جبروت_الحنين
بارت ١٦
نورا ناصر ....
كان كأنهُ اسدٌ ناعس
اردا ان يغمض عيناه لينعم ببعض السلام
ربما اتعبهُ ضجيج الحياة واراد ان يلقي ثقلها على ذلك السرير الذي يكسوه البياض
ربما اردا غيبوبة تُنسيه ذلك الحزن الكبير
وربما تعب من ان يكون على قيد الحياة ...
لقد تحطم قلبهُ
واحترق ذلك الفؤاد
فأصبح شُتاتً في شُتاتً في شُتات...
بقلم المبدعة alsamaraea
هاي وين تحجي واني وين افكر ببشير لو بامجد وايات ومدري شبيهم ..
جاوبتها : لا واالله ضروفي كلش صعبة واعتقد مراح اكدر اداوم هالسنة ..
_ صدك تحجين؟؟ وعلى شنو؟؟ ترة هذا مستقبلج وبعدين هو مو زوجج مجرد حجي ومصار خطيبج رسمي حتى تعتزلين العالم علموده داومي وعيشي حياتج .. .. .. .. .
كلت بقلبي هاي والله بطرانه ومتعرف تحجي ....
اريد اخلص منها لان صدعت وراي اريد اروح الزم ايات ...
كتلها : حبيبتي بالتوفيق الج ان شاءالله .. وسديته منها ..
رحت ادور على ايات واصيح بالبيت ..
ايات ، ايات ...
لاكتني خالة نجية .بباب الهول . باوعت بوجهه
خزرتني ورفعت حاجبها اليمين ..
كالت : شبيج تجوعرين جنج صخلة طاكة بلاعيمها ؟؟ كولي عالم تريد ترتاح كولي خالي نايم حسبي حساب لبشر تعبانين ..
همست : بلله هسه هاي شحجي وياها واني طاكة روحي؟ جريت نفس بنفاذ صبر
كتلها: خالة ادور على ايات ..
فرت بيدها .. كالت عبالك ايات ضايعة ودورين عليها روحيلها هناك بغرفتها ..
اي خالة ادري .. جاوبتها
مدام تدرين ليش جوعرين .. ولا تكعد راحة حنان الفتلاوي ..
يلله خالة من رخصتج .. عفتها ومشيت وافر بيدي
فتحت الباب على ايات جانت مخلية حنين بحضنها وترضعها ومبينة دتبجي ..
سديت الباب وفتت .. كعدت كبالها ارتبكت تجاهلت نظراتي وظلت تمسح بدموعها ..
حاجيتها بحدية وبنبرة تهديد :.. احجي شكو وشعندج ويا ها احجي اسمعج . .
ردت بنبرة كلها غصة : والله ماكو شي شبيج عبالج اني ماتعلمت من الدرس الي لقنه الي هالحقير بس اني لازم اكول لخالو عليه هسه لو بشير صاحي جان كتله ..
ضربت براحت كفي على فخذي .. تمتمت غير تحجي بعدها عليت نبرتي لج احجي شسوالج .. ؟؟
ايات : باعي طلعت من المطبخ رحت شريت الوصلة مالة المسح ماحسيت اله ايد انخلت على حلكي وايد على بطني طوقت خصري وسحبتني ..
وبسرعة صفني على الحايط ورة البيت ..
باوعتله امجد ظليت احوس احاول ادفر بي اريده يفلتني ما اكدر ..
