لجين في المستشفي تبكي بمرارة...
ضياء: وحدي الله يالجين...ان شاء الله خير
لجين: لا إله الا الله... فشل كلوي ياضياء..فاهم شن معناه..ولدي اصغير شن شاف منها الدنيا عشان يخش ع الغسيل والتمرميد 😢
ألاء:باه شن سببه الفشل...عبودي عمره مااشكي من حاجة 😢
ضياء: مش عارف...والله ماني فاهم حاجة
لجين: ياربي ماعنديش غيره..ماتوجعش قلبي علي اوليدي يارب 😢
ضياء: شكله الدكتور طلع من عنده...خلي نمشي نشوف شن بيقول
لجين: استنى خودني معاك
ألاء: اني بنمشي نشوف عبودي
ضياء ولجين دخلو عند الدكتور...
لجين: خيره اوليدي يادكتور بالله عليك😪
الدكتور: ارتاحي يامدام بس...ونفهمكم...قبل كل شيء نبي نسألك..هل ولدك يشكي من جنابه من قبل او يجيه ألم جيهة الكلي؟!
لجين: لا عمره ماشكالي والا ماكنتش نخليه لين توصل للفشل بكل
الدكتور: باه وشن بالنسبة لشراب المية
لجين: تبي الحق مايشربش هلبا...وحتي دخول الحمام عنده قليل جدا
الدكتور: اها فهمت عليك..طبعا خلوني نلخصلكم الحالة..ولدك عنده اختلال في وظائف الكلي تقدري تقولي عيب خلقي...وحدة من الكليتين ضعيفة جدا وهاذي اللي فيها الفشل وضروري من الغسيل.. اما الثانية ممكن مع الادوية والمحافظة تمشي أمورها
لجين حطت إيدها علي فمها كاتمة شهقاتها: احليلي اوليدي😭
ضياء: باه لو حد تبرعله ممكن يتجنب الغسيل
الدكتور: اكيد...بس عندكم متبرع؟!
لجين: أني نتبرعله
ضياء: حتي أني مستعد نتبرع
الدكتور: خلاص معناها ضروري اديرو انتم الاثنين التحاليل اللازمة في اقرب وقت وان شاء الله تكون الانسجة مطابقة
لجين: باه وهوا يقدر يتحمل لين تطلع التحاليل
الدكتور::يستر الله يامدام..مرات نضطرو نديرو جلسة او جلستين غسيل
لجين: حرام بيتعذب 😢 جلسات الغسيل يموتو ويعيشو فيهم
الدكتور: الله غالب..هاذا هو
~~~~~~~~~~~~~~~~~~~
طلعت لجين من عند الدكتور متحطمة تماما...شافت نعيمة كيف جاية من بعيد... ووراها عزام ومعاه جنى
امشتلها تجري تعنقتها وتبكي وتشهق...
نعيمة: لجين ابنيتي اذكري الله
لجين: اوليدي ياخالتي بيضيع مني 😢
نعيمة: السو برا وبعيد عليه...غير وسعي بالك انتي
لجين: لو يصيرله شيء هالحياة معاش نبيها
نعيمة: استغفري ربك شن هالكلام ابنيتي...غير تعالي قعمزي
قعمزت لجين...مش قادرة تتكلم بعبرتها...
جنى: خالتو لجين خيره عبودي
لحين تعنقتها وتبكي: صاحبك امريض ياجنونة ادعيله...انتم الصغار أحباب الله ربي حيقبل منكم ادعيله ياجنى 😢
نعيمة عيونها دمعو: ساد يالجين سادك..عيونك اتفقصو من البكي
عزام: باه شن قاللكم الدكتور؟!
لجين: وحدة من الكلاوي فيها فشل والثانية ضعيفة..ضروري غسيل والا زراعة 😢
نعيمة::لاحول ولاقوة الا بالله...مش قلت ياعزام يقدرو يتبرعوله
عزام: اي يام عادي
لجين: بندير الفحوصات اني وعمه وان شاء الله خير
نعيمة بتردد: بس انتي ماتقدريش 😓
لجين: وعلاش؟!
نعيمة: همام قال إن لما انضربتي ودخلتي المستشفي الدكتور قاله انك سبحان الله بكلية وحدة
لجين قعد تندب وتخبط علي وجها: ووووه عليا...علاش ياربي علاش 😭
نعيمة::لجين أهدي ابنيتي...ووحدي الله عيب عليك
تباعد عزام عليهم شويا عشان يرد علي مكالمة..
همام: ايوه عزام شن الاخبار
عزام: الحمد لله بخير...احني في المستشفي
همام: اسمع كلمني بدون ماتذكر إسمي
عزام: وعلاش😕
همام: دير زي ماقتلك وانت ساكت 😒
عزام: حاضر
همام: كيف حاله عبودي
عزام: الحقيقة حالته صعبة شويا...يبي زراعة ضروري او بيخش ع الغسيل
همام: لاحول ولاقوة الا بالله
همام: احم احم...باه أهله كيف دايرين؟!
عزام: لجين بتنجن...اهي امك قاعدة معاها
همام: عزام جيبيلي رقم ضياء ضروري نبيه
عزام: علاش!!
همام: اووووف خير بلاك انت كل شيء علاش 😡
عزام: باهي فهمنا 😑 تم
همام: عطيني جنى كان في جنبك نبي نكلمها استاحشتها...بس بدون ماتخلي حد ينتبه انها تكلم فيا
عزام: باه...وبصوت عالي: جنى تعالي يبيك بابا
همام: حمار 😪
~~~~~~~~~~~~~~~~~~~~~~
أنت تقرأ
نسيت أنساك.
Romantizmالجزء الثاني لقصة ياريتني.. القصة الأصلية موجودة ف صفحة عالفيس اسمها قصص من عالمي. #منقولة
