#غفران
للكاتبة ام مصطفى
البارت السادس والعشرون
سيف فتح مكتب محاماه ايجار
وبده ينشغل بيه
وعمو يمشي بالمعاملة
واني ملتهية بجهالي والبيت كله علي جانت عمتي تارسة البيت وشايله كومه مني
جنت مااحس بجهالي هي ربتهم
اوف عمت عيني عليج
كلشي بالبيت يذكرني بيهم
جوه اذكر عمتي وعلوش بنتي
وفوك مازن
عفيه كلب شكثر تتحمل
مرات اكول اني شلون هيج صابره وعايشه
شلون متحمله فراكهم ربي فدوه الصبرك
الصبر نعمة جبيره من رب العالمين
فديوم طب سيف يضحك وياه لبنى
لابسه بنطرون جينس وبدي احمر
بيدها علاليك
دخل سيف
هلو غفران
هله بيك رحت سلمت عليها
هلو لبنى كل الهلا بيج
شكرا وفاتت
رحت جبت مي اطيتهم
سيف متغدي لو اسويلك غده
لا اشكرج تغديت اني ولبنى
حجت هي
تغدينا اني وحبيبي بالمطعم
ها الف عافيه عليكم عيوني
اجت حلا
عموو عمو
ها حبيبتي
عمو قريني عندي املاء
اي حبيبتي بس ارتاح واقريج بعيوني واشر ع عيونه
كالت لعد امج متعرف تقريج
لا تعرف بس اني اريد عمو يقريني احسن من امي
باسها اروح فدوه الج
احسها ضاجت
شلون يربي اخاف تضوج وتصير مشكله
ردت اغير الموضوع
حلا ماما روحي العبي وي اخوانج هسه
تعاي نروح
سيف تريد شي لو اصعد
لا سلامتج
اخذوا راحتكم لعد
صاحت شكد لوكيه شبيج ساحله روحج سحل
هاا شنوو
اي غشمي نفسج وانت اشطن من ابليس
عفتها وصعدت
يكلها ها شتفقنا مو مالج شغل بيها
مااكدر سيف من اشوفها اموت احترك
طلكها فدوه
اهوو رجعنا مو كتلج والله مؤقت وكلشي ينتهي
هسه اساير ابوي جاي
اووف شوكت تعاي لا تعكرين مزاجنا هسه بله كدري الملابس الي جبتهن الج
اي اوكي
صعدت اووف يربي لا تخلي مره بوضعي هذا ربي لا بحرم كل زوجة من زوجها
والله الرجال خيمة لو مهما يكون المره تنذل خلافة
صعدت فوك محمد مطشر مكعبات ويلعب
وامولي نايم بكاروكه الله يخليكم الي يارب
باوعت ع صورت مازن شكد مشتاقتلك
ومشتاقه لدلالك وكلامك الحلو
عود ليش ساعت الفرح كصيره وبسرعه تمر
يعني اشفت منك ست سنوات ركضن ركض
والله ماشبعت منك يابعد روحي
رتبت غرفتنا وطلعت لغرفة سيف
اسمعهم يسولفون جوه ويضحكون
دخلت لغرفته رتبتها عيب خاف تصعد لبنى هسه دكول وصخة
اكو ملابس معلكة شميت ريحتهن
بيه طبع اشم ريحة الملابس حتى اعرف وسخة لولا
شميتهن
طبت لبنى
شجاي تسوين
ها اخذ الملابس الوسخة والياخذهن يحضنهن
اني لا والله جاي اشمهن وسخات
باعي ولزمتني من طرف ثوبي
كلاواتج وعيارتج هاي
مو علي تره اعرفج وين تردين توصلين
شتقصدين
سيف شيلي من بالج تره لو تموتين مايباوعلج
سيف الي ويحبني
بالعافيه عليج اعرف
واني احب رجلي الحمد لله
وماالي عيني
اخذت الملابس وطلعت
صار بوجهي مازن جنت اعصاب لان كلامها يدوس بالبطن
