#غفران
للكاتبة ام مصطفى
البارت الخامس والعشرون
يابه شجاي دكول
سيف فوت جوه للغرفة ونام يم مرتك وجهال اخوك
بس مو هيج اتفقنا
السيد كال العقد يبطل اذا مايوصل الها
ماكو هيج شي هذا انت دكول
شوف سيف من اليوم غفران زوجتك امام الله وامام الناس كلها
اريدك تعاملها مثل ماتعامل راح لبنى
هاي مرتك واللها وحقوق وواجبات عليك
مو باجر تجي لبنى وتهملهم
اني اريد اطمن عليهم قبل لا اموت
اخاف بس اموت تطشرون
وماتسئل بعد بيهم
يابه ذول جهال اخوي شلون مااسئل بيهم
الكلام راح يختلف من تزوج مو مثل هسه
راح تجي مرتك وتتنحس يجوز منهم
وتصير مشاكل
لا لا اني اتفاهم وياها
وجندوب
الاحسن من هسه تعتبرها زوجتك والها حقوق يمك
حتى مرتك لو اجت متكدر بعد تحجي تعتبرها حالها من حالها
يابه كافي راسي انسطر تعبت
ياريتني اني ميت ولا مازن
كام يضرب راسه بالحايط
تريدني اهج
سيف بابا مطالب منك شي بس اريدك تصير سند وضهر لجهال اخوك ولهاي اليتيمة
اريد اضمن حقوقها قبل لا الله ياخذ امانتة
هسه شتريد مني
منا وهيج تنام بغرفة اخوك
اخخخخخ صعبه بويه والله صعبة
كلشي باوله صعب بعدين يصير عادي ونتقبله لان مجبورين عليه
افوت انام يمهم بس مرت اخوي مااتقرب الها
انه هسه مااجبرك
بس يجي يوم وانت من وحدك دكول هاي مرتي
بويه مرت مازن هاي لا دكولها تره تاذيني جاي
هاي مرتك ولو ازوجت اعدل بينهن
يوم هنا ويوم هناك
مصرف الهاي ومصرف لذيج
ومنو يكول لبنى راح تقبل لو تبقى تزوجني
اذا تحبك راح تقدر وضعك
الله كريم يابه يصير خير
فوت هسه ابني لا تشلع كلبي اكثر من ماهو مشلوع فوت نام يم مرتك وجهال اخوك ...
فتح الباب وفات
اني جنت اسمع وابجي
جانت غرفة سيف كبال غرفتي فوك
من فتح الباب
بقيت ع كعدتي بس كمت ارجع ليوره بخوف واباوع ع سيف
جان بس كلوب خفيف مشتغل
وجهالي نايمين
رجعت ليوره خايفه لا سيف اني مرت مازن
كال غفران افرشيلي فراش بالكاع
اني مجبور اسوي الي يريده ابوي
يعني شنوو بس اني مااتقبلك اكتل نفسي ولا تجيني
لا فهمتي غلط ويمسح بكصته
اني راح انام يمكم بالغرفه بس
رحمه ع والديج لا تصعبيها علي انه ميت صاير وبيد المغسلجي
ابوي يجيبني هيج ويوديني هيج
سايرته وكتله انام يمهم
حطيلي فراش خل انام ان شاء الله مااكعد ابد
كمت فتحت الكنتور طلعت دوشك ومخده
فرشتهن بالكاع
نام عليهن بملابسه
واني صعدت ع الجربايه بس مانمت الليل كله اتكمز اخاف
يوسوسله الشيطان
اشوفه يتكلب ع الفراش ويجر حسرات
يربي شيخلصها
كال غفران كافي تتكلبين نامي
لا تخافين ميصير الي ابالج
استحيت منه وماتحركت ابد بعد
مدري شلون غفيت من البجي والطريق والقهر راسي خوه
ونمت غصب عني
ماكعدت ع صوت عمي يحجي مدري ويامن
بعدين سمعت صوت لبنى وينه وينه
وعمي يصيح عليها بويه ع كيفج
بسرعه كمت
خليت حجابي ع راسي
بدة يقرب صوتها صعدت
نزلت من الجربايه كمز سيف ع صوتها
سيف سيف لك سيف
اباوع ساعه عشره الصبح
فتحت باب الغرفة
صارت بوجهي جانت عيونها وارمة بجي ومقهوره كلش
صاحت حقيييره الله لا يوفقج
طلع سيف من الغرفه وراي
باوعتله بصدمة
وتبجي
ليش ولك ليش هيج تسوي بيه
لبنى ع كيفج فاهمه الموضوع غلط
شنووو الغلط كلي والك متزوجها
ونايم وياها بالغرفة وينه الغلط
ليش سيف تسوي هيج مفكرت بيه شيصير بحالي واللك مو اني احبك
والله اني هم احبج لبنى لا تسوين هيج
وينه الحب كلي وينه شنو ذنبي هيج تسوي بيه والك اني متت راح اموت الليل منايمته بس ابجي
وانت نايم بحضنها
اه كعدت بالكاع وتبجي
وهو تخبل عليها ركض كعد بصفها لزم ايدها يبوس بيها
لا تسوين هيج عساني ميت ولا هيج اذيتج
بس افهمي والقران غصب عني
وتره ماصار الي ابالج
مجرد حبر ع ورق
سيف طلكني شنوو طلكني
لج انت لبنى حبيبتي حبي الاول والاخير
شنو اطلكج ماصدكت خطبتج وعقدنا
لبنى انت هسه عصبيه
وكلشي تسويه وتكوليه حقج
اهدئي واحنه نحجي
مااهدء ولا عدنه بعد حجي
اذا تحبني طلكني طلكني سيوفي
والله يوفقك بحياتك
بعد خلص البينه انتهه
شنو انتهه
مو بكيفج
جانت اكو سندانه يم باب الغرفة شالها وطكها بالكاع
لا تكولين هيج لا تخبلوني كلكم علي
شصير اني حسوو بيه ولكم
يهود وواكع بينكم اني
