فتحت لجين عيونها بتعب حاسة بصداع مش عادي..استغربت من وجودها في غرفتها: أخ من جابني اهني 😣
..قعمزت وهي ماسكة راسها بألم: أه ياراسي😣..
رن تليفونها وكان المتصل همام...بنرفزة سكرت عليه بالحمرا...
بعدين وقفت متثاقلة وامشت شافت وجها في المراية.انخلعت من المنظر..كان أنفها وتحت عيونها مستزرق..
لجين: حي عليا هاذا شنو😨..عليك منظر 😓
شافت لساعتها لقتها تخطت 2..ناضت غسلت وجها وخدت ثلج لفاته في فوطة وحطاته علي مكان الضربة...
همام في غرفته مضايق من اللي صار..أبدا مش من طبيعته جرح الناس...صح عصبي ولكن مايحبش يهين حد...فكر يتصل من جديد بس حسها بايخة الوقت تأخر والباين انها ماتبيش ترد عليه أصلا
إتصل بالروم سيرفس وطلب منهم يتصلو بغرفة لجين ولو ردت عليهم معناها هي بخير...
شويا وردو عليه جماعة الريسبشن إنها كويسة وطلبت ثلج قبل شوياو..
همام إتصل بأمه مضايق: ايوه يام كيف حالكم ؟
نعيمة: الحمد لله بخير
همام: جنى رقدت؟!
نعيمة: اي من بكري رقدت
همام: اوكي
نعيمة: خيرك صوتك مش عاجبني..واتصالك في هالوقت مش مطمني
همام تنهد من وسط قلبه:لا غير شوي مشاكل في الشغل
نعيمة: يااوليدي سادك من هالشغل اللي حيقتلك..وألتفت لنفسك شويا
همام: ان شاء الله خير..هيا بالسلامة توا...ليلتك سعيدة
نعيمة: مع السلامة
مع ساعات الصباح الاولي.
همام فاق بدري او بالاحري مارقدش نهائي خايف من ان لجين تنفذ اللي في راسها وتلغي الشراكة وساعتها حيخسر مشروع مهم بالنسبة ليه ممكن يقوي شركته...بس هاذا ماكانش السبب الوحيد اللي طير النوم من عيونه...أيضا إحساسه بالندم علي صار كان قوي..وخلاه مش عارف يفكر ولايتصرف...
نزل للريسبشن: صباح الخير
موظفة الريسبشن: صباح النور
همام: لو سمحتي ممكن تبعتو فطور لمدام لجين لما تفيق
الموظفة: بس المدام سلمت مفتاح الغرفة وغادرت من ساعة..
همام: 😳..اوكي مشكورة .
~~~~~~~~~~~~~~~~~~~~~
في شقة ضياء مقعمزين يفطرو
ربا:اوووف ضياء خود عني علوش شوي موقدرانة امسكو منيح
ضياء: كان تعي من النق باهي هاتي😒
ألاء: هيا عبودي كول..شن وصاتك ماما؟!
عبودي بحزن: مانبيش...نبي نفطر مع ماما 😢
الاء: ضياء قول حاجة...من أمس ماكلاش ولا حاجة...يقولي لين تجي ماما
ضياء: لا ياعمو نزعل منك هكي راه...ماما اليوم ع الغدي تكون اهني..ولو تعرف انك ماكليتش مش حتروح
عبودي بخوف: وعلاش 😳
ضياء: لانك ماتسمعش في الكلام
عبودي: لا لا خلاص تو ناكل..عمتو للوش ديريلي سندوتش بنفطر 😋
الاء: أيوه شطور 😘
جت رسالة علي تليفون ضياء فتحها قراها وسكرها بسرعة: احم احم...شاطر عبودي
ربا: مين؟!😕
ضياء: مافهمتش!!
ربا:بئصد مين اللي بعتلك مسج
ضياء: وانتي من امتي تقصقصي علي كل شي 😑
ربا: شو😕
ضياء: بلا ئصئصة ياربا لاني مانحبهاش😒 فهمتي توا
ربا شافتله بشك: اوكي 😒
طق الباب ومشت ألاء تفتح...شهقت بصدمة: لجين خيرك؟!😨
لجين: مافيا شي خبطة بسيطة
ضياء: تي خيرك تعيطي رعشتينا 😒
خشت لجين: صباح الخير
الكل متفاجأ: صباح النور 😳
عبودي بفرحة: ماما جت هيييييييي... ومشالها بسرعة
لجين: حبيب ماما...استاحشتك 😘
ربا: لوجي...شو في؟!
لجين: بسيطة ماتخافوش ضربت في باب بدون مانتبه
ضياء: سلامتك
لجين: الله يسلمك..بنمشي نرقد نحس في راسي امصدع
عبودي: بنمشي معاك 😋
لجين: لا حبيبي انت عندك روضة برا توا...وبعد تروح ارقد جنبي
عبودي: لا لا مانبيش 😣
لجين بعصبية: عبودي اسمع الكلام 😡
عبودي: 😢😢
ضياء: هيا عبودي نحطك في الروضة..خلي ماما ترتاح...هيا ألاء حتي إنتي خلي نحطك في كليتك
ركبت لجين لشقتها خدت دوش...سكرت الستاير وامتدت ع السرير...غمضت عيونها شويا و سمعت صوت مسج...خدت تليفونها من ع الكمدينو عين امسكرة وعين مفتوحة ...فتحت الرسالة وكان فيها...
" مدام لجين.. ضروري نقعمزو ونتكلمو...انتي أمس كنتي منفعلة..لكن أعتقد اليوم هديتي...لو فاضية خلي نتقابلو بعد العصر في الشركة عندك او عندي"
سكرت لجين عيونها وتأففت...ردت عليه" حيوصلوك عقود فك الشراكة بعد العصر...وياريت تقدرلي مبلغ الشروط الجزائية عشان نبعتلك فيهم صك" ...بعتت المسج سكرت تليفونها....ورقدت.
~~~~~~~~~~~~~~~~~~~~~~
علي كان في إنتظار ألاء في الجامعة..وفات حتي محاضرته علي خاطرها...
نزلت ألاء من السيارة بسرعة تبي تلحق علي محاضرتها...
علي: للوش..للوش
ألاء بااستغراب: علي !
علي: ياصباح العسل 😍
الاء: صباح الخير...علي ممكن معاش تناديني للوش قدام الناس😓
علي: حاضر من عيوني انتي تؤمري 😍..عندك محاضرة؟!
الاء: اي
علي: باه بري توا أحضريها...وبعد تطلعي نبيك في موضوع ضروري جدا... قاعد نستني فيك باهي
الاء بتساؤل: موضوع شنو؟!
علي: مانبيش نشغلك بالك..بري توا لمحاضرتك وبعد تطلعي ساهل
الاء: اوكي...سلام توا
علي: سلام 😍
طول المحاضرة وألاء تفكر في الموضوع الضروري اللي يبيها فيه...
كملت المحاضرة لمت مذكراتها وطلعت...وفعلا كان علي يستني فيها لبرا...
علي لماشافها ابتسم...وأشرلها بأيده عشان تشوفه..مشتله ألاء مترددة
علي: أهلين...قعمزي خديتلك عصير وسنكرس 😊
الاء:شكرا...علي ضياء قريب يجيني شن الموضوع اللي تبيني فيه
علي ابتسم: باه غير قعمزي
قعمزت ألاء باارتباك....
علي: شوفي للوش...قصدي ألاء 😁 بنخشلك في الدغري طول...بصراحة انتي عاجبتيني من زمان..وعاجبيني أخلاقك
ألاء وجها تحمرط: علي شن هالكلام؟!
علي: غير خليني نكمل بس 😁...المهم نبيك بالحلال..ولو مافيش مانع ومافيش حد في حياتك نبي نبعت أهلي ☺
ألاء تبلع في ريقها ومش عارفة شن تقول: بس أني...قصدي...أني...يعني نبي نكمل قرايتي الحق
علي: واني ماعنديش مانع نخلوها خطبة بس توا..والزواج بعد تتخرجي...هاشن رايك 😉
ألاء: مانعرفش😓
علي: يعني موافقة والا لا ؟!
رن تليفون ألاء وكان المتصل ضياء...ألاء وقفت بسرعة: ضياء جاني
علي: باه ردي عليا قبل😳
الاء: خليني انفكر.... ومشت بسرعة
~~~~~~~~~~~~~~~~~~~~~~
أنت تقرأ
نسيت أنساك.
Romansaالجزء الثاني لقصة ياريتني.. القصة الأصلية موجودة ف صفحة عالفيس اسمها قصص من عالمي. #منقولة
