نسيت أنساك.

الحلقة11

مع وقت الغداء...مر همام علي بنته روح بيها من الروضة..
نعيمة تجهز في الصفرة: جنى حبيبتي...بري إغسلي إيديك
همام: عزام وين؟!
نعيمة: طلع الصبح بدري ماشفتاش... بس إتصلت بيه قال جاي ع الغدي...علي ماغيرت حوايجك وصليت يكون اهني... 
قبل مايكملو كلامهم خش عليهم عزام: السلام عليكم
نعيمة: اهو جي...ولد الحلال عند ذكره يبان...هيا عزام نستنو فيك
عزام: كولو إنتم أني ماخاطرنيش
نعيمة بعصبية: والله مانعرفك الا معانا ع السفرة 😡
عزام: تي يام ماخاطرنيش 😣
نعيمة: حلفت توا أني 😒
عزام: حاضر 😪
خشت نعيمة للمطبخ بتجيب صواني السلاطة...لحقها همام بيشرب امية..
همام بااستفهام: يام خيره عزام مش عاجبني؟!
تنهدت نعيمة بحرقة: خليها في سرك بالله...😩
همام: تي شن في؟! خوفتيني 😕
نعيمة: غير خلي نتغدو توا ونفهمك كل شي بعدين
همام: باه...هاتي عليك الصواني تو نطلعهم...هي تعالي
قعمزو يتغدو...همام:عزام خيرك ساكت مش من عوايدك؟!
عزام:  مضايق شويا
همام: ان شاء الله خير
نعيمة: يااوليدي  لامتي بتقعد هكي...هي خلاص انخطبت ربي يستر عليها وانت شوف حياتك...
عزام بااستغراب: وانتي كيف عرفتي انها انخطبت؟!😕
نعيمة: أمس لما مشيت جو أهل علي وأني قاعدة غاديكا 
عزام:😩
همام: تي فهموني شن في؟! ومن اللي انخطبت وشن دخل علي ؟
عزام وقف: أني شبعت...
نعيمة: انت شن كليت😨
همام: شن في يانعنع فهموني اني ولدكم راه 😡
نعيمة: اسكت انت قلبي امعبي منك راه 😒
همام::😳 شن درت أني
نعيمة وقفت معصبة وتغلي: قريب ناخد وجهي ونخليكم بروحكم من عمايلكم😡....امشت للمطبخ وهي تبكبك
همام: 😳
~~~~~~~~~~~~~~~~~~~~~
ضياء في الطريق للمستشفي هو وربا...يبو يطمنو علي اعويشة الصغيرة...
ربا: ضياء بدي سافر شوف أهلي...😩
ضياء: ربوشة مش وقته توا..
ربا: مابئصد هلأ...بئصد بس تطلع عيوش ع البيت احجزلي وبنروح
ضياء: انتي غير خليها تشد روحها شويا... ووعد نرفعك
ربا: لا مابدي 😒 نفس الحكي إلتو لما ولدت علوش..ومالئيت حالي الا حامل من جديد..ماتركتلي مجال إتنفس 😣
ضياء: 😁 خلاص وعد هالمرة نخليك تتنفسي براحتك مادام جبتيلي أمي 😍
ربا: بلييز ضياء والله كثير إشتئتلهم 😢
ضياء: ياربا ياقلبي...قبل مخططين نمشو في عطلة عبودي...بس بنتك بجيتها بدري خربت علينا كل شيء😑
ربا بحرقة: بليز والله رح موت علا ماشوفن 😩
ضياء وجعاته ربا: حاضر حبيبتي..غير تطلع عيوش من المستشفي وساهل
ربا: وعد 😢
ضياء: وعد
ربا بفرحة: الله يخليلي ياك يارب 
~~~~~~~~~~~~~~~~~~~~~~
ألاء روحت مع لجين...لأن ضياء احتمال يتأخر في المستشفي...
فتحت لجين باب الشقة...عبودي  خش يجري لداره بيفتح التلفزيون ...
لجين: عبودي غير حوايجك قبل..وانتبهت لأء اللي كانت شاردة:  ألاء خيرك مش علي بعضك اليوم نحس فيك
الاء: مش عارفة يالجين...محتارة😪
لجين: في شنو؟!
الاء رمت شنطتها وقعمزت ع الصالون بتعب : نحس في روحي اتسرعت بموافقتي ع علي😓
لجين قعمزت جنبها: كيف؟! 
ألاء: مانعرفش.. متلخبطة ومش قادرة نقرر😣
لجين: انتي مش صليتي استخارة قبل ماتوافقي
الاء: اي صليت وحسيت قلبي مرتاح للموضوع
لجين: خلاص معناها كل شيء تمام...يمكن إنتي خايفة من الارتباط والمسؤوليات
ألاء: هو نحس فيه كويس وواضح أنه يحبني..لكن😓....
لجين: لكن شنو؟! حبيبتي ماتفكريش هلبا بعدين إنتم مازال ماتعرفتو علي بعض كويس..ماتقدريش تتسرعي وتحكمي عليه توا
الاء بحيرة: لجين كيف تعرفي الشخص يحبك؟!
ابتسمت لجين وهي تتذكر علاء:أكثر شيء من نظرات عيونه ليك العيون عمرهم مايكذبو..وثاني شي عندك تصرفاته خوفه وغيرته عليك...حنيته معاك  دون ع كل الناس..لهفته...إهتمامه...حتي كلامه كيف يتغير وتحسيه كله حنية وحب حتي لو كان عادي مش ضروري يكون غزل..كيف يبدا يتجنب الشيء  اللي يزعلك..كيف يكون طاير من الفرح لفرحك..كل هاذم مايدلوش الا علي حب حقيقي
ألاء سرحت في كلام لجين...ولا حاجة من اللي قالتهم ينطبقو ع علي بس بعضهم ينطبقو ع شخص أخر تحاول ألاء تجنب التفكير فيه بالطريقة هاذي...
لجين: ها شنو اعليوة فيه هالصفات 😉
الاء: أه... مانعرفش 😕 علي قولتك شكله ضروري نتعرفو علي بعض اكثر😓
~~~~~~~~~~~~~~~~~~~~~~~~
مع العصر همام  في داره يراجع في بعض العقود ع اللاب توب...
خشت نعيمة لقت الجاكيت متاعه مرمي ع الارض قاماته: ياربي امتي بس تجي اللي تريحني من حوستك  👐
همام: تو علي جاكيت سميتها حوسة...خيره عزام قالب الدنيا علي راسه 😏
نعيمة: لا عزام مش فوضوي زيك 😑
همام: يامظلوم معاك الله😐
جبدت نعيمة الكرسي وقعمزت: كيف حالها لجين؟!
همام : مية مرة تسأليني عليها ونقولك كويسة 😒
نعيمة بخبث: باينة فيها نورة العرايس 😛
همام بعصبية: وأني شن دخلني فيها تبان والا اطير😡 يام ورايا شغل بالله عليك
نعيمة: اللطف ياربي الواحد مايقدر يتكلم معاك كلمة 😒
همام: تو يام هاذا كلام..شن دخلني فيها أني نايرة والا مطفية😑
نعيمة: بالله عليك وحياة نعنع عندك مش مضايق إن لجين حتتزوج 😉
همام: 😳 وأني شن دخلني
نعيمة: باه وكان نقولك لا انخطبت لاشي شن تكون ردة فعلك 😉
همام قعد يخنس من تحت لتحت و ع أساس مش مهتم: تتكلمي بجد والا تبصري؟
نعيمة: نتكلم بجد...وهاذا كله مقلب😁...نبي نشوف اميتك وين تصب😉
همام: 😒
نعيمة: 😁 يااسعيدي لجين بتولي اكنينتي
همام ارتبك: اكنينة شنو بس يام...تي انتي شن تقولي 😑
نعيمة: بناخدها لعزام باهي 😒 انت ماليكش علاقة
همام:.......
  نعيمة تستعبط: خلي نمشي نفاتحه بالموضوع 😒
همام عارفها تلقح وفاهم قصدها: باه ربي يهني اسعيد بااسعيدة
نعيمة: 😏
~~~~~~~~~~~~~~~~~~~~~~~ 
مرو أسبوعين....تحسنت حالة اعويشة الصغيرة وطلعوها من المستشفي...
  ضياء قرر يدير اعزومة كبيرة ويعزم الاحباب والاصحاب...