#غفران
للكاتبةةام مصطفى
البارت الخامس عشر
......(غفران ).........
احس روحي ردتلي من سمعت كلامة
يمةةة هيج يحبني اني مااصدك
انوب زيدني كلي راح اجيب اهلي واجي اخطبج
طرت فرح ماعرفت شحجي وشكلة
رجعت لغرفة فرحاااانه اتمى احجي فرحتي لاحد
تمنيت عبير يمي واحجيلها
ثاني يوم الصبح
كال عمي سمير سوي ريوك لمازن يريد يروح
بيبي حجت
يا شني شعجب هالمره راح يرد بساع
اضنه ضاج من عدنه
لا يمةة يكول عندي شغله اسويها وراجع الكم هالمره مااتاخر
جا شني روحه ردة شني وره البيت بغغغداد
يمةة ماادري المهم سون ريوك الولد يريد يروح
اني اسمع واتبسم طلعت خليت الريوك اله
تريك وطلع وانه وافتر بالحوش
حتى اشوفه
شفته طلع تبسملي
يمن فدوه رحت الطولك ولهاي الابتسامه
الله شكد يحبني من وكعك بطريقي
احجي وي نفسي
اشرلي رايح ادعيلي
هزيتله راسي
وكتله الله كريم
صعد وراح وهالمره احس روحي راحت وياه
ياربي اريد البشاره كون تجيني
ربي اني مظلومة ومكسوره ومالي احد
لو صار شي ع اجدادي وين اولي
اريدك تفرحني
ضليت ع نار كل يوم يتاخر
انهبط واكول اهلة مارضوا
ونساني
الى ان ايست وتمرضت
صار عندي احباط بوكتها
..........مازن ....... ......
رجعت لهلي
تعجبوا من شافوني راجع بسرعه كل مره اقل شي ابقى اسبوعين اتلاثه
بي هالمره ماطولت اسبوع
امي شافتني
هاا ماما شنو مو عوايدك ترجع من وكت من بيت سمير
اي ماما رجعت عندي موضوع وياكم
خير ان شاء الله
ان شاء الله خير
خل ارتاح يوم وبعدين نحجي
زين لعد حبيبي ادخل اسبح
حتى احضرلك الغدة
لا يوم اكلت بالمطعم بالطريق
راح اسبح وانام لحد يكعدني
كولش تعبان من الطريق
صوت السيارات براسي
روح حياتي ارتاح
دخلت سبحت وطلعت واني دايخ شلون راح افاتح اهلي
ولو هالشي راجع الي اني صاحب القرار
بس اعرف راح تعترض امي
بس بالخير امي تحبني
مراح توكف ضد سعادتي اكيد
نمت وكعدت ع صوت اذان المغرب
جان جامع قريب علينا
اتعوذت من الشيطان
وكمت توضيت
ابوي شافني
ها بابا شلونك حبيبي
باوسني
وفرش مصلايته كعد يصلي
اني هم صليت
خلصت
صافحة بابا تقبل الله
منا ومنكم صالح الاعمال
انوار اجت
ها مازن اجيت اشتاقيتلك
لا بعدني اني هم اشتاقيتلج
كتلها عشه تره ميت جوع
اي ماما جاي تسوي
بابا كلها روحي ساعديها
الف مره كلت امكم لا تخلوها وحدها
يعني من الدوام تجي تعبانه
والبيت كوله عليها
وانتن حتى مساعده متساعدوها
لا بابا والله جاي نساعدها
مو احنه هم عدنه دروس
ميخالف بابا تعاونوا حبيبتي
اوكي بابا
راحت
واني تقربت من ابوي
يابه عندي موضوع وياكم
بس ردت اخذ رأيك انت بالاول
قبل الكل
اي بابا تفضل
بابا قررت ازوج
اي بابا من حقك
ابالك وحدة لو اخلي امك تشوفلك
لا ابالي وحده
خير ان شاء الله منين نعرفها
بنت اخو صديقي سمير
بنيه فقيره ويتيمة وحبيتها بابا
بنت اخوه يعني هم عايشه وياهم لو شنو فهمني
اي بابا
يتيمة الام وعايشة يم بيت جدها
شنو تحصيلها الدراسي
ماادري صراحة حتى مااعرف تقره تكتب دارسه لا
بس جنها متعرف تقره وتكتب
وبرأيك مناسبة الك ؟؟
بابا حتى لو مو مناسبه بس اني حبيتها بعد حاولت اشيلها من بالي تعبت وماكدرت
بابا اني اتحمل قراري
هاي البنية اريدها
هاي هي بابا يجرالك
صدددك
اي حبيبي اني مااوكف بطريق سعادك
ان كان هاي البنيه هي الي اختارها كلبك وحبيتها وتحس راح تعيش سعيد وياها
اني ماعندي مانع
شكرا يا احلى اب بالدنيا
بس امك شلون ؟؟
اكيد مراح توافق اعرفها تدورلك الي تليق بيك وبمستواك الدراسي
بابا امي عليك انت اقنعها ابوس ايدك
مااريد صير كلام بينه وتضوج مني
اني متمسك بيها هاي البنيه حيل
وواعدتها اجي واتقدم الها
تواعد من ورانه !
مو هيج بابا بس انت تعرف بطبع اهل الجنوب شنو ميحتاج اكولك
