نعيمة: عزام تعالا اهني 😡
عزام: نعم يام 😓
نعيمة: شن كنت تقول للبنت لما خشيت عليكم 😒
عزام: شي 😓
نعيمة: عزام 😡..كيف شي والبنت مرتبكة وتقولي نبي نروح لحوشنا😒
عزام يتهرب: شن صار في لجين؟!
نعيمة براحة : كلمني همام توا وقالي فاقت.
عزام: باهي الحمد لله
نعيمة:خلي نجهز الغدي وبنمشي للزيارة
عزام: خلاص جهزو روحكم ونرفعكم
نعيمة: ماتبيش تقول شن قلت للبنت 😒
عزام: يام شن بنقوللها بس 😓
نعيمة: برا للمحل جيبلي بصل 😒
عزام : باه حاضر....وطلع بسرعة
ألاء خشت للمطبخ: خالتي نعيمة هاتي نعاونك
نعيمة: لا لا ابنيتي قعمزي ارتاحي
قعمزت ألاء بحزن: خالتي نعيمة بالله عليك حلفتك بأغلي ماعندك..لجين كويسة؟! 😩
نعيمة: وراس ابنيتي الا كويسة...همام توا طمني عليها
ألاء: باه نبي نشوفها😢
نعيمة: خلي نجهز الغدي تغدو ونمشو كلنا
ألاء: حتي عبودي
نعيمة: اي امه لما تشوفه حتفرح...وبعدين شفتيه كيف متنكد وكل شوي يسأل عليها
ألاء مسحت وجها بتعب: ياربي افرجها من عندك...وين كانت مدسوسة هالايام بس
نعيمة: كله امتحانات من ربي الحمد لله ع كل حال
خش عزام عليهم: يام اهو للبصل....انتبه لوجود ألاء ابتسم وحط كيسة ع الطاولة امعبية شكلاطة وشيبس: اهم تسلو بيهم 😊
ألاء خشت بعضها وناضت: بنمشي نشوف عبودي
طلعت ألاء وسط نظرات عزام اللي ملاحقتها...ونعيمة ركبها الخنس: عزام 😡
عزام بخلعة: نعم يام رعشتيني 😨
نعيمة: نقص إيدي كان ماطلعت متكلم مع البنت ومعترفلها بحبك
عزام: حب شنو يانعنع عيب 😓..في أم تقول لولدها حب ماحب😂
نعيمة شداته مع وذنه زي الطفل الصغير: نخليك مع البنت يوم تستفرد بيها حضرتك وترعشها 😡
عزام: في شنو رعشتها بس 😓..نبيها ورايدها بالحلال
نعيمة: خلاص حبكت يعني...معاش تقدر تستنا لين نطمنو ع لجين..البنت سادها رعشة مرت خوها وانت زدتها 😒
عزام: الله غالب هاذا اللي صار...الكلب علي سمعها كلام مش حلو وهي امفكرة إني ساخف عليها وواجعتني علي خاطر إيدها...فاضطريت نعبرلها علي مشاعري
نعيمة بفضول وفرحة :'وباه شن ردت عليك 😉
عزام: انتي خشيتي خربتي كل شي يام 😪
نعيمة: برا جيبيلي طماطم..اصلا عارفتك ماادير ثمرة 😏
عزام: يام علاش ماقلتي مش توا كنت في المحل😣
نعيمة: نسيت شن كفرنا يعني 😡..عزام برا وانت ساكت راهو مش رايقتلك بكل
عزام طلع يبكبك ومش عاجبه....
~~~~~~~~~~~~~~~~~~~~~
همام بحنية: لجين سمعتيني !!!
لجين ماأبدتش ردة فعل...تفتح في عيونها ببطء وتسكر فيهم بس...
همام: عارف انه مش وقته توا...بس نبيك تعرفي اني مستحيل نتخلي عليك...ومش علي خاطر اللي صار بس او أني حاسس بالذنب...علي خاطر هاذا اللي نبيه من زمان بس كنت نتهرب منه وخايف..نبيك تكوني جنبي لجين ومع بعض نعالجو جروح الماضي..همس بصوت هادي: نحبك... سمعتيني نحبك
الممرضة: لو سمحت مفروض المريضة ترتاح..اطلع لبرا من فضلك
همام: حاضر
طلع همام تلاقي مع أمه والباقي جايين للزيارة...
ألاء بخوف: كيف حالها توا؟!😓
همام: كويسة ماتخافيش تقدري تخشيلها
ألاء: عادي يخش معاي عبودي
همام:'مااعتقدش يمانعو..بري عادي ماتعدليش
نعيمة: هي تو نمشي معاك
همام: لا انتي يام نبيك شويا
جنى:'بابا نبي امية؟!
عزام:تعالي ناخدلك من المقهي تحت
نعيمة::ان شاء الله خير
همام: يام اني خطبت لجين
نعيمة: نعم 😳
همام بجدية: من اليوم خلاص معادش بنتردد وبنحكي اللي في قلبي
نعيمة شدت راسها بقلة حيلة : احليلي يااحليلي معقولة المراة طالعة من موت وحضرتك تخطب فيها 😒
همام: يام اللي صار خلاني نعرف قيمتها
نعيمة: ياربي خيرني شن مدايرة في حياتي....الناس يخطبو لولادهم في حال الراحة واني اولادي يخطبو في المرض والمصايب 😣
همام: علاش منو خطب ثاني
نعيمة: خوك الفالح مأمنينه ع البنت روحت لقيته مرعشها ومخزرطها مسكينة
همام: 😂😂
نعيمة: علي شنو تضحك نبي نفهم ع القهاير وطياح السعد 😡
عزام: اهوا جبتلكم عصير 😋
نعيمة بعصبية: بالله برو من قدام وجهي الزوز قبل ماننفجر فيكم 😡
عزام لهمام: خيرها أمك 😕
همام: خليها مسكينة قاعدة تستوعب في الصدمات المتتالية 😂
~~~~~~~~~~~~~~~~~~~~
ألاء تبكي: لجين إنتي كويسة؟!
لجين صحصحت وكانت حالتها أحسن: أني بخير ماتخافيش
عبودي حال فمه علي وسعه ويعيط: ماما😢
لجين: حبيبي مافيا شي
عبودي: باه علاش فيك دم 😭
لجين: طحت وانجرحت لكن توا كويسة
عبودي بعبرته: باه امتي بنروحو لحوشنا 😢
لجين مسكت إيده: خلاص عبودي خليك راجل معادش تبكي...ألاء مااتصلش ضياء؟!
ألاء: لا...هو علي أساس اليوم بيوصل...تو نسأل همام بالك عنده علم او كلمه
لجين بخوف : خطرها ع ذكر اللي مايتسمي😨...تعرفي حلمت حلم يخوف...تقدري تقولي كابوس مش حلم...شكله البنج مأثر فيا والا مش عارفة
ألاء: ان شاء الله خير
نعيمة كانت واقفة جنب الباب بتدخل بس لما سمعت كلامهم غيرت رايها....ووقفت تسمع في الحوار
لجين: فقت شفت همام واقف في جنبي شفتله بغل كان لقيت نطيت عليه قتلته 😡...بس بعدين غمضت عيوني وزي اللي قعدت نخترف..جاني في الحلم يقولي نبي نتزوجك ونحبك 😨. لما فقت لقيت روحي بروحي في الغرفة حمدت ربي مية مرة انه حلم
نعيمة في خاطرها" تستاهل ياهمام..هاذا اللي يتصرف بدون مايفكر.المراة كيف فايقة من البنج وحضرته يحب ويتمعشق 😒"
ألاء: بالك حقيقة مش حلم غير انتي مازال مش واعية كويس؟!
لجين: بعيد الشر... لو يقعد اخر راجل في الدنيا مستحيل نفكر فيه انتي شن تقولي..واصلا أني بعد علاء اعتزلت الحب والزواج للابد ؟!
ألاء: تعرفي من أمس وهوا اهني في المستشفي مسكين دار الواجب
لجين: عمري ماحننسي اللي داره كيف لزني عقابات الليل بدون مايروف بحالي ووضعي...مستحيل نغفرله
نعيمة" عندها حق المراة..هاذا اللي يمشي بوذانه 😡"
خشت نعيمة: احم احم...الحمد لله ع سلامتك لجين ابنيتي
لجين ابتسمت: الله يسلمك خالتي نعيمة
~~~~~~~~~~~~~~~~~~~~~~
بعد إنتهاء الزيارة...طلعو من عند لجين...
عبودي يعيط: نبي ماما
قامه عزام: خلاص عبودي غدوة نجيبك تشوفها ماما
جنى:'خلاص عبودي روح معانا للحوش نلعبو بألعابي باهي ☺
عزام: اي هيا نروحو وغدوة نجو
ألاء بتردد: لا نبي نروح لحوشنا
نعيمة شهقت: كيف ابنيتي مايجيش...بتقعدي بروحك والا كيف؟!
الاء: ضياء اليوم قال بيروح ان شاء الله
همام:'لا مااعتقدش امس اتصل بيا وقال عندهم مشكلة في الطيران ولغو الرحلات
الاء: بجد😨
همام: والله كيف مانحكيلك
نعيمة: اها شفتي معناها ماعندك مااديري فيه الحوش
عزام يشوفلها وساكت....
الاء: معليش ياخالتي اعذريني..نبي نروح..عندي قراية ومحاضرات مانقدرش نفوتهم...ارجوك خليني براحتي
عزام نزل عبودي...وطلع طايرلته
نعيمة تنهدت بقلة حيلة: شن بنقولك..انتي حرة مانقدرش نجبرك...وفي نفس الوقت مانقدرش نخليك بروحك..لو مش حنضايقك بنقعد معاك اني وجنى
الاء بفرحة: بالعكس الحوش حوشك خالتي نعيمة
نعيمة: خلاص همام معناها وصلنا لشقة لجين
همام: حاضر....
رفعهم همام للشقة نزلو الكل...باستثناء نعيمة قعدت توصي فيه علي حاجات تبيهم من الحوش: جيب حوايج جنى متاع الروضة رد بالك تنسي
همام: حاضر
نعيمة: وبيجامتها الوردية ماترقدش بدونها
همام بقلة صبر: يام غير مشو أموركم اليوم😣..وغدوة نروح بيك جيبي اللي تبيه
نعيمة: اللطف ياربي وسعة بال مافيش 😒
همام: احم احم...يام لجين ماقالتلك شي عليا
نعيمة:بالله خليني ساكتة خير 😏
همام: وعلاش😕
نعيمة : كل اللي قلتهولها امشي ع الفاضي..المراة تحساب روحها كل الكلام اللي سمعاته حلم
همام: كيف ؟
نعيمة: شنو اللي كيف...وحدة كيف فايقة من عملية وتخطب فيها😏..تي هيا مازال مش مستوعبة حتي هيا وين
همام: تي..عليك حظ ماصدقت قدرت نقول اللي في خاطري😣...
نعيمة: نصيحتي ليك مادامها تحساب روحها تحلم...خليه حلم خير وانسي الموضوع
همام: نعم😳
نعيمة: لجين مستحيل توافق عليك او تتقبلك بعد اللي صار وبصراحة عندها حق..عشان تحرم تهين غيرك واظن فيه ظن السوء 😡
همام: مستحيل نفوت الموضوع يام انتي شن تقولي..😨
نعيمة فتحت الباب ونزلت: ماتنساش دبدوب جنى ورا الباب في سلة ألعابها..وسبحتي جنب سريري 😒
همام: حاضر 😒
~~~~~~~~~~~~~~~~~~~~~~
مع المغرب رجع همام للمستشفي يبي يستفسر من الدكتور علي حالة لجين ويطمن عليها....
همام طق الباب وخش: السلام عليكم
الدكتور: وعليكم السلام تفضل
همام: مشكور يادكتور... ها طمني شن نتيجة الفحوصات والتحاليل
الدكتور: سكت شويا....بصراحة اللي اكتشفناه شي غريب...
همام بخوف: ان شاء الله خير
الدكتور: لا خير ان شاء الله...الفحوصات وضحت ان المدام لجين *****************
أنت تقرأ
نسيت أنساك.
Romansaالجزء الثاني لقصة ياريتني.. القصة الأصلية موجودة ف صفحة عالفيس اسمها قصص من عالمي. #منقولة
