بارت صغير هدية الكم
#غفران
البارت الرابع عشر
للكاتبة ام مصطفى
طبيت وحضنتني بيبي يمةة هله بيج غفره
البيت اضلم بدونج
جواد اجه شبكني اول مره اعوفه يومين من جابته امي لهسه هو بخضني
ها بييبي شلونج
زينه يبعد عمري
انت شلونج خياتج شلونها زينات ويسلمن عليج هواي هواي
طبت نهلة
هله بغفران شلونج حبيبتي الج وحشه
باوستني
كعدت يم بيبي
تسئل ع خواتي
واحجيلها تالي سئلتني ع لينه
كتلها حبله
يعععع شني زغيرونه
ماادري بيبي بس رزق هو الله يكومها بالاسلامة
من عساها لا كامت كون هالحية
شمالج تضلين ماعدج كلب انت
نسيتي شسوت بيجن
بيبي الله يشوف وهو ياخذ حقنا
ليش اصير مثلها واحقد واتعارك
الله بالمرصاد للبشر
اي والله بيبي يمن فدوه لحلكج
بقينا نسولف
تالي كمت وي نهله عيب منها تغسل مواعين وحدها
عاونتها ونضفت المطبخ كله وياها
عمي هو مازن بالديوانيه
كالت خل نسوي عشه عيب الهم
خوش
شعدنه
سمير جاب دجاج ونكعته بخل من الظهر
كلت نسوي دجاج مشويى
اي خوش
جا راح اسوي الحشوه انه
حتى اشويها بالتنور
حشيتها وطلعت اشعل التنور
رحت الم جيمة للتنور
شفتهة كاعد يرسم
تقربت منه
شترسم
رفع راسه
ارسم غروب الشمس
شوفي المنظر شلون حلو
اشرلي ع الشمس صايره برتقاليه وضاله نصها ٠ وجاي تغرب
ابتسم
شلونج
زينه
بعدج زعلانه مني
نص ونص
ها
عدج مجال نحجي
لا موهسه ارد اجيم التنور
راح تخبزين
اي
اموت ع خبزج يخبل
هناك كلش اشتحي الخبز مالتج
عود من تروح اخبزلك واخذ وياك
اروح اخبز
دنكت ع جذع يابس اخذته
غفران
التفتت علي
هواي احبج
ابتسمتله وانه هم
رجعت كلي نشاط
جمرت التنور وخبزت خليت الخبزه اتفح وتكسب ع كيفها
شويت الدجاجج ع طريقتنا
و وصبيت الهم العشه
دجاجه الي والبيبي ونهله وجواد
ودجاجه جدي ومازن وعمي كلوها
طلع جدي صاح شني من اكل شكد طيب
وعمو كال عاشت ايدج ع هالدجاج
الف عافيه عمو
حتى مازن يكول ماماكل هيج دجاج بحياتي
بالعافية عليه
تعاونت وي نهله نضفنا المطبخ
مر يوم يومين
ماكدرت احجي وياه دوم عمو يمه
تالي كعد يرسم شفته من بعيد
وعمو اخذ نهلة لهلها
وجدي طلع للكاع الثانيه مالته
بيبي نامت تلفلفت ونامت من البرد
كتلها انه رابحه ع الشط بيبي ضايجه
روحي جده وانه راح اخذلي غفة
عدلت روحي ع المراية
ومشيت بس ارجف وادعي بكلبي كون اصير قويه واعرف احجي
وصلت يمةة
مازن
رفع راسه ها غفوره
شنو شردت مني شجاي دكول
رايحه ع الشط اكعد
زين لعد جاي وراج
مشيت وهو وراي
نزلت ع الشط حتى ماانشاف وكعدت كعود
وهو ضل كاعد فوك
كول مازن اسمعك
غفران اني اسف لو اذيتج وجرحتك
انت ماطيتيني مجال افهمج
صدكي اني ماجذبت من كتلج احبج
صدك حبيتج شلون وليش ماادري
بس ادري طيفج مايروح من عيوني
متروحين من بالي واشتاقلج هوايى
فكرت هواي ووصلت لقرار ازوجج
صارلي سنين ادور ع انسانه صادقة
من شفتج كلت هاي الي اريدها رغم
كل الفوارق البينه قررت اتحدة كل الناس وازوجج
صدك مازن
اي صدكي
يعني انت تحبني مثل ماانه حبيتك
واكثر
فدوه لا تجذب علي
قسم بالله ماجذبت عليج
انت بنت اخ صديقي الي فاتحلي بيته
مافكرت بيوم اخونه
ولا يصير كل الي صار
غفوره راح ارجع للبيت واجيب ابوي
وامي وجي اخطبج
طرت فرح من كال هيج
مااصدك يربي واخيرا راح افرح
.......(مازن ).....***
اني مازن مواليد ٧٥ من سكنة بغداد
خريج كلية هندسة معمارية
عايش بالكرخ
ابوي موضف ع كد حاله
وامي معلمة
عندي ٣ اخوات وحده متزوجه جيهان
واثنين يدرسن معهد معلمات انوار
وتبارك
وعندي اخ مواليد ٨٢ اسمة سيف
تعرفت ع صديقي سمير بالكلية
وصرنا اصدقاء
الخلص العطل كلها يمهم
ناس كرم وطيب واخلاق ناس مستورين
وبسطاء
كل فتره اروح الهم
الى فد يوم جنت ارسم
طبعا هوايتي الرسم من الصغر
ومااحس اله طابوكه ع راسي
رفعت راسي اشوف ابنيه
شافتني وخدودها صارت حمر
وركضت مثل الاطفال
ههههه ضحكت ع تصرفها
حتى ماعتذرت
شويه واجت الحجية تتعذر
كالت هاي بت ابني
وضلت تمدح بيها يمي
بعدين
طلعت وي عمتها يردن يرحن للسوك
شافتني استحت
اخذتهم اني وعيني عليها ماشالت عينها
ضليت اراقبها
نزلت ارتبكت وعثرت ووكعت
متت ضحك عليها بعدين انقهرت
شكلها فقيره وع نياتها وتستحي هواي
ضلت ابالي وتونس ع تصرفاتها الطفولية
رغم تصرفاتها طفوليه
بس جانت شاطره اكلها وخبزها اله نكهه خاصه
الحجيه كلما تشوفني تمدح بيها
جنها تلمحلي عليها واني مغلس
الى ان انتبهت ع نفسي اراقبها
وافرح من اشوفها
ومن ماكو ادور عليها
سبحان الله انولد حب بداخلي الها بسع بسع
رجعت لهلي واني ماتفاركني
وافكر بيها ع طول
مر اشهر ومانسبتها
الى ان خابر سمير يعزمني
ع عرسة
فرحت لان راح اروح واشوفها
ورحت وشفتها
وكتلها احبج
كمت من اشوفها مااقاوم نفسي
احسها سحرتني
بس من كالت ع الزواج
تفاجئت مااعرفت شلون احجي كتلها ماافكر هسه بالزواج ولا مواعدج بيه
عافتني ورحت تمشي مكسوره
حسيت كسرتها
انوب تمرضت متت قهر عليها
كرهت روحي ليش هيج سويت
وعفتهم ورجعت
وهم مانسبتها
ودمعتها متروح من بالي
ماحسيت اله اخذ هدومي واروح للعماره
احبها اريدها هاي البنيه سعادتي وياها
مو مهم كلشي غدي
اعرف اهلي راح يعارضون
بس هاي رغبتي وهذي حياتي
صالحتها ورجعت للبيت
قررت افتح الموضوع وي اهلي
واخطبها
وللحكاية بقيه
ام مصطفى
