#غفران
للكاتبة ام مصطفى
البارت الرابع والعشرون
مرات اكو شخص يرقص ع جراحات غيره
لان قلبه مليان حقد وخبث الله ممخلي ذرة رحمة بكلبة
-هاا غفيره رجعتي علي جا انه مااخلص منجن شلون
باوعت عليها بنظرة حقدت
ودنكت ماعندي قابلية احجي
ضليت ع كعدتي خاله راسي بين رجلي
اسمع ابوي يخابر
انه يضربني اخو مازن
اليوم ادكهم هسه تجي
اي جبتها جا شتريد اخليها بنص الزلم
انتبهت ع روحي شجابني شلون عفت جهالي معقوله ابقى هيج ضعيفه اني
لشوكت اضل هيج
مازن اني ضعيفه ليش؟ اخذتني جهالك صفوا لا اب ولا ام
احجي وياه اشوفه كبالي بس ساكت ميحجي
ليش هيج شسويت بيه
اسمعة يكلي انت قويه
لا لا مو قويه ضعيفه والدليل
عفت جهالي واجيت خفت لا يتأذون اهلك بسببي
احسه تبخر من كدامي
واسمع صوت لينه
ياا جا تسودنتي شني
جابولي مسودنه انوب ابيتي
رجعت خليت راسي بين رجلي
اجت بنيه اكبر من حله بسنه تقريب
جابتلي مي
هاج مي حبيبتي شكرا انت فاطمه
اي فطومه روحي صيحي عبير
اي هسه هسه
فاطمه اختي الصغيره بنت لينه اخر وحده الحبلت بيها
راحت تركض
وره شويه طبت عبير
شافتني صرخت يبوووي
غفره خيييه
حضنتها عبييير مات مازن
وجهالي عفتهم
رجعت لا رجل ولا جهال
كابلتني تملخ بروحها شبيدي عليج خيه
من عمت عيني عليج
مكرود يالمالك بخت بالدنيا
صدك الما اله اول ماله تالي
اريد جهالي حاجي ابوي فدوه
كامت بويه اسمعها تصيح
بويه جا انت والدنيا عليها
ليش تحرمها من جهالها
انجبي انت مالج شغل
الله واكبر عليكم ماتخافون الله شني ذنبهم
اكلج انت لو تسكتين لو ترحين لبيت رجلج
لا تدخلين سمعتي لولا
لا والله ادخل
كافي تضلمنه انت ومرتك كافي
وحك الله اخليها تشتكي عليك يم الامريكان
ضربها راشدي ايا جلبه
لا تضربني امشي اطلعي بره
مااطلع هذا بيت بيبي موش بيتك
ركض دفعها
مااكدر اكوم احاجزهم من القهر بس ادك ع رجلي واصرخ
اه اه شرجعني هنا مو خلصت
ربي ارحمني تعبت
طب عمو سمير
تخيلت مازن بطبته ركضت حضنته عموووووو
الحكلي عمو فدوه اروحلك الحكلي
حضني وباسني من كصتي بسيطة عمو لا تخافين
طب جدي يتجأ ع صاته ويرجف كوه يمشي
فليييح ابو المصايب
شوكت تحن ع بناتك وتبطل تمشي بشورة مرتك
بوييه شني هي شورة مرتي
انت ترضاها بت حدثه كاعده بنص زلم
ضربه بالعصه ع صدره
جا ليش ماشرتني قبل ماتروح جلب تمشي بشورك
عمو سمير كله
زين جبتها جهالها شنو ذنبهم تحرمهم من امهم
انه مااتحمل مسؤوليتهم شني جايبلي بزر غربه اربيه
الله واكبر عليكم وع تقاليدكم وع عاداتكم الظالمة
اكلك سمير مو عود صليرلي مثقف
انه كاعد بنص عرب وتحكمني هاي التقاليد الناس كلت وجهي
بتي اجيبها يمي ومالكم شغل انه من البدايه مارضيت اتزوج ابغداد
لاهم منا ولا من ثوبنا
هسه عوفنه من غفران
اني انضربت وانغلط عليه
اروح ادكهم باجر من غبشه اخذ سلاح واروح
الرحتوا والمارحتوا وياي
سمعتوا زين
صاح جدو
اكعدددد خل نفهم احجيلنه الصار
ضل يحجيلهم وابو يتهدد
رجعت عبير كعد يمي
خيه لا تسوين بنفسج هيج مااضيج اله تفرج ورحمة ربج جبيره
غفران جهالي محد الهم ابني عمره سنه بعده يرضع
لو عمتي عدله بيها مجال
محد الهم تعرفين شنو يعني
كوليلي شسوي شلون اكدر اغمض عيني وجهالي مالهم احد
حقج خيه بس حكم القوي
كله من هاي الحيه
كلما تشوفني دكلي الناس كلت وجهنا ع غفيره
وهي الناس شمدريها
اووف ليش ما متت وياهم وارتاحيت ليش ضليت عدله
حتى اتعذب
الحمد لله والشكر ع كل حال
الاهي لا نسئلك رد القضاء انما نسئلك اللطف فيه
ضلوو لنص الليل يتصايحون ابوي وعمي
وجدي
