جبروت_ الحنين
بارت٤٣
نورا ناصر ...
تضطر احياناً الى وضع نقطة مؤقته
في علاقة ما ......
الى حين ان يعي الطرف الاخر
بقيمة كل الفواصل التي وضعتها سابقاً
*********************************
شال البطل وركعة بالكاع وصار بصوت زلزل كل كيانه وبس اكتافنا تتحرك من هول الصدمة والرعب ..
_ ولج شنوووو هاييي انوب عليه سحورة يا ادب سز ..
رفعت اصبعها بترجي وتحجي بتوسل وخوف
_ والله بس مرة وحدة خليت وبعد توبت والله ..
صاح عليها بصوت كلش عالي ومعصب
_ اسكتي ما اسمع صوتج اسكتي ..
كوة جريت خطواتي وتقدمت باتجاهه
لزمته من ايده وبنبرة توسل حاجيته
_ فدوة ماجد اعصابك ليصير بيك شي ..
باوعلي بقهر ونزلت عيني منه خجلت واستحيت جنت حاسة بهاي التصرفات بس ماحجيت مادري شنو الي ربط لساني ..
حجه بهدوء بس انفاسه متسارعة
_ جنتي تدرين انتي بهاي سوالفها ؟
رفعت راسي اباوعله بترجي
_ والله ماشفتها من خلت الك ماشفتها بعيني ولا هيه كلتلي شنو هذا ؟
_ مو طول الوكت كدامج بالكاونتر مشفتي مسالتي شنو هذا ؟
هزيت راسي برفض والله ما انتبهت والله ماجد ..
رجع على جيهان وتقرب منها وصيح
_ ولج منو علمج على هاي السوالف منين تعرفيها صدك ام علي علمتج ولج انت اول تالي تسوين هيج ؟
بقت جيهان تدك وتلطم وتبجي ..
باوعلها وشرار الغضب يتطاير من عيونه وتكلم بنبرة تهديد
_ اني اعلمج جيهان بسيطة وين تليفوني خلي اخابر ابو علي ..
ركضت جيهان من مكانها وشمرت روحها يم رجلي
وظلت تبوس بيهم وتتوسل
_ لا فدوة ماجد الله يخليك التوبة شماتريد تسوي بي سوي بس لاتكول لخالي عفية ..
باوع الها وهيه جوة رجليه كلما يمشي تتقدم ويا خطواته وتبوس برجله ومجلبه بساقه ..
صاح عليه يقين وخريها من يمي لا ابتلي بيها هسه
ما اريد امد ايدي عليها وخريها ..
رحت اجرجر بيها واسحبها منه .. وهيه منهارة وتبجي وتلطم على وجها وتمتم بكلام مو مفهوم ..
سحبتها لغرفة الجهال بس فتت شفت الوة تصرخ و تبجي وهيه بسريرها ، رحت ركض اخذتها وايدي وجسمي كله يرجف وصوت ماجد وصياحه يوصل النا ..
اخذت الوه اريد اسكتها مكدرت تباوع لجيهان وتبجي
جيهان مستمرة تلطم وتبجي وتكول راح يطلكني ماجد الله لاينطيك صحة وعافية عبيد ..
محمد ويوسف كاعدين ع الكاع ومددين رجليهم وملامحهم كلها خوف ، عيونهم حمرة والدمع يلمع ويلالي بيها ..
