يمكن بالرغم جنت جوعانه
بي ماكدرت اكمل
بيبي شوكت ياخذني عمو
هسه اكلة
طلعت اسمعها تحجي وياه
ورجعت كالت بدلي جده
راح ياخذج
اي زين غسلت ادي
نهلة اجت شني وين رايحه
لهلي
وتعوفينه
لا ارجع بس اشوف خواتي اشتاقيت الهم صار اكثر من ٣ اشهور ماشايفتهن
من عرسكم والهسة
خوش م. تتاخرين علينا
لا لا ارجع جم يوم وارجع
رحت لبست تنوره وقميص
واخذت وياي اهدوم الي جواد عنده دوام
مكدرت اخذه
بيبي فتحت جيسها
طلعت فلوس وخلت بيدي
المن هاي
الج واطي لخواتج هم منهم
الله يخليج النه بيبي ويحفظج
روحي يله
رحت يم سيارة عمو
وكفت انتضره
فتح باب السيارة ونزل مازن
صار من صفحة الشارع ماينشاف
كال ليش تردين ترحين
اجيت اشوفج
معقولة لهلدرجة كارهتني
غفران احجي شبيج
اشتاقيتلج
باوعتله كافي مازن فدوه لا تلعب ع اعصابي كافي انه مو كدك
انه وحده فقيره وع كد حالي
خاف الله بيه تره يتيمة كافي تأذيني
اني مأذيج
اي انت
اجه عمو سكت بسرعه صعد
عمو كال يله غفران اصعدي
