كلام لجين أدمع عيون همام اللي حارب دموعه إنهم ينزلو...
لف وقرب من لجين اللي كانت تبكي وتنتفض..وبصوت هاديء: حتي أني نبي منك وعد
شافتله لجين بعيون دامعة وبفضول
همام: أوعديني تحبيني في يوم ما من غير ماتحسي إنك اديري في شيء غلط او تخوني في ذكري حد...لأني وصلت للمرحلة هاذي في حبي ليك من زمان..
لجين فهمت عليه كويس...وأصلا هوا الوحيد اللي حاس بالمشاعر اللي قاعدة تتصارع داخلها...هوا الوحيد اللي حيقدر وضعها لانه مار بنفس الظروف...
خش عليهم ضياء وتفاجأ بمنظر لجين: شن صار؟! علاش تبكي لجين😨
وقفت لجين وقابلت ضياء: سامحني ضياء بس معاش عندي قدرة نكمل بروحي تعبت الحقيقة اني تعبت بجد...انت كنت نعم الاخ عندي وحتكون طول عمرك خويا 😢
ضياء ابتسم لانه فهم معني كلام لجين..شافلها بكل حنان: هاذا حقك يالجين...من حقك تختاري مع منو تكملي حياتك...اربع سنين كنتي فيهم قوية وصبورة بس انتي في الاخر انسانة...كل واحد منا عنده صدرحنون وشخص يفضفضله ويخفف عليه..وإنتي من حقك يكون عندك هالشخص
همام: ضياء...اني طالب منك إيد لجين بالحلال وعلي سنة الله ورسوله
ضياء: واني مش حنلقى راجل زيك نعطيه ونأمنه علي اختي
~~~~~~~~~~~~~~~~~~~~~
خشت نعيمة لحوشها تزغرط: روروروري
ووراها همام قايم جنى النائمة في حضنه....
عزام طالع من المطبخ ماسك سندوتش وياكل: فرحونا معاكم😁
نعيمة تنحي في عبايتها وقعمزت ع الصالون : خوك خطبناله 😀
عزام: 😳 تي باهي غير تمو موضوعي بعدين اخطبوله😖
نعيمة: عندي هوا أهم...ماصدقت بيه وافق ولجين وافقت والله فرحتي اليوم مانعطيها لواحد
عزام: باه صحيتي يانعنع 😒 وخيره العريس متغشش
نعيمة تضحك: علي خاطر لجين طلبت إنهم يتزوجو بعد عرسك انت والاء...يعني ماحددتش موعد
عزام: وعلاش ؟!
نعيمة : عندها حق البنت بتكلم عمتها وتبيها تحضر من ليها في هالدنيا غيرها معقولة تتزوج من غير ماتكون موجودة
عزام بشماتة: يعني يافرحة ماتمت 😛
همام ركب مع الدروج بيحط جنى في غرفتها: مايهمنيش...المهم وافقت 😛...مستعد نستناها العمر كله
عزام قعمز في جنب أمه: باه واني يانعنعاتي شن صار فيا حددتو موعد للعرس
نعيمة: الفضانية الاسبوع الجاي والعرس بعد اسبوعين ان شاء الله...وبتسكنو معايا اهني وبعدين أبدي ابني بشوي عليك...
عزام شهق: اسبوعين !!!! هلبا يام 😩
نعيمة: ريت قلة الرباية والله😡 تحشم مني حتي شويا😏 احمد ربي اني قلت أسبوعين..قسما باالله لولا الظروف اللي صارو للبنت وأهلها... لين تكمل الاء قرايتها ماتحلم بعرس
عزام باس علي راسها: لا لا لا خلاص حتي اسبوعين راضي...المهم رضاك ياغالية...
خدت نعيمة عبايتها وركبت فاصلة مع الدروج: جيل أغبر ياكبدي😒
~~~~~~~~~~~~~~~~~~~~~~~
لجين بشوق: كيف حالك عمتو...استاحشتك
نجاح: وأني بالاكثر.. وين غاطسة ليك كم يوم مااتصلتي بيا...افتحي السكايب نبي نشوفك
ملاحظة" لجين وعمتها يتكلمو مع بعض شبه يوميا ع الموبايل وع السكايب وغيره..اتجنبت ذكر الشيء هاذا في الحلقات...لاني ذكرت من اول حلقة ان ظهور نجاح في الجزء الثاني بسيط جدا وللضرورة وبالتالي استبعدتها من هلبا مشاهد في القصة.."
نرجعو لحوارنا....
لجين ماتبيش عمتها تشوفها لان من منظرها حتفهم إن في شيء كبير صاير: أه...النت ضعيف عندنا خليها بعدين
نجاح: باه...كيف حال عبودي والبقية
لجين: الحمد لله بخير
نجاح: والشغل شن أخباره
لجين: أه...ت ت تمام...شن اخبارك مع الحمل
نجاح:امتعبني يالوجي...الحمل علي كبر صعب. الحمد لله ع كل حال. الدكتور شبه مانعني من الحركة...هيثم ربي يخليهولي جاب مدبرة للحوش وهي متكفلة بكل شيء
لجين بحزن: يعني مش حنشوفك عن قريب😩
نجاح: قالي الدكتور قبل شهر ع الاقل ممنوع السفر
لجين: باه عمتو في موضوع نبي نشاورك فيه
نجاح: ان شاء الله خير
سكتت لجين شويا: متقدملي شخص
نجاح: همام
لجين بااستغراب: كيف عرفتي 😕
نجاح: من كلامك عليه حسيت ان في شيء في قلبك ناحيته
تنهدت لجين بحيرة: ياتري اختياري صح
نجاح: قلبك شن يقولك ؟!
لجين: مانعرفش...قلبي اندفن مع علاء من زمان😩
نجاح: مافيش حاجة اسمها اندفن... لجين لو تبي تبدي حياة جديدة صح لازم تنسى اللي فات
لجين: صعب ياخالتو صعب 😩
نجاح: حاولي...كل شخص في هالدنيا يستحق فرصة ثانية
لجين: ان شاء الله خير
نجاح: وامتي قررتو تتزوجو
لجين: مازال...لين تسمحلك صحتك بالسفر وتجي نبيك تكوني جنبي...خايفة
نجاح: تمام...وأني في أقرب فرصة حنكون عندك حبيبتي...ربي يهنيك وبوسيلي عبودي
لجين: حاضر...تصبحي علي خير عمتو
نجاح: وانتي بخير ياروح عمتو
~~~~~~~~~~~~~~~~~~~~~~
ربا اترقد في عيوش الصغيرة...خش عليها ضياء وجايب معاه كيس فيه شكلاطة وعصائر
ضياء: علوش وين؟!
ربا: بالغرفة الثانية مع الاء وعبودي...
ضياء: اهوا معناها ارفعيهولهم
ربا: اوكي بس انت وين رحت كنت عم دور عليك ؟!
ضياء: نزلت تحت شويا...حسيت روحي مخنوق..
ربا: سلامتك..من شو؟!
ضياء عيونه دمعو وصوته انخنق: والله العظيم فرحتلها لجين بس اذكرت علاء الله يرحمه😩
ربا: الله يرحمو...حبيبي هاي هي الحياة مابتوئف
ضياء: والله عارف بس صعبة ياربوشة...علاء حب لجين من قلبه صح ماكانتش حبه الاول بس حبها هلبا
ربا: وكمان لجين حبتو وهوا كان الحب الحقيقي والصادق بحياتها صدئني..
ضياء مسح دموعه: ربي يهنيها ويسعدها ويخليك ليا...تعالي...وافتح ذراعيه ليها....
حضناته ربا بكل قوتها لتخفف عليه لانها عارفة بالنار اللي في داخله: ومايحرمني منك يارب
~~~~~~~~~~~~~~~~~~~~~~
ثاني يوم الصبح...
كالعادة ألاء كانت في كليتها طالعة من محاضرتها بعد ماكملت...قعمزت ع أحد الكراسي لبرا تستنى في ضياء...
بينما هي منشغلة في بعض المذكرات...اقترب منها شخص غير متوقع نهائي انها تشوفه
:السلام عليكم
قامت الاء راسها بخوف لانها عرفت الصوت كويس: انت 😨...ووقفت متوترة
علي: ارجوك ألاء ممكن نكلمك شويا
الاء بتوتر: ماعندنا شيء نتكلمو فيه ...لوسمحت برا من اهني
علي: ارجوك مش حناخد من وقتك هلبا..اني ندمان ياللوشة وحق ربي الندم بياكلني😩
الاء: علي ارجوك...يكفي كل اللي صار ارجوك خليني في حالي ..كيف بتمشي وقف علي مقابلها ليمنعها...
جاهم صوت من بعيد: بعد عليها 😡
الاء: عزام 😨
قرب عزام اللي كان يمشي بمساعدة القيلة: تفضل شن تبي؟!
علي نزل راسه بخجل: عزام أني جاي بنعتذر منها ع كل شيء صار
عزام: ع شنو الاعتذار ياعلي... ع اهانتك وضحكك علي بنت بريئة والا ع محاولة قتلك صديق عمرك
علي: انت اللي خديت مني البنت اللي نحبها
عزام : كذاب...انت عارف كويس انك عمرك ماحبيتها وكان في راسك أشياء ثانية هلبا غير الحب
علي: المهم توا أني جاي بنعتذر وانتهت القصة
عزام: وأني مانستحقش اعتذار
علي بندم وحسرة: أني أسف ماكنتش حاب ان الحكاية توصل لاهني ...انت كنت راجل مابلغتش عليا.. والاء توا بس عرفت قيمتها بس للاسف بعد ماخسرتها...هي سلام
عزام بغيرة وعصبية : إنتي شن وقفك معاه😡
ألاء تفاجأت من عصبية عزام وسكتت:.......
عزام رفع صوته: نكلم فيك 😡
الاء ماردتش دمعو عيونها وقعمزت ع الكرسي..
عزام ارتبك من دموعها: حبيبي أسف والله مش قصدي..بس الدم غلي في عروقي بعد شفته معاك ماتحملتش..
رن موبايل الاء...وقفت: هاذا ضياء جانى مع السلامة
عزام: للوشة استنى
الاء: مانقدرش نخليه يستنى....ومشت بسرعة تغالب دموعها من السقوط
~~~~~~~~~~~~~~~~~~~~~~
همام في مكتبه ماسك موبايله وفاتح علي رقم لجين بس متردد يتصل او لا...مايبيش يضايقها وفي نفس الوقت متردد من الموضوع اللي بيعرضه عليها..وبعد كر وفر قرر أخيرا يتصل 😁
لجين مقعمزة مع ربا يشربو في قهوة...لماضرب موبايلها
لجين: صباح الخير
همام بهدوء وحنية: صباح النور...كيف حالك اليوم؟
لجين: الحمد لله أحسن
همام: باهي كويس.....كيف حال عبودي؟
لجين: كويس قبل شويا رفعه عمه للروضة
همام: علاش ماقلتيلي مريت عليه لما بنحط جنى
لجين: مانبيش نتعبك
همام: تعب شنو...لجين علاش تحسسي فيا اني غريب
لجين: لأنك غريب فعلا
همام: نعم 😳..بارك الله فيك
لجين: هاذا الواقع همام ماتزعلش
همام: لجين فكيني منه الجو اللي اديري فيه 😡
لجين: جو شنو
همام: مانعرفش الجو اهوا وخلاص😖
لجين: بس هاذا ....
قص عليها همام: المهم توا نبيك في موضوع مهم ممكن تمري عليا في المكتب
لجين: موضوع شنو!!
همام بقلة صبر: انتي غير تعالي ونقولك
لجين: لا قول اهني كان بتقول...المكتب لا
همام تنرفز: شنو بناكلك😒
لجين: همام قول شن تبي 😒
همام: خلاص مانبي شيء...وسكر التليفون
ربا: ييييي ليش هيك انتي
لجين: شفتي كيف سكر عليا 😡
ربا: معو حق ليش عم بتعامليه هيك
لجين: نحس في روحي كارهته 😕
ربا ضحكت: انتي كارهة إنو أخد جزء من قلبك وجزء مانو صغير😉
لجين ماردتش واكتفت بنظرة بطرف عيونها لربا متاع سكري فمك
ربا: 😂😂
~~~~~~~~~~~~~~~~~~~~
مع الظهر...
عزام مر علي همام في الشركة...وروح معاه للحوش...
نعيمة في المطبخ تسقي في الغدي...
همام وعزام: السلام عليكم
نعيمة: أهلين علي سلامتكم هيا غيرو حوايجكم وتعالو تغدو
جبدو الكراسي متاع طاولة المطبخ وقعمزو
عزام: اني ماخاطرنيش متعارك مع الاء😓
همام: حتي أني سكرت الموبايل في وجه لجين😪
عزام: تبي الحق اني غالط...زي اللي حسستها اني مش واثق فيها😓
همام: حتي أني نحس في روحي زودتها شوي 😕
نعيمة تشوفلهم من تحت لتحت 😒
عزام تنهد : باه كيف الدبارة توا..كيف بنصالحوهم
وهما الاثنين في مرة وحدة توجهت أنظارهم ناحية نعنع😂
نعيمة: ورحمة بوك وبوه وفوقهم بوي ماني ماشية لحد ولا متصلة بحد ولا دخلني في حد أيوه 😡 واهو الغدي تبو تمجمجو باهي ماتبوش تو ناكل اني وجنى
طلعت من المطبخ وخلتهم مصدومين من ردة فعلها 😳😳
عزام بعد فاق من الصدمة 😂: واااااو كيف بندير توا 😖 خلي نمشي نتختخها
همام: اوووووف....حالة وخلاص
ضرب هاتفه واستغرب لما شاف الاسم او بالاحري ماتوقعش..رد فرحان بس يتصنع الزعل: ايوه 😒
لجين بتردد: شن هوا الموضوع اللي تببني فيه 😒
همام: هكي طول..مافيش معليشي والا سوري 😒
لجين بنرفزة : والله 😡 انت اللي سكرت عليا
همام: انت اللي نرفزتيني 😡
لجين تغيرت نبرة صوتها: باه هيا قول 😒
همام: شن بنقول 😒
لجين: اللي تبي تقوله 😖
همام بعد صمت لثواني: نحبك
وفجأة سمع طووووط طوووووط...سكرت الخط في وجه
ابتسم همام وتنهد براحة..لانه صالحها بدون مايستحق لتدخلات خارجية 😁
~~~~~~~~~~~~~~~~~~~~~~~
بعد يومين...كانت فاتحة الاء وعزام ...
دارو حفلة بسيطة في الشقة اللي مأجرها ضياء...اما الفاتحة قروها في الجامع..
بعد الفاتحة طلب عزام يشوف الاء....
عزام امقعمز يستنى فيها في المربوعة
خشت الاء للمربوعة..اول ماشافها عزام ابتسم ووقف..
مدت الاء إيدها لعزام بتسلم عليه...جبدها ليه وحاوط خصرها بأيديه...
الاء انحرجت والوجه انقلب طماطم: عزام 😓
باس عزام جبينها وهو حاضنها: مبروك عليك أني 😁
الاء تحاول تفك نفسها منه: نعم 😒 بعد عليا
عزام:انبصر عليك...عاد ساد حبيبي من الزعل ليك يومين امنشفتيلي ريقي لارديتي عليا ولا خلتيني حتي نشوفك...يكفي خلاص تعاقبت...وتوبة كان مازال نعاودها😁
الاء ابتسمت: واني سامحتك
عزام: ربي يخليك ليا يارب....اخيرا صرتي حلالي وشريكة عمري
نعيمة من برا: عزام 😡 سادك هيا
عزام: واااو...كلا امي هاذي مرات نحس فيها مرت بوي مش أمي 😖
الاء: 😁
عزام: هيا مادام شفت الضحكة علي شفافك خليني نطلع قبل ماتغضب عليا نعنع وتأجلنا العرس بكل هي متسبلة راه 😓.نحبك باهي😍
الاء: باه😁
همام قاعد تحت ويزرزر في امه بالاتصالات يبي يشوف لجين
أستاذنت نعيمة من ضياء بعد زن من همام...وموافقة لجين.. وتلاقو في المربوعة بحضور نعيمة..
همام: العقبة لينا
لجين: .......
همام: 😒 باه قولي ان شاء الله
نعيمة: هيا قول شن تبي عاد..ان شاء الله العقبة ليكم 😒
همام: باهي يام خيرك عليا 😪
نعيمة تفنص فيه : تكلم هيا
همام: باه😒.. نبي نعرض علي لجين خدمة معاي في الشركة
لجين بانفعال: مش محتاجة لصدقة من حد 😡
همام: عاجبك يام كلامها 😖
نعيمة: لجين ابنيتي شن هالكلام..شن صدقة ماصدقة
لجين انحرجت: باه شن معني كلامه ياخالتي 😓 عارف ظروفي ويعرض عليا في خدمة
همام: وشن فيها من عيب والا حرام...بدل ماتشتغلي في شركة حد غريب اشتغلي في شركة راجلك
حست لجين بثقل الكلمة علي مسامعها وتغيرو ملامحها...
نعيمة حست بيها وفنصت في همام: ابنيتي هو الكلام اللي قاله مافيشي غلط واهو انتم تعرفو بعضكم في الشغل..وبعدين انتي بتخدمي بجهدك مش صدقة ولاغيره..وانتي عارفة همام مايقصدش
لجين سكتت: .....
همام: اي والله هاذا اللي نقصده يام...هي خبرتها في المجال كبيرة وحتفيدني هلبا
نعيمة: أكيد امالا شنو
لجين: باه خليني انفكر
همام: خلاص غدوة نستنى ردك ☺
لجين: لا خليني براحتي😒
همام بترجي لأمه عشان تتدخل: يام 😪
نعيمة: اي عندها حق خليها براحتها....هيا نوض خلاص
همام: باه في موضوع ثاني يام
نعيمة بقلة صبر: قول شن ثاني 😒
همام: شن رايك لجين لو درنا تلبيسة في عرس عزام والاء.. وامتي مايسخر ربي نقرو الفاتحة ونديرو حفلة بسيطة وخلاص
نعيمة بفرحة: اها فكرة كويسة...شن رايك لجين ابنيتي؟!
لجين بتردد: مانعرفش!!
همام وقف متعصب: شفتي يام حرق الاعصاب 😡
لجين: شفتي ياخالتي مش متحمل مني كلمة تو شن قلت أني 😪
نعيمة: همام 😡
همام وقف: اني بنمشي اقعدو فيها
نعيمة: استنى خلي نجيبلك حوايج جنى متاع الروضة روح بيهم للحوش
همام: اوكي
طلعت نعيمة وخلت لجين مقعمزة...
لجين: اوكي موافقة
همام بااستغراب: علي شنو ؟!
لجين: ع التلبيسة
ابتسم همام بفرحة: باه والموضوع الثاني
وقفت لجين بغرور: خليني نفكر ونرد عليك 😌
همام وجه صبعه لراسها: هالراس اليابس هاذا ضروري نكسره😏...
علي خشت نعيمة جايبة حوايج جنى...
لجين: خالتي قوليله 😖
نعيمة: اطلع هيا 😡
يتبع
~~~~~~~~~~~~~~~~~~~~~
أنت تقرأ
نسيت أنساك.
Romansaالجزء الثاني لقصة ياريتني.. القصة الأصلية موجودة ف صفحة عالفيس اسمها قصص من عالمي. #منقولة
