بعد إنتهاء حفلة التلبيسة البسيطة...اتصل همام بأمه وطلب يجهزو أنفسهم لان جايهم في الطريق...
نعيمة: جنى... جيبيلي شنطتي بوك قريب يجي
لجين: كان قعدتو هدرزتو ياخالتي
نعيمة: معليش ابنيتي الجايات اكثر من الرايحات..عاد ولينا أهل توا 😊
لجين: وأعز ان شاء الله...خلي نلفلك شوي حاجات تتعشو بيهم معناها
نعيمة: مافيش داعي كلينا اهني ساد
لجين: بينا ياخالتي...بالك الاولاد ماتعشوش
ابتسمت نعيمة: اوكي براحتك
ركب عبودي قارن حواجبه: ماما 😖 عمو همام قال هياااا
لجين: هههههه خالتي نعيمة جاكم همام...
نعيمة بعد قبلات وأحضان لكنينتها 😉...سلمت ع الكل ونزلت...
كان عزام سابقها في السيارة...فتحت الباب وضرباته علي كتفه: صار قتلي امشي انتي لبسيها وخلاص 😒
عزام: 😂 والله ماقدرت يانعنع
همام: ومن جابك اهني؟!
عزام: خديت تاكسي😌
نعيمة: ريته وله 😒...خليك زيد تعب روحك لين تتكرسح مرة وحدة ومعاش تقدر تتحرك باهي
عزام: ماتخافيش زي الحصان أني
نعيمة بقلة صبر: قسما بالله يا عزام كان ماتهني روحك نشكه يمين مافي عرس الا بعد سنة....واكسر كلامي كانك فالح 😏
عزام: 😳 تي خلاص يام اخر مرة
همام: يعني اني الوحيد اللي كليتها علي راسي وماجيتيش...وفاتني اعشي امبحبح
نعيمة ابتسمت مع غمزة: ماتخافش لجين بعتتلك حصتك
همام بااستغراب: تتكلمي بجد !!
نعيمة: هي قالت للولاد..وعزام قاعد تحت يعني معروف لمنو 😉
ابتسم همام: جنونة شن رايك في عروسة عمو عزام
جنى: حلوة امتي بنروحو بيها لحوشنا
عزام: قولي لأميمة هالكلام 😒
نعيمة: 😏
همام: 😂
~~~~~~~~~~~~~~~~~~~~~~
بعد الحوسة....خدت الاء دوش سريع وامتدت ع سريرها بترقد...
كيف غمضت عيونها....سمعت الموبايل يضرب"عم اعشق أنا..عم اخلق من أول وجديد..ع اسمك انا عم البس خاتم عمري بالايد".
استغربت لأنها مش نغمة موبايلها...تبعت الصوت وعرفت انه الايفون اللي جابه عزام ...
طلعاته من الباكو...شافت الرقم مخزن بأسم" حبيب عمري" ...ابتسمت وردت: ألو
عزام: حياتي 😍
الاء بخجل: مساء الخير
عزام: مساء الجوري علي عيون حبيبي...ازعجتك صح ؟!
الاء: لا عادي..بس انخلعت لما سمعت النغمة...كيف عرفت إني نحب يارا؟!
عزام: جنى قالتلي مرة
الاء: ......
عزام: وين امشيتي؟!
الاء: معاك 😢
عزام: ان شاء الله ديما معاي يارب...للوشة علاش تبكي؟!
الاء متفاجأة: كيف عرفت😢
عزام: واضح من صوتك...عشاني ياعمري معاش نبيك تبكي ولا دمعة تنزل من عيونك
الاء: هاذي دموع الفرح...معقولة ربي يحبني للدرجة هاذي بعتلي شخص زيك
عزام بهمس:نحبببببك.....وبحماس: علي فكرة أمي فرحانة بيك بطير
الاء: بجد ياعزام؟!
عزام: والله العظيم تحبك بشكل مش عادي
الاء: مش قتلك ربي يحبني..يكفي إنها ولاعمرها حسستني بالنقص اللي فيا
عزام اتنرفز: الاء نزعل منك راه...شن هالكلام..شن اللي نقصك...النقص في العقل والاخلاق..اخر مرة نسمعك تتكلمي هكي
الاء: حاضر...خلاص ماتعصبش 😓
عزام: خلاص زعلت توا...ضروري تصالحيني 😒
الاء ابتسمت: أسفة
عزام: هكي أسفة حاف 😒
الاء: 😁... أسفة ياحبيب عمري ☺
تنهد عزام من سيط خاطره: ياربي نحبها هالبنت ماتحرمني منها
الاء: 😊
عزام: عندك محاضرة غدوة؟!
الاء: اي عندي ال 9
عزام شهق: معناها خلاص ارقدي الوقت تأخر....غدوة نكلمك ونصبح عليك
الاء: اوكي...تصبح علي خير
عزام: تصبحي علي سعادة وحب للوشتي 😘
~~~~~~~~~~~~~~~~~~~~~~~
صباح اليوم التالي
همام في المطبخ واقف يقرأ في بعض الاوراق وفي إيده الثانية مق قهوة يشرب فيه...
نعيمة تجهز في سندوتش جنى: خود حاجة مع القهوة مش باهي بروحها
همام: ماعنديش وقت يام...عندي اجتماع مهم...ضرب تليفونه وكانت لجين...
فتح المايك...وقعمز ع الطاولة يتصفح في الاوراق
لجين بعصبية: نبي نفهم انت شن تبي في خاطرك...علاش ماقتلي ع الاجتماع اليوم 😡
نعيمة متفاجأة: 😳
همام: فاتح المايك وامي تسمع فيك راه 😒
لجين تغيرت نبرة صوتها: صباح الخير خالتي نعيمة 😓
نعيمة: صباح النور ابنيتي...ربي يعطيك وسعة البال 😒
همام: قتلك اجتماعات مع الشركة هاذي لا 😡
لجين: والله...شن دخلك فيا إنت 😡
همام:'مادخلنيش...بس وجودك ماليشي داعي...نقدر نكون موجود مكانك..وبعدين نبلغك بكل شيء
لجين: همام 😡 مانسمحلكش تلغي شخصيتي فاهم
همام: باه...في حاجة ثانية لأني بنسكر 😒
لجين: وين الاجتماع عندك في الشركة ؟!
همام:........
لجين: رد عليا 😡
همام: لجين من الاخير لو تطيري للسمي العالية وتنزلي....حضور اجتماع مافيش يعني مافيش 😡
لجين بتنفجر: اوكي ياهمام اوكي😡...وسكرت
نعيمة: حليلي تو هاذي بتوافق عليك...عطيني دعوة ماهو صاير منكم 😨
ابتسم: بعيد السو عليك يانعنع....هيا جنونة تأخرنا
~~~~~~~~~~~~~~~~~~~~~~~
أنت تقرأ
نسيت أنساك.
Romansaالجزء الثاني لقصة ياريتني.. القصة الأصلية موجودة ف صفحة عالفيس اسمها قصص من عالمي. #منقولة
