#غفران
للكاتبة ام مصطفى
البارت السابع عشر
احلى يوم بحياتي سعادة متنوصف جانت
بالليل اجه مازن
وعمو سمير صاحلي
غفران كومي خطيبج يريد يتعرف عليج ويحجي وياج
باوعتلة بخجل
عمو كومي حبيبتي لا تستحين تره هذا زوجج صار بعد
ومن حقه يريد يحجي وياج ويتعرف عليج
يله انت سباعية واني اعرفج
ان شاء الله
خليت ربطتي ع راسي وكمت
بيبي تدعيلي
مشيت وره عمو
طب كال سلمي ع خطيبج
مازن كال شلونج غفران
الحمد لله
عمو سمير كال
اكعدي بصفه
هاا
اكعدي عمو لا تستحين
واني طالع اخذوا راحتكم
طلع وسد والباب
ومازن تقرب مني يتبسم بمكر
شلونج غفوره الف مبروك علينا
توجنا حبنا وتزوجنا
-الله يبارك بيك
مدنكة
ارفعي راسج لزمني من حنجي
رجفت وصرت نار احس من الخجل
اييي ايي اخجلي اموت ع خجلج
اعشقه
باع الخدود صارن تفاح
ابتسمت مااعرف شحجي اشياء كلها غريبه علي
واحد هيج يتقرب يمي ويحجي وياي
مااعرف شسوي
بس كلش مستحية
كال احجي شبيج ساكته
خل اسمع صوتج
-شني شحجي
ماادري ايى شي تره راح اروح وتتندمين ماحجيتي وياي
يجوز هالمره اتاخر يله اجي
شني ليش ليش
مو عندي شغل حبيبتي فتحت محل جاي اشتغل واريد اجمع كم فلس حتى نزوج
عبست وجهي
ها ضجتي
اي
غير ع مود مهرج اشتغل وتقرب يمي
انزعي الربطة ذاك اليوم شفت شعرج
ومتت كوه طبيت
هاا
شبيج انزعيها جرها مني
طلع شعري جان سرح كلش
والصبح كاويته لان من الظفر صايرتله كسره
جنت لافته فتحه
شنو هالشعر الحلو هذا
غفوره باعيلي
هاا
انت كلش حلوه بعيني
هاا
لزم ايدي باسها
تحبيني
هاا
ولج وعلا احجي شبيج بس هااا
مااعرف شحجي والله
صدك غفران وذب ايدي
انت ليش متسجلتي مدرسة
انه
اي
لا مسجله ودوامت لصف خامس
ماتت امي الله يرحمها
ومرت ابوي ماخلتني اكمل
جان جواد صغير ويحبني يبجي علي
واخواتي يرادلهن مدتراه
وتركت
يعني تعرفين تقرين
اي جاليش
كمت جبت مجله ع الشباك جانت مالت عمي سمير
هاك شوف
مجلة أ ب
شتريد اقره
جانت بالمجلة مقابله وي اسيا كمال
كتله اقرالك هاي مال اسيا كمال
اي بله
لزمتها وقريتله كم سطر ع السريع
-ما شاء الله قرايتج كلش زينه عبالك مخلصة متوسطة
اي مو جنت شاطره وقدوة الصف
حتى من بطلوني بقيت ابجي وحاضنه كتبي وجنطتي اشهر
حبيبتي والله اله اعوضج ع كل الي فات
ومسح دمعتي الي وكعت بس اذكرت ذيج الايام ..
احس رب العالمين دزك الي هدية
اي هو دزني الج اعوضج
لا تفكرين بشي مدامني موجود
خايفه
من شنو
يجي يوم وتتندم اخذتني
وليش اتندم بنيه خلوه وبعز شبابها واصغر مني وذكيه وشاطره
شنو ناقصج حتى اتندم
مو
اسسس لاتفكرين باي شي معليج
اني ماعندي هالسوالف اهم شي كلبي دكلج وحبج
يمن فدوه لكلك اروح
ههههههه اي اي عوفي الخجل احجي بعد
جا شحجي بعد
كولي احبك حبييبي
يااا
لا استحي
وج منين تستحين غير رجلج اني
ميخالف
هسه شلون اكسر هالمستحه اعرف
جرني وباسني
يااا خايب مازن لا يطب عمي شجاك
رجعت ليوره
ضل يباوعلي وصافن بوجهي
انوب كال لج كومي مني
يااا شبيك زعلت مثل ذيج المره
استغفر الله معقوله ماتفتهمين ليش اكلج وخري مني
ها لا
هههههه
زين تعاي هاج
فتح محفظته وطلع فلوس
هاج الزمي
شنو هذا
فلوس مصرف الج
لا لا عدي بيبي اطتني وصارلهن سنه عدي وين اصرفهن حتى اطيت لختي عبير منهن
لج خزرني تعالي اخذي
اي اخذ بس لا تزعل
