#غفران
للكاتبة ام مصطفى
البارت ١٢
طبيت وكعدت بنص النسوان بس حيلي مهدود وكلبي مشتعل نار
مقهوره حيل
يهوسون وناس ورمي
واني مااحس ولا انتبهت لاي شي
مصدومة مقهورة
ضايعة كارهة نفسي اريد اصرخ اريد ابجي
حركة بكلبي اريدها تطلع مني
ع كلشي ماانتبهت
اسمع صوت ايمان يمي
غفران
كلت لعامر اني حامل لو شوفينا طار فرح مامصدك
حتى انه فرحت ع فرحه
راح اروح شويه واروح
غفران مو احاجيج
اي اي
يا شمالج
تعبانه مريضه
يا شبيج
شو
يا شني هاي صخنتي جسمج حار
عمتها صاحت عليها
ايمان امشي
اي اي
ضليت ع مكاني اعاين بعيوني
خلصت الهوشه وراحت الناس .
واني حطيت راسي ع مخدة وابجي ابجي
بيبي فوك راسي
غفرة شبيج جده
غفره
سويت روحي نايمة
يا نمتي
عمت عيني عليج تعبانه
طلعت وطفت ضوه الغرفة
ضليت ع نومتي
اسمع زفوا عمي لغرفته ورمولة طلقات
بس ماكمت بغير عالم احس روحي
مدري شبيه جسمي بايد
وكمت ارجف
اسمع بيبي دكل لعبير عوفيها نايمة تعبانه لا اطبين عليها
بيبي
مو من العادة تعوف العرس والهوسة وتنام
شبيها
تعبانه تعبانه عوفنها لا تكعدنها هي تكعد وحدها
كلشي اسمع مانايمة بس مااريد اكوم
ولا اريد اشوف احد
نمت مدري شلون والدمعة مافاركتني
حتى من فزيت نزلت دمعتي
بس فزيت ارجف ارجف بعز الحر بردانه
واون اون
ع صوت ونيني اجت بيبي
غفره شمالج تونين
بيج شي بيبي
كله مني خليت الولد ابالج
غفره اتسمعيني كاعده نايمة
تلمستني
يمة انت كابة نار
مضخنه بيبي شجاج يبعد روحي
كومي اغسل وجهج
اشرتلها غطيني
خيبه كومي
لا ماريد بس غطيني بيبي
غطتني
من احتركوا اهلي ع السواية السويتها
شلون البت راح تروح مني
طلعت ساعه ورجعت واني ع رجفتي
لزمتني نار
صاحت ع جدي
البت نار
يابت
خابب بت فلاح جا يابت
وانه عبالي راحت وي ابوها ماشوفها
لا نايمة من امس
ومصخنه وترجف
طب جدي كومي غفره جدي
شني شجاج
كعدني بيبي بدها مي تغسل وجهي وانه ارجف
شوف شلون
طلع عمي سمير من غرفته صاح يمةةة
ها يمةة صباح الخير
صباح المبارك عليك
كعدتوا
اي يمةة بس تريد تسبح نهلة
وسوينا ريوك يمةة
بيش الساعة هسه
هسه بالعشرة
حيل هواي
عرسان يمةة
وليدي هاي مصحنه
منية
غفران
اجه يمي غفران شنو عمو شبيج
لزمني
هاي شنو مصخنه صدك
لج اخذتي علاجج الكتبة الدكتور لصبعج
لا
شلون لا
لعد صخنتي ع جرحج .
غير تاخذين علاجج
وينه هو
ماادري
بس نوموني كلشي مااريد غطوني
كومي لا تنامين الصخونه ادكج
يمة وكليها وخل تشرب علاجها
مااريد اريد انام
رجعت نمت
شبيها البت شجاها يربي
دغسليها
وهسه اخلي مازن ياخذكم بسيارتي للمستشفى
كتله لا لا
مااريد اريد انام
رجعت نمت
وللعصر لا اكلت ولاشربت ولا كمت
وكل ساع يكوموني يكعدوني وارجع انام
العصر كلش بيبي
ضلت تصيح خيبه راح تموتين
اكليلج لكمة
طلعت ورجعت
كومي كومي امشي نروح للمضمد
