همام: نعم 😳..وقف بعصبية: أخ!!!! ضحك بسخرية.. لجين انتي ليش تحاولي تتهربي من مشاعرك
لجين ارتبكت ولفت وجها: انت شن تقول..مافهمتش 😓
قابلها وعيونه في عيونها وبكل جدية: .إنتي فاهمتيني كويس...والا نقولك خلينا نتكلمو بكل صراحة...
لجين واطت عيونها تحاول تتهرب: لو سمحت عندنا شغل أهم توا مش وقته 😓
مسكها من ذراعها وضغط عليه: لا وقته..أني مش خوك يالجين ومانبيش نكون خوك...لو إنتي ضعيفة وماتقدريش تعترفي...أني مش زيك..
لجين فكت إيدها ودقات قلبها بدت تتسارع بشكل مش عادي : همام لو سمحت ماتتعداش حدودك
همام بحزم : لا بنتعداهم وبنقول اللي في خاطري... صح ممكن في بداية شغلنا كنت نعتبر فيك زي الاخت لكن بعد فترة مشاعري تغيرو اتجاهك..قعدت نفكر فيك بشكل ثاني
لجين بلعت ريقها بخوف: شن هالكلام عيب عليك😡
همام: لجين ماتعصبنيش😡...انتي عارفة إني مش من النوع هاذا...مانقصدش اني فكرت فيك بطريقة خطأ لاسمح الله..فكرت فيك بالحلال كزوجة وأم لبنتي
الصدمة جمدت ملامح لجين حتي عيونها توقفو عن الرمش
واصل همام حديثه بهدوء: وتأكدت من مشاعري في الفترة اللي بعدت فيها وسافرت ..حاولت هلبا إني إنحيك من تفكيري خصوصا بعد كلامك القاسي ليا في المستشفي..لكن للأسف نسيت كل شيء بس نسيت ننساك...والبعد زادني تمسك بيك
لجين تنفسها تسارع...دقات قلبها تلخبطو...أطرافها بردو...كان تحس بشعور غريب أفقدها القدرة علي النطق او حتي التحرك من مكانها.
غمض همام عيونه وتنهد بعمق: عمري ماتخيلت إن في حد حيدخل لقلبي بعد رؤيا واصلا كنت رافض الفكرة لانها كانت مالكة قلبي كله...لكن مانعرفش كيف تسللتي لجزء من قلبي وتملكتيه
لجين عيونها دمعو...حطت إيديها علي وذانها: ساد أسكت 😢
همام قرب ومسك إيدها: لجين....
انتفضت لجين من مكانها ودموعها تبلل خدودها: بعد عليا 😢 اني قلبي لعلاء وبس ومستحيل يكون لغيره فاهم مستحيل 😢😢
انفتح الباب وكان أيمن جايب الماكلة...لجين لفت وجها وتمسح في دموعها..
همام يحاول يبان طبيعي: احم احم...ها أيمن شن صار؟!
أيمن بااستغراب: انتم شن صار معاكم؟! مش قتلي في التليفون إنك حصلت شركة بديلة
همام: أه...اي اي قعمز خلي نفهمك
أيمن: تمام
صب همام طاسة امية ومدها للجين..وبنبرة حنونة: هاك اشربي وأهدي
~~~~~~~~~~~~~~~~~~~~~~
نعيمة في المربوعة مع عزام..عندها شوي فول أخضر تقشر فيه...
جنى مقعمزة فوق سرير عزام وتكتب في واجبها...
عزام يهمس: جنى...تعالي نقولك...وشوشلها في وذنها...
ناضت جنى من مكانها خدت فول من جنب حنتها بسرعة وهربت
نعيمة : جنى ساد من الفول قلنا 😡
عطاته جنى لعزام ورجعت تكمل في واجبها...
نعيمة: هوا أنت الكبير الشارف
عزام ضحك: باه زوجوني بما أني شارف 😁
نعيمة: الصبر كويس 😒
عزام: باه يام نلبسو الدبلة بس
نعيمة: ماتقوليش خيرك ياولد بتكلب معاش في حشم شوره😒
عزام: يام مش هكي 😁 بس نبي نكلمها البنت ونتفق معاها ع كل شيء وناخدو علي بعض...هي رافضة نكلمها ع التليفون لين يصير شيء رسمي بينا
نعيمة بشماته: صحة ليها والله
عزام: يام 😖
نعيمة: عندها حق امالا شنو هاذي البنت المتربية صح.
عزام: وهاذا علاش نبيها تكون مرتي اليوم قبل غدوة.😍..صعب جدا في الوفت هاذا نلقى بنت زيها وبأخلاقها
نعيمة بقلة حيلة: خلاص خلي يجي خوك...ونتفقو علي يوم ونخبروهم
عزام بفرحة: ربي يخليك ليا يانعنع 😘
~~~~~~~~~~~~~~~~~~~~~~
كلم همام الشركة البديلة وحدد معاهم موعد الصبح عشان يتلاقو فيه..
قعمزو هو وأيمن ولجين بعد ماكلو... يكملو في باقي الشغل والتجهيزات...خصوصا إن همام بعد فترة ع المشروع فطلب منهم يوروه لوين وصلو وكل شيء صار في غيابه...
طول ماهما قاعدين وهمام عيونه علي لجين...وكل شويا يتنهد...حاس إنها مضايقة ع الاخر ودمعتها في عينها تغالب فيها عشان ماتنزلش...
سكر اللاب توب: خلاص سادنا لليوم...غدوة نكملو
أيمن: مازال الوقت
همام: خلاص المغرب قريب يأذن..لجين تأخرت
قامت لجين عيونها فيه ونزلتهم: اي صح لازم نروح تأخرت
أيمن: اوكي معناها أني نستأذن...تصبحو علي خير
تلم لجين في حاجاتها وهي ساكته...
همام: الوقت تأخر..خليها سيارتك وروحي معايا
لجين: لا مافيش داعي...بنروح في سيارتي
همام: ماتعانديش مش حلوة مروحاتك في هالوقت 😪
لجين بحزم: ومش حلوة نركب معاك في هالوقت...وطلعت
طلع همام وراها: لجين...لجين استنى إنادي فيك 😡
لجين: نعم 😒
همام: خلاص سوقي بشويا لأني حنكون وراك
لجين: قتلك مافيش داعي اووووف 😖
همام بقلة صبر : هيا قبل مايأذن علينا العشي واحنى في قولة مافيش داعي 😒
ركبت لجين سيارتها...وانطلقت بأقصي سرعة
همام قاعد يسخن في السيارة وانتبه للصاروخ اللي مر من جنبه 😁: خيرها هاذي 😳 شن كنت انخرف لداخل 😡...ولحقها...
طول الطريق وهما يتلاحقو زي الشرطي والسارق...
همام كان راقيله لان سرعتها جنونية...خدي تليفونه واتصل بيها بس ماردتش عليه...حذف التليفون بعصبية: هاذي انجنت أكيد
وصلت قدام العمارة نزلت من السيارة وسكرتها..تسمع في صوت تسطريب من بعيد...شافت لقاته همام....
وهوووووب رجليها في غمرها ركبت تجري للعمارة 😂
همام بعتلها رساله متعصب: اوكي يالجين غدوة نتفاهمو....
قعد شويا وبعدين بعت رسالة ثانية" تصبحي علي خير "
~~~~~~~~~~~~~~~~~~~~~~~~
خشت لجين لشقتها داهشة...تشوف من عين الباب بخوف...
ربا كيف بتنزل لشقتها تلاقت معاها ع الباب: ييييي شو بكي؟!
لجين انخلعت : أه 😓 لا شيء...
ربا: شو كنتي عم تركضي ع الدرج او شو؟!
لجين: لا عادي....غير تعبت من الركوب..انتي وين ماشية؟!
ربا: كنت عم باخد بندورة من للوش...بدي اعمل تبولة😋
لجين: اممممم...معناها بننزل نتعشى معاكم
ربا: اي تعي...عاملة كبة بتستاهل تمك...رح استناكم انا وضياء
لجين: اوكي ناخد دوش...ونتعارك مع عبودي شويا وننزلو
أنت تقرأ
نسيت أنساك.
Romanceالجزء الثاني لقصة ياريتني.. القصة الأصلية موجودة ف صفحة عالفيس اسمها قصص من عالمي. #منقولة
