جبروت_الحنين
بارت ٢٦
نورا ناصر .....
من شفته انخلست اطرافي انشلت بيدي مصطفى احس راح يوكع مني ..
اليوم محد يشفعلي .. شسويت بعمري اني .. مو هيج العناد حسيت بخطاي بس جنت هواي معصبة منه لان ضربني البارحة ..
من بين اسنانه المطبقة كال فوووتي ..
فتت خطوتين طبك الباب وراية بقوة ....
سحبني من عكسي .. ودارني اله ..
صاح وين جنتي !؟؟
بوسط ارتجافة اسناني نطقت مو كتلك رحت القح صوفي ..
بنفس النبرة وليش وحدج وشسوين ويا هذا الزفت !!؟؟
كتله اسماء مقبلت تروح وياية وامي عدهه رؤى متكدر تروح ..
التاف على باب الهول وظل يصيح اسماااء اسماااء تعاااي وينج ..
دخلت اسماء من باب الهول ووكفت .. كلتله ها بشير تصيحلي ..
تقرب يمها خطوتين .. وصاح بوجهه بعصبية ..
ليش ماقبلتي ترحين ويا يقين للمستوصف وليش خليتيها تروح وحدها !!؟
اسماء تكلمت بنبرة عصبية : وهيه غير تحجي قبل يوم جايتني من الصبح شلحك احضر نفسي ..
يمكن بهالحظة مكدر يسيطر على غضبه ووصل بي حد الانفجار وملكه غير اسماء كدامه .. ضربها راشدي كلش قوي بحيث اختل كل توازن وقوفها ومالت ولزمت بالحايط ..
بدخلة امي للهول لزمته من ايده كلتله ليش هيج عمه ليش تضرب اختك عرضك هاي ..
التاف عليه وتجاهل امي .. اخذ مصطفى من ايدي وانطاه الها ..
سحبني من عكسي بقوة حسيت راح تنشلع ايدي من مكانها .. وهو يسحلني على الدرج ..
صعدني للغرفة طببني بيها وسد الباب .. اول مادخلنه ضربني راشدي حسيت صفحة خدي انشلعت واذني صفرت واسمع بس وشة ..
صاح بصووت عالي شسوووين ويا هذا الزفت هاااااااا .. شعندج وياااا
بخوف ورجفة وايدي على خدي .. كتله ماعندي شي شافني يم الباب وصلني للمستوصف ماطولت نص ساعة لقحته ورجعت شبسرعة سويت عندي شي ويا ..
كال وين تليفونج .. شمرت عليه الجنطة ..
كلبها ووكعت منها كل الاغراض ووياهم تليفوني ..
اخذه من الكاع وظل يدوس بي .. شمره عليه انضربت بي يم حلكي لزمت حلكي حسيت طلع دم منه .. ووالتليفون وكع بين ايديه ..
صاح بصوت عالي ويضرب بيده على ميز التواليت ..
خلي الرمز وفتحي التليفون ..
تذكرت الفيس بعده مفتوح راح تصير المصيبة ٣ مصايب مدري اربعة طالعة وحدي لابسة عباية اسلامية وويا جلال وهسه فاتحة فيس ..
رفعت راسي بوجهه اريد اتملك ولو القليل من القوة ..
كتله بصياح شنوووو انتَ تشك بيه ترة مسويت شي غلط لا تتهمني باطل لقحت ابنك وجيت وخلص سد الموضوع شدعوة راح تاكلني ..
