#غفران
للكاتبة ام مصطفى
البارت الثالث والعشرون
تخبلت صرت مو بوعيي ابجي عليمن لو عليمن
اصرخ مازن ماما علووش بنتي
اركض وكع ع تابوت مازن وارجع لعلوش
واروح لعمتي
فقدت بس املخ بروحي واللطم
ليش مامتت وياكم ليش بقيتوني للعذاب
شلون اعيش بدونكم
مااااازن منو الي غيرك
ولك حبيبي احجي شلون اعيش بدونك
شالوهم مني واني اركض وراهم مثل الخبله
مااخذوني وياهم
ماخلوني اشبع شوف منهم
الناس تبجي ع مصيبتنه
كااارثه كاارثه
اجن تبارك وانوار كلبن الدنيا صريخ
اجت انوار دفرتني وانت مامتي
موتي امي ومازن وانت عدله
الفكر
كله من وراج انت
مااحس بشي تضرب
واني مااحس احس بحركة بكلبي شلون اطفيها متطفه
جروها مني
حرام عليج شنو ذنبها عوفيها بحالها
اي حقها اني اخذتهم ليش مامتت اني فكر مات مازن بسببي
مااازن يروحي لا تعوفني ارجع محد الي والله اضيع اخلافك
مازن فدوه اسمعني ........
لافاد وني ولا يرحم زماني
خلصت الفاتحه واني بصدمه
التلفزيون كل شويه يطلعون مقاطع من الحادثه وياها لطميات
اذكر الموقف وابجي ابجي
هملت جهالي والبيت تمرضت وكعت
ضغطي يهبط
لان مااشوف النوم ولا اكل
جهالي هملتهم
جيهان متأذيه هم بقت يمي
البنات راحن بعد ما طلعن روحي
فوك ضيمي وهنه يلومن ويغلطن
صدك عمر اليكره ميحب ابد
اهلي سمعوا واجوا وره الفاتحه
باسبوع
سامعين من كرايب عمو اليمهم
اجه عمو سمير وابوي واخوي جواد
حضنت عمي حسيت بيه ريحت مازن وبيبي
فكدتهم فد سنه
اخخخ يكلبي شكثر تتحمل ياهو الي عموو
اني موجود عمو
عمو مازن وبنتي وعمتي هواي علي والله هواي
هاي حكمة الله وقضاء الله وقدره
والنعم بالله ...
راحوا
وصعدت لغرفة الي ماصاعده الها من الحادثة
فتحت الباب صورته بوجهي
صرخت ماازن
اباوع ملابسه معلكه
صور تخريجه
وصورته هو وعلا وحلا
ماما علوش حبيبتي رحتي وي ابوج وبيبيتج تحبيهم
هنيالج حبيبتي
كمت اتخايل مازن بالغرفه
اشم ريحته
كل شويه اشوفه يطب ويفتح الباب
مجاي استوعب الي صار
مجاي اصدك مات وبعد مااشوفه
لعد المن ضاله انه
مازن مازن نمت ع الجرباية واشم بريحته
ياروحي ياعمري حاجيني
بقيت ع هالحاله الصبح انزل يم عمي وسيف وجهالي اشتغل وانضف بكسره وحزن واصعد بالليل اشبع بجي وقهر
لزمت عده بالبيت
الحزن خيم ع بيتنا من بعد ماجان كله فرح وسرور
عمي دوم اشوفه يبجي
وسيف حزين والاسود مانازعه
ولحيته مطولها
غالبا مانحجي ونسولف
عبالك جاي نمثل انعيش
ميتين احنا
حلا تمرضت ع ابوها د
تريده
كام سيف ياخذها يطلعها
وينومها يمة
جيهان تروح وترجع جانت مكسوره مثلي
وتبارك وانوار هم احسهن تهسترن وانكسرن
حتى من يسمعني كلام اعذرهن
مصيبتنا جبيره
جانت
احاول اعيش بس اني ميته والله شكد مااحجيلكم مااوصف شعوري
مر شهر ع موتتهم واني مااصدك ابد
كل يوم اكول حلم وهسه اصحى منه
امولي تمرض صار يتقيء وسهال
جان عمره سنه
خفت عليه اخذته اني وسيف للدكتور
كال التهاب امعاء ولازمله مغذي
اخذوه للمستشفى
اخذته كالوا التهاب حاد وبادي عنده جفاف ذذ
كلش خفت عليه
كمت اخاف ع جهالي هواي
هذول امانة مازن يمي لازم احافظ عليهم
بس ذول ضلولي من الدنيا
نمت مستشفى بيه
سيف وعمو يرحون ويجون كالوا جيهان بالبيت لا تخافين ع حلا ومحمد
خل يصير زين امولي يله اطلعين
عمي يركض هيج ويجي
تخبل عليه
يومين وطلعت
جهالي تلكوني ماما
عمت عيني يمه ابوس بيهم
رغم عمي وسيف مدلليهم ادلل بس
بس يضلون يتامه وماعدهم ابو
الاب سند .....
سوينا الاربعين
ورحت رحت لحبيبي رحت مشتاكه اله ارد اشوفه
عبالك راح يطلع من كبره ويحاجيني
دخلت للمكبره شفت صورته شكبرها وضاحك
كاتبين الشهيد ........
عمت عيني مازن شهيد ومتت صدك وهذا كبرك
بصفه علا وصورتها هي وابوها
ولكم ليييش لييش هيج تسوون بيه
يمةةة المن جبتيني
ليا عذاب
مااريد اعيش اريد يمكم مااريد اعيش اخذوني يمكم
انتهييت والله تمرضت من رحت
ضليت يومين حلكي مر
وعمي يداريني
استحيت منه كلت خطيه عمي رجال جبير يروح يصيرله شي وين اولي
اصحي غفران لازم اصير قويه
لازم اوكف ع حيلي جهالي محتاجيني
بديت اتعايش وي واقعي
بالنهار واكفه وبالليل ابجي وسهرانه وي صوره وهدومه
يوميه ارشهن من عطره وارجع اعلكهن
ومرت الايام
خلصت العده وعبالك ابوي حاسبها
وره يومين ولكيته يمي
كلت خوش ابوي اجه يسئل علي ويشوفني شمحتاجه
فرحت بجيته
بس تفاجئت جاي ياخذني
كال لعمي من رخصتك اخذ غفران راح
شنو تاخذها
ابو مازن بنتي صغيره وزوجها مات
ترضاها كاعده وي حماها اعزب
كون هسه عمتها عدله بيها مجال
بس مال بنيه بنصكم مايصير
وانه ابن عرب ماصايره عدنه
انه حسبت حساب للعشره وعفتها لحد ماتخلص العده
كلت واجيلها الناس يابو مازن سمعت وكلت وجوهنا
صلي ع محمد ابو جواد
تره غفران مثل بنتي وسيف مثل اخوها
انت حجيتها مثل اخوها يعني مو اخوها
وانت ماترضالي الناس تاكل وجهي
هسه شنو
اخذها واروح
وجهال ابني شلون
خليهم يمك اني ماارضى احرمك منهم
وترضاها تحرم ام من اولادها
والله انه ماتحمل مسؤوليتهم
حاول عمي ماكو قافل جاي
طبيت حاجيته
فدوه بويه صدك تحجي
جهالي
امشي جيبي غراضج وذهبج وتعاي
بويه يا ذهب
اريد جهالي
فدوه لا انت والزمن علي
عاط بيه امشي
مااروح
جلبت بعمي ابوس ايدك لا تخليه ياخذني
جرني امشي
عمي يحجي وياه ماكو
سيف سمع كله شنو تاخذها
ماتروح
وانت شعليك شدخلك اني ابوها
واذا ابوها تحرمها من جهالها
جهالها عد اهلهم
جرني ابوي
امشي
وصارت عركه
سيف هجم ع ابوي وضربه
وابوي توعدله
اله يسويها عشاير بس يرجع
من الخوف لبست عباتي ورحت
خفت لا يصير شي اكبر
جان حيدر وي ابوي جاي
جروني وصعدوني بالسياره
واني جثه بله روح
بعد يادنيا وين تفريني شسوين بعد بيه
رجعت البيت ابوي كما خلقتني يا مولاي
لا رجل ولا جهال ولابيبي تدافعلي
لينه هاا اجيتي
رديتي غفيره علي مااخلص منجن انه
وللحكاية بقية
ام مصطفى الفيديو من تصميم الاخت ام علي الحسناوي
اهداء لشهداء جسر الائمه
يحكي حال غفران
