وبعد إنتهاء اليوم الحافل بالاحداث السعيدة والمفرحة...رجعت نعيمة واولادها للحوش...
مقعمزة في الصالة وهمام يدللكها في رجليها برفق...
جني جايبة شكلايط وحلوات في شنطتها الصغيرة ومقعمزة تفتح فيهم
عزام طاح ع الكنبة بتعب : أخ أخ حتي اني نبي تدليك لجسمي كامل مش غير رجليا بس😖
همام: غير أعبا 😏
نعيمة: وانت في شنو تعبت ان شاء الله 😒 ماغير ماد وجهك مع الاء..قريب خشيت كريتك كر من جنبها 😡...جنى سادك من الشكلاطة هاتي الشنطة جاي 😡
جنى بااعتراض: لاااااا😢
همام يضحك بشماته علي عزام 😂
نعيمة: وانت يافالح احرف منه قريب تعاركت مع لجين لولا تدخلاتي 😡...ياربي شن دايرة في عمري رازقني بولاد امنشفيلي ريقي وامطيحيلي سعدي 😩
عزام: تو ربي يعوضك يانعنع بكناين زي العسل 😍
نعيمة : اي والله☺ خاطري نسكر عين ونفتح عين نلقاهم اهني معايا في الحوش 😍
عزام بحماس: خلاص شن رايك نخلو العرس الاسبوع الجاي 😉
نعيمة: نوض يااصحيح الوجه من جنبي خير مانهفك بالشنطة 😡
عزام: ههههههه وسعي بالك يانعنع😁 احم احم خلي نمشي نهدرز علي مرتي 😌😛
نعيمة: 😏
~~~~~~~~~~~~~~~~~~~~~~
في شقة ضياء...
لجين وربا يضمو في الحوسة بينما ضياء مقعمز مع الصغار..
ربا تنهدت براحة: الحمد لله مر كل شيء ع خير
لجين: مازال الحوسة الكبيرة ان شاء الله تمر علي خير يارب
ربا: كتير فرحتلها للوشة بتستاهل كل خير...طيوبة ومثل نسمة الهوا
لجين بأبتسامة دامعة: مااعتقدش في حد حيكون فرحان في هاليوم زي علاء لو كان عايش..كانت روحه فيها وحاسبها زي بنته
ربا: كان كتير حنون الله يرحمو
لجين: تعيشي يارب
ربا تجس في النبض وبخبث: كمان همام حنون
لجين: .........
ربا: بتكلم جد لوجي والله حاسستو رح يسعدك
لجين بحزن: هوا تبي الحق فيه من حنية علاء وطيب..لكن مش كيف
ربا: بكرا بتتعرفي عليه اكثر مع الوئت رح تحبيه وتحسي بحنيتو
لجين: يزن عليا يبيني نشتغل معاه
ربا: وليش لا؟
لجين: مش عارفة...وبصراحة اللي صارلي قاعد مأثر فيا..صعب بعد ماتكوني تملكي كل شيء تقعدي تخدمي عند الغريب😩
ربا: قدر الله وماشاء فعل لوجي...كل شيء باالدنيا دروس إلنا وبعدين همام رح يصير زوجك مو حدا غريب
لجين: تصدقي ان هالكلمة ثقيلة علي مسامعي والي الان مش قادرة نتقبلها
ربا: شوي شوي رح تتئبليها...لوجي صار الوئت لحتي تطوي الصفحات الئديمة وتبلشي من جديد
لجين تنهدت تنهيدة من الاعماق: ان شاء الله خير
~~~~~~~~~~~~~~~~~~~~~~
نعيمة رقدت من التعب وهمام امقعمز مع جنى تكتب في واجباتها...وهوا عنده شوية عقود يراجع فيهم
همام:جنو شنو هاذا علاش كتبتيه هكي😕...
جنى: الابلة هكي قالت
همام: معقوووولة.... في كل صفحة رقم 😒
جنى: اي الابلة هكي قالت 😡
همام: مستحيل...خلي نتصل بلجين ونشوف عبودي
جنى بعدم مبالاة: اتصل كان تبي تتصل
همام: 😑...خدي تليفونه وضرب علي لجين
لجين تقرأ في المصحف...سكراته وردت ع التليفون مستغربة: ألو
همام: مساء الخير..راقدة؟!
لجين: لا مازال شويا...خير في حاجة
همام: شن حرام نتصل بيك ونطمن عليك
لجين: همام 😑 شن تبي في هالليل
همام: توا هاذا أسلوب بالله 😒
لجين: بنسكر راه 😡
همام: ترا ديريها كانك فالحة 😒
لجين: باه هيا شن تبي 😏
همام: عبودي نايض؟!
لجين: لا رقد...علاش؟!
همام: جنى تكتب في واجبها ومسكرة راسها ماتبيش تقتنع انه غلط
لجين: اشبح لمنو طالعة امعاندية 😒
همام: اشبح 😒
لجين: اعطيهولي نكلمها
همام: جنى تعالي تبيك خالتو لجين ع التليفون
خدت منه التليفون وكلمتها...بعد شويا مدتهوله ومشت لكراستها تمسح في اللي داراته وتكتب فيه صح وسط استغراب وذهول همام...
همام: شن قلتيلها ؟!
لجين: سر😛.. بس في تطورات امقعمز ادرس فيها
همام: لا علاقتنا تحسنت هلبا..هاذا ياستي في انسانة حنونة وطيوبة فوق ماتتصوري هي اللي نبهتني لكيف مفروض نتعامل مع بنتي
لجين ابتسمت: باه كويس
همام بنبرة حنونة: بالله قولولي كيف قدرتي تغيري رايها
لجين: سحرتها 😁
همام: في هاذي صدقتي...لأنك ساحرة بوها قبلها وقالبتيله كيانه
لجين:.....احم احم تصبح علي خير
همام: هههههه باه حنغير الموضوع...شن صار في موضوع الشغل فكرتي
لجين: مازال ماقررتش
همام: لجين والله بجد محتاجلك في الشغل ياريت تفكري بعيد عن العواطف ويكون قرارك صح
لجين سكتت شويا:حاضر في اقرب وقت حنرد عليك
همام: محلاك وانتي تسمعي في الكلام 😉
لجين: تصبح علي خير 😒...سكرت التليفون وهي مبتسمة...نحت طرحة الصلاة وحطت راسها ع المخدة وماهي الا ثواني واستسلمت للنوم
~~~~~~~~~~~~~~~~~~~~
عزام والاء يهدرزو ع الفايبر...
عزام بعتلها صورة لغرفة نوم: باه شن رايك في هاذي
الاء: حلوة بس حسيتها اوفر هلبا نبي حاجة بسيطة عزام...الجمال ديما في البساطة
عزام: باه استنى شويا...وهاذي شنو...ماعندك ماتقولي فيها عاد 😊
الاء: مش حلوة حتي هاذي اوفر
عزام: تي شنو اوفر ما اوفر...قريب نمشي ندير سطر بلك وفوقه طرف طبلية متاع البضايع ونريح روحي 😖
الاء: ههههههههه غير وسع بالك...قاعدين نتفاهمو
عزام: للوشة نبي نديرلك حاجة صح ياقلبي
الاء: عارفة والله..بس كل شيء بالتفاهم والاقناع عشان تكون حياتنا صح مش من أولها نختلفو
عزام تنهد: شكلك بتهبليني معاك بس المشكلة كلامك مقنع يامراة
الاء: هههههههه
عزام: حلوة كلمة يامراة شن رايك فيها 😉
الاء: زي العسل طالعة منك ☺
عزام: أه ياقلبي عارف هالاسبوعين مش حيمرو لين ننجلط 😖
الاء تغير في الموضوع: باه خلينا نتعرفو علي بعض اكثر في هالاسبوعين ونخشو في تفاصيل خاصة وعميقة شوي
عزام: خاصة 😓
الاء: يعني شن تحب تاكل وشن ماتحبش وهكي يعني
عزام ضحك من جده: اقسم بالله احني الرجالة ديما تفكيرنا امسوس 😂
الاء: غير هيا احكي
عزام: اوكي...هاذا ياستي......
وقعدو يهدرزو ويهدرزو ويهدرزو لعند أذن عليهم الفجر.....صلو ورقدو وفي قلب كل واحد فيهم دعوة للثاني بالحفظ والرعاية الالهية
~~~~~~~~~~~~~~~~~~~~~
صباح اليوم التالي....
وصل همام للشركة امصدع وناقصه نوم...جنى رقدت قبل ماتكمل واجباتها واضطر يكتب عليها باقي الواجبات 😂
طلب السكرتيرة: جيبيلي طاسة قهوة مرة مافيها ولاحبة سكر...ومعاها حبة بنادول
السكرتيرة: حاضر
مقعمز ع الكرسي وماسك راسه بألم...انفتح الباب...
همام: اجليلي كل مواعيدي لبعد الساعة 10
لجين بصوت هاديء: صباح الخير
قام همام راسه بااندهاش وابتسم: صباح النور...احلا صباح والله...تفضلي قعمزي
لجين:'شكرا...وصلت عبودي للروضةوقلت نمر عليك
همام غمزلها: اشتقتيلي 😉
لجين وقفت متعصبة: اهو ماشية بكل 😡
همام: ههههههه تي انبصر قعمزي 😂
خشت السكرتيرة ومعاها طاسة القهوة والبنادول حطتهم ع طاولة همام وطلعت...
حط همام الحبة في فمه وبيمشيها بالقهوة....
وبشكل سريع كانت لجين جنبه ومسكت الطاسة منه: انت انجنيت😨
همام الحبة في فمه: ثنفيه " شنو فيه"
لجين: ماتسمعش في الناس اللي ماتو من البنادول لانه ياخدو فيه بحاجات ثانية غير المية
😡
همام ابتسم:كيفعليا😉😁
لجين: شنو 😕
نحا همام الحبة من فمه ويرقص في حواجبه: خايفة عليا ☺
لجين ارتبكت وخدت الحبة من إيده وحشتها في في فمه حشي: لا خايفة لا سو...انت مش اصغير وتعرف مايصلح بيك ...بعدت عليه بنرفزة
همام: خلاص معناها نشربها بالقهوة
لجين بقوة خدت الفنجان من ايديه ورماته في سلة القمامة " حاشاكم" : مش عناد هيا 😡
همام ابتسم وسكت....وهيا طلعت جابتله طاسة امية من برا ومدتهوله: هاك 😒
همام بحنية: شكرا
نزلت لجين عيونها بخجل وقعمزت ع الكرسي: جاية نبيك في موضوع
همام: عيوني ليك
~~~~~~~~~~~~~~~~~~~~~~
ضياء في المطعم وطايرلته من الخسائر اللي بدت تكبر بشكل ملحوظ...
وفي نفس الوقت يفكر كيف بيقدر يجهز الاء في الوقت المناسب وتنستر قدام عربها...
جاه تليفون من هيثم قطع عليه دوامة الافكار...
ضياء: اووووو شريك كيف الحال😊
هيثم: الحمد لله في نعمة
ضياء: دوم عليك يارب
هيثم: ها شن الاخبار طمني؟! وشن اموركم ؟!
ضياء: نقولو الحمد لله
هيثم: ولجين شن صار فيها؟ قاعدين ماعرفتوش مكانه الكلب اللي سرقها
ضياء: عارف ع قولة المصريين فص ملح وذاب...هاذا اللي صارله
هيثم: وين بيمشي من ربي...الا ماياخد فيه الحق...مال يتيمة مسكينة
ضياء: ونعم بالله....المهم زي ماوصيتك رد بالك تجيب سيرة لنجاح...لجين ماتبيهاش تعرف
هيثم: يستر الله...حتقلب عليا الدنيا لو عرفت
ضياء: معليش اهو انتم جايين الفترة الجاية وتعرف بروحها
هيثم: تبي الحق مااعتقدش حنقدرو نجو الا بعد ولادتها
ضياء: تي كيف صار 😕
هيثم: الدكتور منع السفر قال حالتها ماتسمحش
ضياء: باه وكيف يصير في لجين هي تستنى في عمتها عشان تحضر تلبيستها ومن بعدها العرس
هيثم: انبدري كنت نتناقش مع نجاح وقالت حتتصل بيها وتفهمها كل شيء
ضياء: فيها خيرة ان شاء الله
هيثم: ان شاء الله...وعلي فكرة بعتلك حوالة فيها مبلغ كويس من شغلي اهني مشي بيها امورك اني عارف وضع المطعم
ضياء بتلعثم : لا لا مايستحقش..قص قصدي
هيثم: ضياء انت خوي راه وخو صديق عمري الله يرحمه... وزي ماقتلك من قبل المطعم هوا ليك كبره ووقفه علي رجليه وبعدين نتحاسبو
ضياء: بارك الله فيك ياهيثم ونعم الاخ فعلا
هيثم: فيك بارك الله...هاذا واجبي...نستأذنك توا وبعدين نتكلمو
ضياء: في أمان الله
~~~~~~~~~~~~~~~~~~~~~~~~
همام بفرحة: تتكلمي بجد
لجين: اي بس بشرط...نبي معاملتي تكون زيني زي كل هالموظفين عادية جدا
همام: حاضر
لجين: ومرتبي يكون علي قد شغلي
همام: حاضر 😊
لجين: بنبدا معاك بعد عرس الاء وعزام مش توا
همام: حاضر
لجين: باه ممكن نعرف طبيعة شغلي
ناض همام من مكانه وقعمز مقابلها: تمسكي معايا مشروع القرية
لجين: اش معني؟!
همام: انتي اكثر وحدة تعرفيه وحتساعديني فيه
لجين: ارجوك همام اعفيني مانقدرش نتعامل مع شخص عارفه كويس انه سارق رزقي
همام: باه لو قتلك اني شريت حصته والقرية توا بالكامل ليا
لجين تفاجأت: تتكلم بجد😨
همام: والله العظيم...عطيته مبلغ كويس وشريت حصته..بنكتبها بأسمك و نرجعلك حقك
وقفت لجين بعصبية: معناها انسى كل شيء اني من قبل قتلك مانبيش صدقة من حد😡....نستأذن
لحقها همام حط إيده ع الباب بيمنعها من الخروج: اوكي خلاص زي ماتبي علاش كل هالنرفزة
انخنق صوت لجين وعيونها دمعو: مانبيش صدقة من حد
همام بربكة: أسف والله أسف مش قصدي...بس ﻷني نعتبر اني بكل اللي عندي ملكك انتي عشان هكي تجرأت وقولت الكلام هاذا...ع العموم انتي فصلي واني نلبس واللي تبيه حاضر
قعمزت لجين بعد حست بشيء من الخجل لردة فعلها المبالغ فيها...
اتصل همام بالسكرتيرة: ايوه جيبيلي واحد عصير برتقال فرش لو سمحتي
السكرتيرة: حاضر
همام: خلاص متفقين
هزت لجين راسها بأيجاب: متفقين
~~~~~~~~~~~~~~~~~~~~~~~
مرت الايام التالية في التجهيز لعرس الاء وعزام...والمفاجأة الغير متوقعة و اللي غيرت مجرى الاحداث كلها ان همام ولجين تقرر يكون عرسهم معاهم او بالاحري يديروها حفلة وحدة...
وهالكلام كان بعد جهد كبير من نجاح وربا لاقناع لجين لانها كانت رافضة الزواج من غير حضور عمتها وبالسرعة هاذي....
وجاءت الليلة المنتظرة....ليلة الزفاف
الاء لبست فيلو وصالها عليه عزام من فرنسا خصيصا ليها فاجأها بيه كانت فرحتها لاتوصف.. وطلعت فيه زي الملاك...
اما لجين اكتفت باارتداء فستان ابيض بسيط مع مكياج خفيف جدا....
بعد دوشة الصالة والعرس...دخل عزام وخدي عروسته وتوجهو علي طول للمطار لانهم بيسافرو شهر عسل لاسبانيا...خلوهم براحتهم توا بعدين نفضولهم 😉.
خلي نمشو بالكاميرا للجين وهمام....😁
لجين كانت متوترة....ودعت ربا وضياء بألم اعتصر قلبها وكأنها تودع علاء.
خدت ولدها في إيدها وركبت لسيارة همام اللي كان منتظرها هوا وجنى...
فتحلها الباب باابتسامة : تفضلي
ركبت لجين وكانت ساكتة...وكأنها في حالة صدمة وارتباك..انتبه همام لحالتها وفضل السكوت لأن هو الاخر حالته مش افضل منها .
عبودي وجنى دوشتهم وفرحتهم بالعرس امغطية شويا علي اجواء التوتر بين همام ولجين..
وصلو للحوش وكانت منتظرتهم نعيمة بفرحة: روروروري واخيرا ...تفضلي لجين ابنيتي خشي
همام يحاول يرطب الاجواء: شن امحضرتيلنا اعشي يانعنع بنموت من الجوع راه
نعيمة: تو نمشي نصبلكم
لجين: استنى خالتي جاية معاك
امشت لجين مع نعيمة...اما همام خدى عبودي وجنى لغرفهم اللي كانو في نفس جناحه مع لجين...
طبعا غير كل شيء فيه من ديكورات وأثاث..وزاد غرفة لعبودي وأثثها...
نزل اتعشى مع أمه ولجين....
نعيمة: لجين ابنيتي كولي ماتتحشميش حوشك هاذا راه
همام وقف: الحمد لله...اني خلاص انتهيت بنمشي نرقد تصبحو علي خير... وركب
ارتبكت لجين..ووقفت: تصبحي علي خير خالتي
نعيمة بفرحة: تلاقو الخير يارب
خشت لجين للدار مترددة لقت همام فارش الصلاية ويستنى فيها....
صلو ركعتين مع بعض وبعد السلام...لف همام للجين وقعمز مقابلها....
لجين تنهدت بعمق: همام نبي نقولك....
همام قطع عليها: بنمشي نرقد مع جنى وانتي ارقدي مع عبودي شن رايك؟!!
ابتسمت لجين لانه فهم عليها واختصر كلام هلبا كان محرج ومربك بالنسبة ليها: اوكي
وقف همام وخدي شرشف وطلع يجري: أخر واحد يطفى الضي ويسكر الباب 😁
لجين : همام 😡
خدت لجين ولدها في حضنها ورقدت بعمق بدون حتي ماتغير حوايجها...في منامها زارها الغالي...كان لابس ابيض في ابيض ومبتسم بدون مايتكلم...
فاقت لجين ودمعتها علي خدها...كان ضي النهار كيف بادي يتسلل من الشباك...
نحت الغطا من عليها وناضت بتمشي للدار بسرعة قبل ماتطق عليهم نعيمة بالفطور....
كيف طالعة من الدار...قابلها همام طالع يتسلل من غرفة جنى...
علي جية نعيمة كيف راكبة من الدروج وشهقت لما شافتهم: لجين 😨..همام 😨 شن اديرو اهني
😡
يتبع
~~~~~~~~~~~~~~~~~~~~~
أنت تقرأ
نسيت أنساك.
Romansaالجزء الثاني لقصة ياريتني.. القصة الأصلية موجودة ف صفحة عالفيس اسمها قصص من عالمي. #منقولة
