جبروت_الحنين
بارت ٤٠
نورا ناصر
الخوف تملك عقلي حتى عجزت عن التفكيرحسيت نفسي بكابوس لعين تمنيت بكل ثانية استيقظ منه الشعور بالخوف استولى على اخر ذرات هدوئي المتبقية .....
باوعت اله وجسمي مثل السعفة من الرجيف ..
تمتمت وعيوني عليه ؛ هاي منين جبت صوري شوصلهن الك ..
كال المهم وصلن الي وغمز ..
وهسه شنو المطلوب مني ؟؟
تقرب مني واشر باصابيعه الشهادة والوسطى وحركهم
وكال كدامج خياريين ، يا تنطيني شدتين ..
كتله شدتين شنوو ؟؟ كال فلوس فلوس money
رفعت حاجبي واباوع اله بانزعاج ...
كتله اي بتساؤل ..
كال يا اما ، وظل يتلفتت يمين ويسار وقرب مني وحجى بهمس باعتبارج مطلقة وكذا تجين وياي
قاطعته كتله اسكت ولا كلمة انت مقرف مو صوجك صوجي اني الي واكفة يمك واسمع الك ، غيرة سز ان شاءالله تطلع بعرضك يا خسيس ..
جاوب بسخرية ؛ خلي يفيدج هذا الحجي ..
بعصبية ؛ اله اشتكي عليك وحتى كعدة عشاير اسويها وياك ..
ابتسم وببرودة اعصاب كال ؛ ماعندج دليل عليه ..
درت وجهي منه عفته ومشيت وافكر شوصله الصور
تذكرت بالعطلة من نطلع ابدل واخلي مكياج ادز الصور لشروق وعلياء معقولة شروق وصلتهن اله ، زين شروق ليش مختفية ؟؟
امشي وادور على علياء ، لهناك شفتها اشرت الها واجت وصلت يمي تتفحص ملامحي وتباوعلي بتركيز ..
كالت شبيج وجهج مخطوف لونه عبالك كركم صايرة شكوو شبيج ؟
جريت نفس بضيق واحس عيوني جمرة
تخربطت ملامحي وبجيت بسرعة ونار بيه مستعرة ..
كتلها ولج مظفر رجع هددني ولج عنده صوري كلها ...
_ ولج ياصور هذني الي هنانه مو حذفهن ..
_ لا غيرهن .. حجيت بتعب ، كملت كلامي ،
ولج علياء معقولة هاي شروق دزتهن اله ومتشوفيها مختفية ..
_ لا لا شروق متسويها مستحيل بس هو مرات ياخذ حسابها معقولة اخذهن من المحادثة وذيج الغبية ناسية تحذفهن ..
كعدت بعد ماتحملت ابد احس رجليه صارن خيوط ..
ضربت على فخذي حجيت ؛ والله ويسويها حظي شسوي هسه ..
_ اني اخلي علي يحجي ويا ..
_ يمعودة فكينه علي الفاهي كلشي ميسوي نسيتي هذاك اليوم من صورني بس ميحلها غير مصطفى ..
_ مصطفى منو هذا النوب ..
_ واحد متعرفي ..
_ صايرة تعرفين من وراية ولج ..
جان بالي بغير مكان حايرة وخايفة وجسمي يرجف وكلام الحقير مطشر ترن باذني رن ..
