#غفران
للكاتبة ام مصطفى
البارت الثاني والعشرون
دخل عمي ومازن البيت عبالك مهجور
صاير نصه تراب صفحة الاستقبال واكعه
اجت الجوارين تتحمد النه بالسلامة
كل ضنها صاير علينا شي
جرونا دخلونا يمهم
بعدين رحنا لبيت جيهان
هواي انقهرنا ع البيت
بس كلنا الحمد لله بالبيت ولا بواحد من عدنا
عمي كال كلشي يتعوض
ثاني يوم راح عمي وسيف ومازن وزوج جيهان وعمتي للبيت ينضفوه ويطلعون الانقاذ
بقيت اني والجهال يم جيهان
للعصر اجوي هلكانين
سوده علي
مازن كال راح ابيع سيارتي لان البيت يرادله بنيان وتصليح الجام كوله واكع
والاغراض صايره تراب
كتله بيع ذهبي مقبل
كال لا اني ابيع السياره ومن ابوي كم فلس ونعدله
والله حرامات تبيعه ياعيني ذهبي ولا لابسته
كال خلي للايام السودة
اسم الله يا ايام
كال منعرف شراح يصير ميصير بالعراق
الامريكان وجماعة النظام الساكت مراح يسكتون
اكيد راح تصير حرب داخليه
هاي اذا ماصارت حرب اهلي
يمةة اسم الله
اي مثل مااكلج
ثاني يوم باع السياره برخص كلش
وبدوا يرممون بالبيت
واحنه كاعدين يم جيهان
احس صرنا ثكال عليهم
جهالي وجهالها وهوسه وهي بيتها صغير
عمي كام يسوك هو
واني لزمت البيت وياها
بقينا شهر يله كدرنا نرجع للبيت
الواحد ميرتاح اله ابيته
لزمنا البيت غسل اني وعمتي
كل الاغراض غسلانها
صار البيت يلمع خلال يومين
ارتاحينه
بس فلوس ماكو
مازن رجع فتح المحل
بس مو هالكد شغل الناس متخوفه والعنده فلس يضمه
لزمت اساوري الي انطتهن بيبي الي
وكلت لعمتي بيعيهن
ماقبلت عمتي
كتلها عود مازن يشتريلي غيرهن
ماما الجهال شنو ذنبهم
بناتي يبجن من الجوع واشوفهن يضعفن كدامي
دخل مازن عمتي كالتله
تخبل شنو القصه لهدرجه وصلت
كتله اني شسوي بالذهب لو صار شي بجهالي
فدوه مازن بيعهن دين ورجعهن من يشتغل المحل
عاد عمتي العصر باعتهن
بس هم برخصان كلشي رخيص بذاك الوكت
لان الناس تشتري اكل ومتخوفه
مرت ايام وايام بده يشتغل المحل
والامور ترجع طبيعي شويه شويه
عمي رجع يداوم
وعمتي هم
زيدوا الرواتب بدت تتحسن وضعيتنه بهاي السنه
مازن قدم ع تعيين ب وزارة النفط
كال اتعين احسن
لان رواتب النفط بدت تصير زينه
والعصر اشتغل بالمحل
بسرعه طلع تعينه ماكووشهر وطلع
بده يداوم
اني حسيت اعراض حمل بدت عندي
رحت للدكتوره كالت حاملةابداية الشهر الثاني
مجنت حاسبه حساب الحمل هالمره
مازن كال رزق من الله
كام مازن الصبح بالدوام والعصر بالمحل
كمت ماشوفه هالكد
بس بالليل خطيه يجي هلكان وتعبان
انقهر هواي عليه
اكوله خل يولي المحل عوفه
يكول لا اريد اكون نفسي
عندي اطفال لازم اضمن مستقبلهم
اعوفلهم شي وراي
اسم الله عليك ليش هيج دكول
تخافين علي
ليش شعندي غيرك حبيبي
عفيه لا تحجي هيج والله اموت خوف ....
سيف رجع للكلية
وتخرج وضل يلح ع موضوع لبنى
لحد ما وافقوا
الصدك ولا احبها وجنت شايله هم شلون راح تعيش وياي كارهتها كلش
حددوا الخطبة
طبعا سيف طااير فرح
اشتره ملابس ونزل ها حلوات
كتله يخبلن عليك
عمتي كالتله هم كلش حلوات
صعد يركض فرحان
جان سيف كلش حباب طول فترة الي عشت وياهم يعاملني مثل اخواته واكثر
مايوم سمعني حجايه موزينه
ولا غثني بشي
بالعكس يحترمني ويحب جهالي
بالاخص علوش علا الي يدلعوها علوش
هاي حبيبة عيالي لان عمتي ربتها يحبوها كلش ...
ثاني يوم رحنا للخطبة
جانت لبنى نافخة روحها مثل الطاووس وماتنحجى
وشايله خشمها
وسيف طاير فرح بيها كل شويه يشاورها ويضحكون
كلت ربي يوفقهم
حتى مازن من شافهم
اجاني شنو رايج نعيد امجاد حبنا
نشسوي مثلا
ننزوج من جديد لو شنو
لا ادريني عود اني عريس جديد
ههههههههه والله عدك سوالف
ضحكت
خزرتنا لبنى
عبالها اضحك عليها مادري شنو
كال مازن هاي شبيها منو يمها هسه
كله منك خليتني اضحك
اكيد اخذت عليها
شكد عيب من سيف
لا معليج اني اكله ردت اعرس اني وغفران وضحكت .....
