#غفران
للكاتبة ام مصطفى
البارت السادس
عبيير وج شصارلج
غفران ضهري ضهري
التفتت ع لينه اللهولايوفقج
وج اركضي صيحي هاشم ام هاشم راح تموت البت شوفي الدم
كمت ادك ع رجلي دخيلك ياربي
دخيلك ياعلي ياحاضر الشدات
وج كتلج عوفيها
ركض جواد اني اصيحهم اني
خليت راسها ع رجلي وابجي وهي تبجي
وادعي ربي دخيلك ربي موتني اني لا تسوي باختي شي
عبير فدوه شيوجعج
اخخ ضهري غفوره راح اموت
كوه اطلع الكلمه نفسها مقطوع
لطمت ع وجهي يمةة ولج يمةة وينج الحكيلي عبير راحت من ايدي
طبوا بيت عيالها
عمتها وحماتها
وهاشم يركض وراهم
شبيها شصار
وكعت خوية تزحلكت ووكعت ع ضهرها
هاشم جان طويل وضخم
شالها شيل
صاح بعالي صوته
سناء روحي خلي ابوي يشغل سيارته
بسرعه
ركضت جبت عباتي
اخذوني اروح وياكم
محد سمعني
خلو عبير بالمنشأه بكبرها وراحوا
واني اركض مثل المخبله وراهم
تالي رجعت
كعدت بالحوش خليت راسي بين رجلي
وبجيت من كل كلبي اصرخ
اجت لينه فوك راس
غفران كافي ان شاء الله مابيها شي
رفعت راسي عليها
جانت خايفه وطكطك باصبعها
-ان شاء الله مابيها شي والله ماردت اضربها بس هي شوفي شلون عضتني
واني دفعتها مامتقصدة
ماحاجيتها رجعت خليت راسي بين رجلي وابجي اول مره هيج ابجي
اول مره احس بخوف وقلق
شويه واجه ابوي
شافني بنص الحوش كاعده وابجي
-ها بويه خير شصار
-بويه خالتي لينه دفعت عبير
وعبير كامت تنزف واخذوها للمستشفى
فدوه بويه اخذني اشوفها
صار ساعه من راحوا ولا حس ولا خبر
-شني ليش دفعتها
-فدوه بويه عوفنه من طلابتهن اخذني لاختي ابوس رجلك
-يامستشفى راحوا
-ماادري بويه
بس اكيد القريب علينا
صاح ابوي
-لوينه بسيطه ارد ونتفاهم
كومي بويه
احس ابوي خاف وكام يرجف
بويه شكلتوا لعيالها
يابه كتلهم زحلكت ووكعت
ركض باس راسي
-يمن فدوه رحتلج يالعاقله يالفاهمه
وانه لوينه ارجع واعلمها
بس ليش تعاركن
بويه سالفه طويله خل نروح هسه فدوه
-امشي امشي
خطيه ابوي جاي تعبان جان ورجع بملابسه وجان خايف وانخطف لونه
صعدني بسيارته
الي مانصعد الها بس من نروح لبيبي كل سنه
طول الطريق ادعي
وصلنا للمستشفى
شفنا سيارة عمها طابكة
كال هنا يعني
نزلنا
مااندل مثل الثوله
امشي وره ابوي وين مايمشي
وامشي واتعثر بعباتي
طبينا للمستشفى
ابوي يسئل
واني امشي وراه
فتنا شفنا عمتها
ركضت عليها
ها خاله بشري
مابيها شي خاله لاتخافين
طببوها عمليات
عمليات ليش
مو خاله نزفت وماعدها ولاده وخافوا ع الجاهل راح يسولها عمليه ويطلعونه
بذاك الوكت جان نادرا ماوحده تجيب عمليه
واذا سمعنه عمليه نخاف منها
كعدت بالكاع ياربي طلع اختي سالمه
كله بسببي كله وراي
عساني متت اني
ابوي سمع عمليه تبنج خطيه بمكانه
وحلكه صار ابيض ويرجف
كعدنا ننتضر ساعه وطلعوها
ع سديه
يمةةة اسم الله شبيها
جانت بعدها بالبنج بس اني عبالي ميته
بسرعه صرخت
الدكتوره كالت شبيج
نايمه بعدها بتأثير البنج
مسحت وجهي بعباتي
الف الحمد لله والشكر ياربي
طببوها لغرفه وراكض وراها
خلوها ع جربايه
وكعدت بصفها
وهي تحجي لوينه انه الج
اختي مو مريضه
غفران كلشي مابيها
غفران غفران
وتصيح باسمي
وانه احجي شبيج اسم الله
باوعت ع الدكتور
كال متدري بروحه هذا البنج يخليها تحجي لا تخافين
جابت ولد يخبل خليناه بالخدج ساعه وانجيبه الكم
يا الله صلاوات ع محمد
