المقدمة
يقولون القدر يُرسل لنا في العمر حبيب ليكون العشق الأول والأخير، والحب الحقيقي فقط هو الذي يتخطى كل الصعاب..... فهل يتخطى عشقهم الصعاب، أم للقدر رأي آخر؟؟؟...
رواية جوري (الوردة الحمراء) - بقلمي منى سليمان
تحول العمل إلى رواية ورقية في نوفمبر...
تنهد بحرقة ثم نظر إلى عينيها للمرة الأولى منذ سنوات عديدة من الفراق وتابع
- عايزاني أسامحك على أنك حرمتيني منك ومن البيت الهادي اللي كنت عايش فيه، ولا على إهانة زمايلي زمان ليا ومعايرتهم ليا أن أمي زانية وأبويا مش راجل فأمي دورت على غيره، ولا عايزاني أسامحك على خسارتي لمراتي وابني اللي لسه مجاش الدنيا، عارفه بسببك وصلت لفين؟ وصلت لأني عايش بقالي خمس شهور هنا في وسط الأموات لأني ما أفرقش عنهم كتير، أنا موت من زمان أوووووي من يوم ما رجعت البيت أخد كراستي ولقيتك عريانه في حضن أعز أصحاب أبويا
تلألأت الدموع داخل عينيه حينما تفوه بكلماته الأخيرة فخانته دمعة وسقطت بمجرد أن تذكر لمياء فأكمل حديثه بصعوبة
- أنا موت من يوم ما لمياء بعدت عني لأني بني أدم مريض، بدل ما أحاسبك على خيانتك لأبويا حاسبتها هي وضربتها هي وشكيت فيها هي، لما حبيتها أفتكرت أني هرجع أعيش زي أي إنسان طبيعي بس للأسف السواد اللي زرعتيه بأيديكي جوه عقلي وقلبي دمر كل حاجة ووصلني لهنا
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
