قصة جبروت الحنين

البارت ١٤

جبروت_الحنين
بارت ١٤
نورا ناصر

يقين : حسيت حتى النفس ضاق بيه ومجاي اكدر حتى اجره وادخله لرياتي ..

اشووف بشير محتار بيه وخايف عليه ..
اخذني من خصري ورفعني عن الكاع ..

خلاني على القنفة .. نمت صفح وكوة متحمله الالم عبالك رصاص وجاي يدخل لبطني ..

خله ايده على راسي بحنية .. كال هسه اروح اكعدهم وناخذج للمستشفى ..

لزمت كف ايده كلش قوي .. كتله راح اموووت والله ..

احتضن خدي بكف ايده .. كال لا اسم الله حبيبي لتكةلين هيج هسه ناخذج للمستشفى وتصيرين زينة ولج والله ماكدر اتركج بس لازم اروح اكعد الولد ياخذونه للمستشفى ..

بس هزيت راسي وعضيت شفتي من الالم ..
راقبته يطلع من الصالة واني لازمة طرف القنفة حيل عصرته اريد اطلع الالم كله بهاي الزمة بس مجاي اكدر اتخلص منه ..

بعدها اخذوني للمستشفى وبعد تشخيص الطبيبة
كالت اللتهاب الزائدة الدودية وضروري عملية ..

لزمت ايد بشير واني نايمة على السدية وابجي
لا عفية بشير ماريد اسوي عملية ونبي اخاف رجعني للبيت اريد امي يمي فدووة ..

دنك وصار بمستوى السدية ..
لج لتخافين ماكو شي والله يبنجوج وماتحسين بالم
اني هم مسويها قبل شوفي
ورفع تشيرته يشوفني ...

_ ماريد ماريد بشير رجعني عفية اخاف اخاف ..

خله ايده على راسي يمسح عليه بحنية
ولج ميصير تتأخر العملية تنفجر ببطنج ضروري يستأصلوها
ظل يهمس وكال حبيبي صيري قوية اني وياج لتخافين .. ...........

دخلوني لغرفة العمليات اول ما بده البنج ياخذ مفعوله عيوني صارت تغمض وحدها ردت اقاوم ماانام ردت ابجي بس حسيت النوم يسحبني ..

بعد ماحسيت الا وحده متوليتني راجديات مسويه خدودي بوتوكس ..

لحد ماحسيت عليها كلتها واني شبه واعية ..
ها يالله سوويتوا العمليه؟؟

كلتلي اي خلصنا خلصنه ..

اخذتني وطلعتني شفت كبالي بشير وجنة الحجية ام حسين وفاء ظلوا يحجون وياي واني احس بكلشي واسمع بس مابيه ارد عليهم احس نفسي ثكيلة وبغير عالم حسيت بثكل مااكدر اتحرك وارد ...

خلوني على سرير المستشفى واني بين الوعي واللاوعي ..

واخيرا حسيت اني بكامل وعيي .. وعيت واشوف بشير لازم ايدي يبوس بيها ويضحك ..

سحبتها منه حاجيته بعصبية ...
كتله شبيك هو اني وضعي مال ضحك ...

وهو بعده يضحك .. طلع وبقت يمي وفاء جنة الحجية ..

تقربت مني كالت انتِ وبشير مخطوبين ؟؟

اني ارتبكت حييل كتلها ليش ؟هو كال الكم ؟؟