جهزت لجين نفسها كالعادة بتمشي للشركة:عبودي هيا ياماما وقت..
عبودي خاش للمطبخ..فاتح الثلاجة ويحط في تفاحة في شنطته...
لجين: شن ادير عبودي؟!
عبودي: بنحط فطوري أني وجنى
لجين: هههههه باه غير هيا جنى اللي ذاهبتلك شيرتك 😁
حطت لجين عبودي في روضته وبدل ماتمشي لشركتها...مشت لشركة همام...
السكرتيرة: استاذ همام...مدام لجين لبرا تبيك
رفع همام راسه متفاجأ: نعم 😳
السكرتيرة: ندخلها!!
همام: اي اي أكيد...
لجين: صباح الخير
همام: صباح النور...تفضلي
قعمزت لجين وحطت اللاب توب ع الطاولة:معليش جيت من غير موعد...بس نبي نعرف لوين وصلنا معاش في وقت...
همام فتح الدرج وطلع مجموعة اوراق: هاذم العقود اللي وقعو عليهم الشركة اللي اتفقنا معاهم بنسبة 2% 😒
لجين خدتهم تراجع فيهم : احم..احم...باه وشن ثاني
همام: معاش تقرري من راسك بدون ماترجعيلي 😒
لجين: باهي فهمنا 😒
همام قرن حواجبه: شوفي هاذم بعض العروض لشركات بيتكفلو بتجهيز الاثاث نختارو منهم مع بعض... وشدد ع الكلمة 😁...
ابتسمت لجين لا إراديا: اوكي
انفردو حواجب همام مع إبتسامة لجين...وابتسم هوا الثاني....
هما قاعدين يدرسو في العروض وأمورهم تمام..خش عليهم أيمن: السلام عليكم...اووو مدام لجين عندنا أنستي 😊
لجين: الله يأنسك...مشكور
أيمن قعمز مقابلها ومركز فيها....
انتبه همام لنظرات أيمن::خير أيمن تبي حاجة؟!
أيمن: لا والله...بس قلت نقعمز معاكم يمكن تستحقو حاجة في مجال التصميمات او حاجة
لجين: حضرتك مهندس ديكور
أيمن بغرور: ياااس 😌
لجين: كويس معناها خليه يتكفلنا بتصميم الغرف وديكوراتهم
أيمن: وأني جاهز😊
همام: مازال بدري شويا ع التصميم توا...غير خلينا نبدو نبنو
أيمن: اني حنجهزلكم كم عرض وانتم اختارو منهم
لجين: تمام ...مية في المية👍...رجعت تتصفح في العقود...ورجع أيمن لنظراته اللي كانت حتتلتهم لجين
خبط همام ع الطاولة بأيده: أيمن برا جيب الملفات اللي قتلك عليهم 😡
أيمن انخلع: أي ملفات 😨
همام: مانعرفش امشي جيبهم وخلاص 😡
أيمن وقف لانه فهم ان همام يوزع فيه : باهي تو نشوفهم 😨😨
~~~~~~~~~~~~~~~~~~~~~~~
ألاء تكلم في رشا ع التليفون☎
رشا: ياخاينة من ورايا...علاش ماقلتيلي علي فاتحك بموضوع الزواج.استغربت لما قال نهاية الاسبوع وتو روحكم بنمشو نخطبو ألاء...
ألاء: وعلاش بالسرعة هاذي أني مازال مارديتش عليه😓 ...والله حتي أني تفاجأت لما قالي
رشا: أصلا عارفته من زمان حاط عليك العين😉
ألاء: بس تعرفي خايفة؟!
رشا: وعلاش؟!
ألاء: في موضوع بنقوله لعلي وممكن يغير كل شي
رشا: موضوع شنو!!
ألاء: بعدين تعرفي...المهم شن صار فيك؟!
رشا::قاعدة نستنا في النتيجة..بس معاش نقدر نلحق عليكم😩...بنخش بعدك بسمستر معناها
ألاء: خسارة...والله نحس في روحي غريبة في الكلية بروحي وماعنديش صاحبات😢
رشا: ردي بالك اديري قروب نهارك بعدين 😡 لين نجيك
ألاء: ههههههه باه
رشا: تعرفي مش امصدقة بتولي مرت خويا 😁
ألاء: هههههههه ان شاء الله
رشا: تحبيه للوش؟!
الاء: مانعرفش ولا عمره خطر في بالي الحب والعشق...بس مرتاحتله ونحس في نفسي حنحبه
رشا: ههههههه كان يسمعك علي ينجلط 😁
الاء: هاذا هوا..شن بنكذب يعني 😁...هيا باي توا...وقت ع الكلية...بنمشي نغير حوايجي
رشا: سلامات...بعدين نكلمك 😘
الاء: تمام 😘
~~~~~~~~~~~~~~~~~~~~~~~
ربا: ضياء !!!
ضياء يشرب في قهوته::همممم
ربا: شو همممم هاي 😒
ضياء: معناها نعم بلهجتنا 😁
ربا: كتير مالة خلينا نطلع نغير جو اليوم...بنروح للبحر او لشي مكان
ضياء: لا اليوم بالذات مش فاضي
ربا: شو عندك 😑
ضياء: موعد مع وحدة 😌
ربا: شو 😨
ضياء: انبصر عليك😁 عندي موعد عمل مهم
ربا: مع مين؟!
ضياء: مع واحد 😒
ربا: مين الواحد هاذ؟!
ضياء:😳😳 نعم شن تفضلتي؟! من امتي هالاهتمام بمن نجتمع ومع من نتقابل 😑
ربا: ها سكتت 🙊
ضياء: شوفي ولدك شن يبلبز ياربا 😑
ربا: اووووف..علوش ليش هيك!!
ضياء: هاتي خلي نغسله إيديه 😑
قام ضياء ولده وامشي للمطبخ...في نفس الوقت وصلت رسالة علي تليفونه من رقم مسجله تحت إسم الصاروخ " شن رايك نتلاقو توا بدل 5 في نفس المكان...كافي كازا😁.. ماتتأخرش لاني حنشتاقلك ❤"
ربا: 😨😨
ضياء: ولدك هاذا واااو 😣
حطت ربا التليفون بسرعة ع الطاولة بدون ماينتبه ضياء...
ضياء: هاك شدي فرخك 😑....خدي ضياء تليفونه: ممكن نتأخر ع الغدي..تغدو انتم
ربا: اوكي 😑
~~~~~~~~~~~~~~~~~~~~~~
عزام مقعمز ع الكراسي في الكلية يشرب في قهوة ويدخن...
طلعت ألاء من محاضرتها وكانت حايسة وحالتها حالة بين الشيتات والمذكرات..
ألاء: اووووف 😣..وانتبهت لعزام امقعمز امشتله: السلام عليكم
عزام شافها ارتبك: وعليكم السلام؟!
ألاء: عندك محاضرة؟!
عزام:أه...لا لا...تبي حاجة؟! " عنده محاضرة راه😁"
ألاء: مانبيش نعطلك بس نبي نسألك علي شوية حاجات...
عزام: أكيد تفضلي...
قعمزت ألاء وقعدت تكحكح من الدخان...
عزام انتبه وطفاه: أسف...احم احم..شن اخبار قرايتك؟!
الاء: تمام...بس الدستوري صعب شويا😣
عزام: صح يبي تقعميز وحفظ..المهم لو استحقيتي اي مساعدة أني موجود
الاء: صحيت...سكتت شويا: ممكن نسألك؟!
عزام: تفضلي
الاء: انت علي صاحبك من زمان صح؟!
عزام استغرب: اي من وقت الاعدادي كنا مع بعض
الاء: باه شن رايك فيه؟!
عزام: أه... مافهمتش😕
الاء بأرتباك: قصدي هوا إنسان كويس زعما 😓...هوا صح اني نعرفه ونعرف اخته بس مش زيك انت صاحبه من فترة طويلة
عزام: وعلاش تسألي؟!
الاء بخجل: هوا يبي يتقدملي..ونبي نعرف عليه اكثر
عزام ابتسم: وباه علاش تسألي فيا أني...بالك نكذب عليك لانه صاحبي
الاء: لا لا نحس فيك إنسان حقاني ومستحيل تكذب عليا...كل البنات يشكرو فيك وفي اخلاقك
عزام ماعرفش مايرد...سكت شويا..: باه مش مفروض تتعرفو علي بعض اكثر قبل الخطوبة
الاء بخوف: شن قصدك؟! في شي؟!😓
عزام: لا لا...يشهد الله انه صاحبي ونعزه ويوقف معاي وقفة الاخ..اني قصدي الاحسن تعرفو اطباع بعض قبل
الاء: حسك خوفتني 😓
عزام توتر : لا لا وعلاش الخوف...قصدي...يعني .. انتي مش تحبيه !!!..نقولك وافقي وانتي مطمنة
نزلت الاء راسها: مانعرفش اذا كنت نحبه او لا..بس علي حسب مانشوف انه شاب كويس ومهتم بيا ويحبني هلبا الباين..
عزام كان ماسك باكو الدخان في إيده ضغط عليه كرمشه من غيظه..حاول يبان مبتسم: خلاص معناها ربي يهنيكم😊
الاء: يعني نوافق
عزام بصوت مخنوق: وافقي
الاء تنهدت براحة: مشكور جدا ريحتني...بارك الله فيك ☺...وقفت: نستأذن بنمشي للكافتيريا
عزام وقف: لا وين الكافتيريا امعبية مفرخ يعاكسو ويلقحو...شن تبي وأني نجيبلك؟!
الاء: مانبيش نتعبك 🙈
عزام: ولايهمك قوليلي شن تبي بس..
الاء: بناخد امية قبل
عزام: فطرتي؟!
الاء: لا والله..كيف طلعت..بعد تفضا الكافتيريا شويا تو نمشي ناخد...
عزام: باه استنيني اهني تو نجي...امشي خدالها شاورما ومشروب.. وكيس اصغير عباه شكلاطة ومعاه شيشة امية.: تفضلي
الاء انحرجت: بس هاذا هلبا
عزام: لا هلبا لاشي..خودي افطري...اني بنمشي للمكتبة باهي
الاء: صحيت عزام...
عزام: العفو.... والدستوري اني مصفيه ممتاز لو عندك اي مشكلة فيه كلميني
الاء: باه..مشكور هلبا
~~~~~~~~~~~~~~~~~~~~~
لجين جاها إتصال من ربا وهيا مازال في الشركة عند همام...
ربا: إلحئيني لوجي...ضياء عم بيخوني😢
لجين: شنو!! بعدت شويا علي مكتب همام: توا هاذا وقته ياربا😑
ربا: والله عم بيخوني بعيوني شفتا الصاروخ بعتتولي مسج مشان مايتأخر عليها😢
لجين: صاروخ !!! 😨باه حبيبتي غير اهدي الزعل مش كويس ليك...اني شويا نكمل إجتماعي ونكون عندك
ربا: لا تتأخري لوجي بليز 😭 حاسة حالي رح موت من الئهر
لجين: حااااضر..حبيبتي غير وسعي بالك
همام كان ملاحظ تعابير وجه لجين وحس إن في شي غلط: خير في مشكلة او حاجة؟!
لجين: أه...لا لا عادي.. ممكن نكملو غدوة مضطرة نمشي توا
همام: اوكي ..معناها غدوة مع 8 نكون عندك في الشركة
لجين: تمام....قعدت تلم في شنطتها واللاب توب بسرعة ...طاحت منها شنطة إيدها وتبزعت..
همام: ياساتر....لمها ومدها للجين: عبودي فيه شي؟!
لجين: لا من غير شر..مشكلة بسيطة في الحوش
همام: اوكي...لو استحقيتي مساعدة كلميني
شافتله لجين بااستغراب: مشكور..وطلعت
همام قعمز ع الكرسي " عليك غبي حتي أني...أصلا شن دخلني فيها عندها مشكلة والا تنحرق 😑"
رن تليفونه وكانت أمه: أيوه يام
نعيمة: همام سلم اوليدي نسيت نقولك جيب معاك عصير ع الغدي
همام: حاضر...اي حقا يام بنطلب منك طلب
نعيمة: شنو؟!
همام بتردد: أأأ..... اتصلي بمدام لجين شوفي خيرها؟!
نعيمة: وعلاش شن فيها؟!
همام: مانعرفش كانت اهني وجاها اتصال تغير وجها وطلعت
نعيمة: وأني شن دخلني حاشية خشمي في مشاكلها 😑
همام: عليا أني يانعنع 😑
نعيمة: وانت علاش شاغلك حالها😒
همام: لا شاغلني ولاشي...بس خايف يصير شي يلخبط المشروع اللي نشتغلو عليه
نعيمة: بس 😒
همام: اي بس 😒
نعيمة: خلاص تو نحط الغدي ع النار ونكلمها
همام: تي توا يام توا 😣
نعيمة: باهي قلنا 😑
همام:تسلميلي يااحلي نعنع 😘
نعيمة: 😏
~~~~~~~~~~~~~~~~~~~~~
عزام يتكلم في التليفون: أيوه علي وينك؟!
علي: قاعد في الحوش علاش؟!
عزام: اني قاعد في الكافي تعال نبيك في موضوع
علي: اوكي..ربع ساعة ونكون عندك
فعلا فاتت ربع ساعة تقريبا وكان علي في الكافي: شنج؟!
عزام: أهلين..قعمز
علي: شكله موضوع خطير وجدي 😕
عزام: غير قعمز....شن تشرب
علي: اطلبلي نسكافيه
طلب عزام النسكافيه....خدي سبسي وقعد يدخن
علي: خيرك نحس فيك مضايق؟!
عزام: اليوم ألاء سألتني عليك
علي: نعم 😕
عزام: قالتلي هوا صاحبك...وشن رايك فيه؟!
علي: وعلاش مش عاجبها الهانم والا كيف تسأل عليا 😒
عزام: علي بصراحة...انت تبيها البنت والا غير تتسلي؟!
علي: قتلك بنختبرها قبل لو طلعت تستاهل ليش لا
عزام: تحشم علي وجهك ومعاش تقول نختبرها ...لو انت مش واثق فيها او خايف تكون مش زي ماتبي خليها...علاش تكسر في قلبها 😡
علي: خاطري نعرف انت شن اللي امعصبك...في حياتك ماادخلت في علاقاتي
عزام: هالمرة غير...البنت باين عليها كويسة
علي: وانت وين تعرفها أصلا 😏...اي قولي شن رديت عليها لما سألاتك...ان شاء الله غير ماحشمتني معاها 😉
عزام: قلتلها تعرفو علي بعض وماتتسرعيش ع الخطوبة
علي: تي لا خيرك ياراجل 😣
عزام: هاذا الصح تعرف عليها واختبرها بشوي عليك 😏
علي: انت مش فاهمني..بدون حاجة رسمية مانقدرش...تي هيا رافضة حتي نكلمها بالتليفون.او نطلعو مع بعض..حتي في الكلية ماتبينيش نوقف عليها ..لكن لما ننخطبو مافيش حد يقدر يتكلم
عزام ابتسم بسخرية: اما انت غريب فعلا البنات اللي زي هاذم يدورو فيهم دوارة
علي: عزام سلم اوخي بالله خليني نتصرف كيف مانبي...سامحني بس هاذي حياتي وحر فيها
عزام وقف بعصبية: اوكي ياعلي...وسامحني ادخلت في حياتك....وطلع متنرفز
علي: عزام...تي غير تعالا ياراجل....خيره هاذا 😕
~~~~~~~~~~~~~~~~~~~~~~
لجين: ربا اهدي...أكيد حد من عملائه في الشغل
ربا: عم بتئولو مشتائتلك يالوجي شو مفكرتيني غبية 😢
لجين: أني نقول ضياء مستحيل يديرها...والله يموت فيك
ربا: ألتلك ان ضياء متغير كتير معي ومو مثل أول إلتيلي عم تتوهمي...تفضلي شوفي 😢
لجين: بس مافيش حاجة أكيدة...مجرد مسج
ربا وقفت بصعوبة: بدك تتأكدي يلا بينا
لجين: علي وين؟!
ربا: ع الكافي اللي عم يتواعدو فيه
لجين: انتي أكيد انجنيتي...تي وين بتمشي بحالتك هاذي...
ربا بحزم: لجين ازا مابدك تاخديني...رح أخد تاكسي وروح
لجين: ربا بلا جنان...قعمزي ولما يجي ضياء نفهم منه
ربا تخبط علي رجليها: هلأ هلأ بدي روح لجين...والا بئتل حالي ها 😡
لجين: 😳
ربا: يلا بدي روح هلأ
لجين: اوكي...بس بشرط نشوفو من بعيد...وحتي لو كان تخيلاتك صحيحة بدون شوشرة نرجعو للحوش ونتفاهمو اهني مع ضياء
ربا: اوكي
لجين: وعد 😒
ربا: بوعدك...بس يلا 😣
حطو علاء الصغير وعبودي عند ألاء وامشو للكافي...
وقفت لجين بالسيارة مقابل الكافي...وربا كانت تتفحص في المكان بعيونها...لين شافت اللي كانت خايفة منه...
ضياء مقعمز مع وحدة يضحك معاها....ويدردشو
ربا: 😱😱 شفتي
لجين: معقولة مش مصدقة عيوني 😨
ربا: هالحقير الخاين 😢...فتحت باب السيارة ونزلت
لجين : ربا 😱 تعالي اهني
بخطوات متتثاقلة وصلت ربا للطاولة اللي فيها ضياء وكان عاطيها بالظهر: ياخاين 😢😢
وقف ضياء بصدمة: ربا😨 شن جابك اهني ؟!
ربا ضرباته ع صدره: حقير خاين طلئني طلئني
ضياء: غير خليني نفهمك ربا 😓
ربا: مابدي افهم شي يا..... وفجأة حست بوجع غريب: أأأأأه إلحئوني 😣😣
ضياء: ربا...ربوشة خيرك ؟!😨
يتبع.........
أنت تقرأ
نسيت أنساك.
Romanceالجزء الثاني لقصة ياريتني.. القصة الأصلية موجودة ف صفحة عالفيس اسمها قصص من عالمي. #منقولة
