جبروت_الحنين
بارت ٢٧
نورا ناصر ..
ياهوسا يقتلني ، يا وجعا يؤلمني
يا لهيبا يفتك بي ،
ازحني عن دمارك
اشعر وكانك تخنقني بيديك
ترمي اوجاعك عليه لتعذبني
وانا غارقة في حبي اليك
ولاقدرة لي على انتشال احلامى الساذجة
من بين حطامك غارقةً أنا حد الموت ، قلبي ضرير ، روحي يتيمة .
لا استطيع تهدئة براكين روحي المتفجرة في زحامك
متى يشفى منكَ فؤادي المعذب
الى متى وانا اتلظى بنارك التي تحرق جوارحي ..
اطفىء لهيبك وارحمني .. (بقلمي)
لزمني من عكسي كال يلله امشي وياي للبيت ..
صيحت بوجهه مااريد اروح وياك وخلي ابالك تطلكني يعني تطلكني ..
طلع محمد من البيت كال صدك جذب جاي تتعاركون بالشارع امشوا دخلوا جوة وظل يلزمهم من اكتافهم يريد يدخلهم ..
جلال : لا تعذرني محمد مادخل مايشرفني ابقى ويا هيج نماذج بنفس المكان ما اتحمل ولا دقيقة ..
تقرب منه بشير ولزمه من ياخته ومن بين اسنانه المطبقة بعصبية كاله : ابتعد عن عائلتي افتهمممت ..
جلال لزم بشير من ايده الي مخليها على ياخته وبعدهه منه بعصبية : هو منو متقرب لعائلتك ه انته صدك ماتعرف تحجي .. من مرتك مريضة واستنجدت بيه حضرتك وين جنت ..
بهالحظة بشير كور ايده يريد يضرب جلال صار بينهم محمد .. واني لزمت بشير من ايده الي مكروها ظل يباوعلي وسحبها مني بقوة ..
محمد اخذ جلال ووداه للسيارة وصعدت اشتياق يمه وحرك السيارة وبسرعة شخطهه وراح ..
باوعلي بشير كال يلله امشي كدامي ..
كتله ماروح ابقى هنا وراح اخابر ماجد يجي ياخذني ...
كال هذا اخر كلام عندج ؟؟ يعني ماتروحين؟؟
كتله وبأصرار اي ....
ملامحه جامدة ابد ماتأثر برفضي ..
دار وجهه يريد يروح واني فتت جوة و اسمع محمد يكوله تعال وين رايح تعالوا تفاهموا ..
دخلت ماريد اسمع شي .. كافي عليه وجع صدري .
روحي صايرة نار جمرة موجرة ..
طبيت للمطبخ صارت كبالي عالية
كالت ها ولج شكو صياح وعياط برة شصاير
كتلها بشير اجه وتعارك ويا جلال ..
على شنووو ؟؟ شجاهم ذول ؟؟
هو بشير متهور كلش ومايتحكم بأعصابه وإلا جلال شعلي ويتعارك ويا .. الرجال سوة فضل من وداني للدكتورة ..وهو حارمني من طفلي .
عالية : يا طلابة المالها حل ..
باوعتلها بنظرة جانبية ورحت لغرفة الجهال ..
كالت شنو كلتلج الدكتورة ؟
كتلها : حجيهه يختلف عن ذيج الدكتورة الي رحت الها بالمجمع .. هاي كالت عندي اللتهاب بالغدة اللبنية وانطتني علاج عليه وهسه لازم انزل الحليب من صدري ..
