جبروت الحنين
نورا ناصر
بارت ٤٢ ..
چنت اظنك منتظرني
وسفة تاليها لگيتك
تفرح من تضرني ...
اصعب اسبوع مر عليه بحياتي كلها هو هالاسبوع
جبتها من يوم مظفر هددني بالصور لحد تهجم بشير عليه بالبيت ومعرفة ماجد بالموضوع وروحته اله لبيتهم واعتراف مصطفى الي بحبه وهسه جية خوالي وبشير وصوت صياحهم ملى اذني وبعد ما اعرف شمنتظرني ..
بقيت واكفة قريبة ع باب الاستقبال ، حظنت ملازمي قوي وجريت حسرة واني اسمع الهم ..
ماجد بعصبية ؛ لتفكر اخليها ترجع الك خاصة بعد ما دست عتبة بيتي بغيابي وهاي تعتبر اهانة الي وكعناها بعدك على سوالف المزعطة مالتك ..
قاطعه بشير بعصبية ؛ احنا جايين للصلح والاعتذار ليش تقلل احترامنا وتتجاوز.......
جاوبه خالي سعد ؛ هسه انتَ المن مخليها يمك رجعها اله ع الاقل ابو ابنها مو احسن ..
ماجد ؛ شون حجي هذا عمي هاي اختي شرفي عرضي تاج راسي وغصبا ع الخلفوني الي بالكبور اخليها عندي ..
سعد ؛ ترة هيه مو بس اختك هيه بنتنا ..
_ بنتكم !! وينكم عنها من ضربها واذاها وهانها وذلها لعد هو بس حجي لسان ..
_ لا عمي مو بس حجي لسان بس رجال ومرته يتعاركون يصالحون تبقى بيناتهم مندخل احنا ..
_ ها كتلي يعني من جانب بنتكم واذا لزمها زوجها كتلها ذبحها صلخها متدخلون والله شنو رجال ومرته
شون بنتكم لعد؟؟
اسمع عمي ترة البنات اخواتي من دمي ولحمي صح امهن بعدتهن عني بس اني ما اتخلى عنهن واذا احد ياذيهن اكتله ومايرفلي جفن...
بشير اني سكتت الك هواي وهسه مراح اسكت بعد مكافي حرمتها من ابنها اشهر بحالها هسه جاي تريد ترجعها روح شوف منو الخرب بينكم وجيب الي دليل برائتها وذيج الساعة عود لكل حادث حديث . ..
جاوبه بشير بصوت يخنقه الكبرياء ؛ انت شدتحجي جاي اكولك رايدها رغم كل شي ..
ماجد ؛ واني اكولك مترجع الك ..
بشير ؛ امشي عمو امشي هذا مبين يحب خراب البيوت ..
ماجد ؛ وهم الك عين تحجي تافه امشي اطلع برة .....
بشير ؛ طبعا اطلع قابل شسوي باقي وخلي يكون عندك علم الطفل بعد متشوفوا بس بالمحكمة ومرة بالشهر ..
ماجد ؛ لك امشي لتشوف ساكت الك بس خلي تخلص كليتها اله ارجع الحضانة الها ..
بشير ؛ هه انصحك لتابع افلام هندية هواية موزين عليك واذا على كليتها استلم ايام سودة راح تجيك بسببها ..
ماجد ؛ امشي اطلع حيوان نذل ..
سعد ؛ يمعودين صلو على محمد شسالفة جايين نصلح احنه ..
