ع الموبايل....
همام: باه امتي موعد العملية؟!
ضياء: حددها البروفسور محمد غدوة بأذن الله
همام: علي خير ان شاء الله وتنوضو بالسلامة
ضياء بقلق: ان شاء الله.. أني خايف علي عبودي الصراحة ...لو يصيرله شي أمه تنجن
همام: بأذن الله حيكون كويس ... الدكتور محمد من أهم وأشهر دكاترة الجراحة في إيطاليا
ضياء: ان شاء الله خير... سكت شويا وبتردد: همام ممكن نسألك سؤال بدون ماتفهمني غلط
همام: تفضل
ضياء: علاش تساعد في لجين؟
همام بااستغراب: نعم 😕
ضياء: قصدي علاش مهتم للدرجة هاذي..وعلاش ماتبيهاش تعرف انك ورا الموضوع كله؟!
همام: أأ...هي شريكتي في العمل وهاذا موضوع إنساني
ضياء: همام انت فاهمني كويس شن نقصد؟!
همام: ضياء ماتفهمنيش غلط...صدقني نيتي صافية
ضياء تنهد: شوف...لجين قبل ماتكون مرت خوي هي أختي ونتمنالها كل خير.. عانت هلبا في حياتها ووفاة علاء كسرتها بجد.
همام سكت لانه فهم المغزي من كلام ضياء..يعني ماتزيدهاش علي همها..
ضياء: أكيد حتستغرب كلامي وتقول كيف ممكن نقولك كلام زي هاذا...بس لو انت نيتك صادقة معاها ماتسيبهاش ولو غير هكي مستحيل نسمح لشخص يأذيها او يجرحها بكلمة
همام: انت توا ارتاح واستعد لغدوة...ولكل حادث حديث
ضياء: همام...خليك معاها حتي لو من بعيد لبعيد.. هي ماتعرف حد في هالبلاد
همام: ماتخافش من غير ماتوصي
ضياء: مشكووور
عزام طلع من محاضرته...بس ماروحش قعمز ع الكراسي..يستنى في ألاء تنتهي محاضراتها...
رن تليفونه وكانت نعنع: أيوه..وينك انت؟
عزام: في الكلية
نعيمة: مش كملت محاضرتك ماد وجهك ع الكراسي برا شن ادير 😑
عزام قعد يشوف حواليه بخوف....
نعيمة: عزام 😡
عزام: تراقبي فيا والا كيف يانعنع 😓
نعيمة: لا بس عارفة موعد محاضراتك امتي تبدأ وامتي تكمل...قبل تروح طول...لكن توا عاد لين تطمن علي بالي بالك😏
عزام: احلي حاجة فيك انك ديما فاهمتينا يانعنع 😘..بنبشرك بحاجة تهبل
نعيمة بفضول: شنو😕
عزام: الاء وافقت عليا
نعيمة بفرحة: بالحق 😀
عزام بحماس: والله العظيم قتلي موافقة...وبمجرد مايرجع خوها حنطلبها طول
نعيمة: يااسعيدي بندير اكنينة زيني زي الناس 😍
عزام: خلاص يانعنع معناها خليني نستنى كنتك تطلع و نروح بيها بدل ماتتشحور في الباص😁
نعيمة تغيرت نبرة صوتها: عزام قسما بالله ماتروح توا نهارك اللي ادور فيه...وبرا شوف من يطلبهولك من اهلها 😡
عزام: تي باهي علاش 😪
نعيمة: روح قتلك😡..وخلي البنت في حالها خيرلك
عزام : باهي خلاص 😪
نعيمة: جيب معاك خبزة الغدي فاصولياء
عزام: مانبيش نتسمسم😒
نعيمة: انت حر...بس احني بنتسمسمو ياعيوني 😙
لجين: عبودي حبيبي كول كويس علاش تنبش تنبيش..
جاهم ضياء بعد ماكمل إتصاله: ها شنو طلبتو؟!
لجين:اني ماخاطرنيش
ضياء: كيف بتقعدي من غير ماكلة هكي
لجين: والله نيتي مسدودة...انت كول كويس واتغدى...غدوة وراك عملية...سكتت شويا وبقلق: ضياء العملية مافيش عليها خطر عليكم صح😓
ضياء: ماتخمميش عليا...المهم عبودي ينوض اصحيح
لجين تشوف لعبودي بعيون دامعة: ياتري يقدر يتحملها العملية...اني خايفة عليه
ضياء: اللي كاتبه ربي بيصير..خلي أملك في الله كبير
لجين تنهدت: ونعم بالله
ضياء: لجين نبي نقولك حاجة مهمة. اني خاش علي عملية والدنيا فيها حياة وموت
لجين: تفضل ان شاء الله خير
ضياء: مع أني وعدته مانقولش..لكن ضروري تعرفي...همام هو اللي اتفق مع البروفسور محمد ع حالة عبودي وجهزلنا كل شيء اهني
لجين بااستغراب: معقولة...وعلاش ماقتلي من الأول ياضياء😳
ضياء: هوا اللي طلب نخلي الموضوع سر...مافهمتش علاش
لجين بأرتباك: ممكن لأن صار سوء تفاهم بيني وبينه من قبل فخايف نرفض لو عرفت العرض منه ...
ضياء: سوء تفاهم شنو؟!
لجين تحاول تتهرب من الموضوع: لا عادي في الشغل..بس مادام هكي ضياء الفلوس اللي صرفهم كلهم حنكتبله فيهم صك
ضياء: انتي المواضيع اللي زي هاذي مش شورك...أني امرتب كل شي
لجين: تمام
ضياء: اوكي لو كملتو خلي نركبو للدار ترتاحو من الصبح واحني ندورو في المستشفي...
لجين: حكيت لربا ع العملية
ضياء: اليوم قبل مانرقد بنتصل بيها ونقوللها..مانبيش تكسرلي راسي بخوفها وقلقها الزايد
لجين بأمتنان: ضياء شكرا بجد
ضياء: شن هالكلام..انتي انجنيتي شكلك..لو كان علاء الله يرحمه عايش كان حيتصرف زيني واكثر..
لجين:'ربي يخليكم ليا يارب انتم أهلي وعزوتي
أنت تقرأ
نسيت أنساك.
Romanceالجزء الثاني لقصة ياريتني.. القصة الأصلية موجودة ف صفحة عالفيس اسمها قصص من عالمي. #منقولة
