جبروت_الحنين
بارت ٥ ...
نورا ناصر
تزدحم الاماكن وتتكاثرالوجوه
وانا يايقيني كاالاعمى لاارى سواكِ
حين انظر الى قزح عينيكِ
يصبح للنبض معنى اخر
جعلتُ قلبي لكِ كالنهر
لترتوي منه كلما اصابكِ الضمىء
ارويكِ امان يايقيني
وترويني انتي جروح
ولكن قالو الحب لايكتب على الحجر لانه يكسر
وانا اقول لكي حفرت حبكِ بصخرة قلبي.
فلا يكسرها شي ولا يمحوها شي
تماديتي بااحلامكِ ونسيتي ان القدر
مكتوب ومختوم
وانا اقول لكي
وان اشتقتي لي يوماً يايقيني
تذكري انكِ انتي من خذلني ••!!
الخاطرة بقلم الكاتبة المبدعة داليا المسلم Mosilm_AL
بس كال هيج بشير ، نطت نجية وصارت كبالي صفكت ايديها وغمتني ، نزلت عيوني للارض ومتلأت دموع وجسمي كله ظل يرجف .
صاحت بيه بصوووت يرعد: ولج تحايلين ابني عليه ها يمكموعة ، تريد تهجم سحبها بشير من ايدها بقوة وصاح بوجهه بصوت عالي كلش .
_ يممممه مووو هيج تعالي اهدي ..
وهيه مانطته مجال ظلت تضرب على صدره وتصيح _ ولك مو انت بعينك شفتها تباوع للولد وصحت عليها هسه صرت وياها عليه بس كلتلك حجايتين اجيت تنتر بيه ها يبن بطني ها ها وتدك على صدره ..
بشير .. غمض عيونه وجر نفس بنفاذ صبر
بنبرة هادئة : يوووم اني سمعتج مو هيه كلتلي لا تهميهه باطل سمعتج بهاي اذني لا مرة ولامرتين كافي عاد ، مو بيتنه بنص السوك الناس يسمعوج شيكولون .
مشيت وعيوني ع الارض فتت من يمهم وهيَ فلتت نفسها من قبضة ابنها تريد تكمشني وتهجم عليه ..
باوعت لبشير وعيوني كلها دموع
انطاني نظرة مطمئِنة ورجع لزم امه بقووة عن لاتهمشني.
رحت اركض للغرفة اشتياق جانت واكفة بالممر وايات جوة .
دخلت اريد اسد الباب شفت امي جاية وراية وتريد تفوت للغرفة عفت الباب ودرت الها ظهري وكفت بنص الغرفة ..
خليت ايدي على حلكي وابجي واشهك واكتافي تصعد وتنزل ، يربي ليش يصير بيه هيج لييش ؟
ايد انحطت على اكتافي حسيت بدفوها وحنيتها انداريت عليها وحضنتها ، امي ظلت تبجي وياي كعدنا بالارض خليت راسي على اكتافها .
وهيه تصبر عليه .
حجت والغصة خانكتها
_ شبيدي عليج يايمه وين اوديج حكم القوي تحملي شسووين بعد .
وخرت راسي من على اكتافها
كتلها بس تجي عالية اروح يمها .
ربتت على كتفي بحنية وخلت قسم من خصلات شعري ورة اذني
كالت اي زين تسوين على ما الله يفرجها .
دخلت اشتياق .
اشتياق : انتِ شبيج يومية مشكلة احنا هم بزعنا وامي راح يصير بيهه شي من وراج .
رفعت راسي باتجاهه
_ شسويلهه والله هيَ تتحرش .
_ هيه تتحرش !!! بكدج هيه مرة بكد امج سايسيهه جامليها لاتجادليها وتراددين .
